ബോളിവുഡിലെ ചൂഷണത്തിനെതിരെ രാധിക ആപ്തെ പൊട്ടിത്തെറിച്ചു; എല്ലാം പൊളിച്ചടുക്കണമെന്നും താരം
ബോളിവുഡില് നടിമാര് മാത്രമല്ല നടന്മാരും പലതരത്തിലുള്ള പീഡനങ്ങള്ക്ക് ഇരയാകുന്നുണ്ടെന്ന് നടി രാധിക ആപ്തെ. ലൈംഗികമായി പീഡിപ്പിക്കപ്പെട്ട നടന്മാരെ തനിക്ക് നേരിട്ടറിയാമെന്നും അവസരങ്ങള് നഷ്ടപ്പെടുമോ എന്ന് ഭയന്ന് അവരൊക്കെ വിവരങ്ങള് പുറത്ത് പറയാതിരിക്കുകയാണെന്നും ഒരു ദേശീയ ദിനപത്രത്തിന് നല്കിയ അഭിമുഖത്തില് താരം വ്യക്തമാക്കി. നിര്മാണ കമ്പനികളുമായി ബന്ധപ്പെട്ട ചില സ്ത്രീകളടക്കമാണ് ഇത്തരം പീഡനങ്ങള്ക്ക് പിന്നില്. അധികാരികളാരും പെട്ടെന്ന് തങ്ങള്ക്കെതിരെ നടപടിയെടുക്കില്ലെന്ന വിശ്വാസം ബോളിവുഡിലെ തലതൊട്ടപ്പന്മാര്ക്കുണ്ട്. ആ മായികവലയം പൊളിക്കണം. ആ വലയം സൃഷ്ടിക്കുന്ന ഭയത്തിലാണ് പലരും ജോലി ചെയ്യുന്നത്.
ഏത് മേഖലയിലും ഉള്ളത് പോലുള്ള തൊഴില് നിയമങ്ങളും മര്യാദകളും ബോളിവുഡിലും നടപ്പാക്കണം. നടിമാര് തങ്ങള്ക്കുണ്ടായ ദുരനുഭവങ്ങള് തുറന്ന് പറയുന്നുണ്ട്. അതുപോലെ നടന്മാരും തങ്ങള്ക്കുണ്ടായ മോശം അനുഭവങ്ങള് വെളിപ്പെടുത്തണം. കുറ്റക്കാരെ സമൂഹത്തിന് മുന്നില് കൊണ്ടുവരാന് തയ്യാറാകണം. പറയുന്നത് ആരെങ്കിലും വിശ്വസിക്കുമോ, അല്ലെങ്കില് മോശമാകുമോ എന്ന് പലര്ക്കും ആശങ്കയുണ്ട്. കാരം എതിരാളികളെല്ലാം ശക്തരാണ്. പണവും സ്വാധീനവും അധികാരവും ഉള്ളവരാണ്. അതിനാല് പരാതികള് പുറംലോകം കാണില്ലെന്നും കരിയര് ഇല്ലാതാകുമെന്നും പലരും ഭയക്കുന്നു.
ഇത്തരം ചൂഷണങ്ങള്ക്കെതിരെ സ്ത്രീ ശബ് ദം ഉയര്ന്ന് വരുന്നുണ്ട്. പുരുഷന്മാരും പ്രതികരിച്ച് മുന്നോട്ട് വരണം. അധികാരവും സ്വാധീനവും വഴി മറ്റുള്ളവരെ നശിപ്പിക്കുന്നവരെ പൊതുസമൂഹത്തിന് മുന്നില് കൊണ്ടുവരണം. നേട്ടങ്ങള്ക്കായി എന്ത് വിട്ട് വീഴ്ച്ചയ്ക്കും തയ്യാറായ ഒരു പ്രബല വിഭാഗം ബോളിവുഡിലുണ്ട്. അവരാണ് ചൂഷണം നടത്തുന്നവര്ക്ക് കുട ചൂടുന്നത്. ചൂഷണത്തിനിരയാകുന്നുണ്ടോ എന്ന് മനസിലാക്കാനും അത് തിരിച്ചറിഞ്ഞ് നോ പറയാനും തയ്യാറാകണം. സ്വന്തം കഴിവിവ് കാലം തെളിയിക്കും അതിനനുസരിച്ചുള്ള അവസരങ്ങള് ലഭിക്കും. വീട്ടില് നിന്ന് ഓടിവരുന്നവരുണ്ട്. അവര്ക്ക് ആശ്രയിക്കാന് മറ്റൊന്നുമില്ല. മെച്ചപ്പെട്ട ഒരു സംവിധാനവും നിയമങ്ങളും സുതാര്യതയും ബോളിവുഡില് വേണമെന്നും രാധിക ആപ്തെ ആവശ്യപ്പെട്ടു.
https://www.facebook.com/Malayalivartha