മിനിസ്കേര്ട്ടും ബിക്കിനിയുമൊന്നുമല്ല; ദീപിക പദുകോണിന്റെ അടുത്ത ചിത്രത്തിലെ ലുക്ക് കണ്ടാല് ഞെട്ടും
ബോളിവുഡില് ഒന്നാം നിരയിലുള്ള നടിമാരിലൊരാളാണ് ദീപിക പദുകോണ്. ബോളിവുഡില് മാത്രമല്ല ത്രിബിള് എക്സ് ദ സാന്ഡര് കേജ് എന്ന ചിത്രത്തിലൂടെ ഹോളിവുഡ് പ്രേക്ഷകര്ക്കും പരിചിതയാവാന് പോവുകയാണ് ദീപിക. മുംബൈയിലെ ധോബി ഘട്ടില് വ്യത്യസ്തമായ ലുക്കില് ദീപികയെ കണ്ട് ആശ്ചര്യപ്പെട്ടിരിക്കുകയാണ് ആരാധകര്.
ഇറാനിയന് സിനിമയ്ക്കു വേണ്ടിയാണ് ദീപികയുടെ പുതിയ മേക്കോവര്. ചിത്രീകരണത്തിനിടെ ദീപികയുടെ ലീക്കായ ചിത്രങ്ങള് സോഷ്യല് മീഡീയില് വൈറലായിരിക്കുകയാണ്. പ്രശസ്ത ഇറാനിയന് സംവിധായകന് മജീദ് മജീദിയുടെ സംവിധാനത്തിലൊരുങ്ങുന്ന ചിത്രത്തിലാണ് ദീപിക പുതിയ മേക്കോവറിലെത്തുന്നത്.
തെരുവു പെണ്കുട്ടിയായാണ് ചിത്രത്തില് ദീപികയുടെ വേഷം. ദീപിക ഇതുവരെ ചെയ്തതില് വച്ച് വ്യത്യസ്ത റോളായിരിക്കും ഇതില്. ഇന്ത്യന് പശ്ചാത്തലത്തില് മജീദിയൊരുക്കുന്ന ചിത്രമാണിത്. ചില്ഡ്രന് ഓഫ് ഹെവന്, ബരാന്, കളര് ഓഫ് പാരഡൈസ് തുടങ്ങിയ ക്ലാസിക് ചിത്രങ്ങളുടെ സംവിധായകനാണ് മജീദി.2017-ല് റിലീസ് ചെയ്യാന് തീരുമാനിച്ച ചിത്രത്തിന്റെ ഷൂട്ടിങ് രാജസ്ഥാന്,ഉത്തര് പ്രദേശ്,ദില്ലി ,കശ്മീര്, മുംബൈ എന്നിവിടങ്ങളിലായി നടക്കും.
https://www.facebook.com/Malayalivartha