മോഹന്ലാലിന്റെ പിറന്നാള് ദിവസമായ ഇന്ന് ലാലേട്ടനെ ആദ്യമായി കണ്ട ദിനത്തെ കുറിച്ച് സംസാരിക്കുന്നു ഒരു പോളിഷ് ആരാധകന്
മോഹന്ലാലിനോടുള്ള ആരാധനയ്ക്ക് ദേശാതിര്ത്തികള് പ്രശ്നമല്ലെന്നുള്ളതിന്റെ തെളിവാണ് ബര്ട്ടോസ് സര്നോട്ട എന്ന പോളണ്ടുകാരന് ആരാധകന്. മലയാളികള് പോളണ്ടിനെക്കുറിച്ച് ഒരക്ഷരം മിണ്ടരുതെന്ന് പറയുമെങ്കിലും മലയാളത്തെക്കുറിച്ചും മലയാളസിനിമയെക്കുറിച്ചും ഈ പോളണ്ടുകാരന് പറയാതിരിക്കാനാകില്ല. മലയാളസിനിമയെ അത്രമേല് സ്നേഹിക്കുന്നുണ്ട് ബര്ട്ടോസ്. സെറിബ്രല് പാള്സി മൂലം ജന്മനാ വീല്ചെയറിലായ ബര്ട്ടോസിന് സിനികളെന്നാല് ജീവനാണ്, പ്രിയപ്പെട്ട താരമാകട്ടെ മോഹന്ലാലും.
മോഹന്ലാലിന്റെ പിറന്നാള് ദിവസമായ ഇന്ന് ആദ്യമായി താരത്തെ കണ്ട അനുഭവവും ഇഷ്ടപ്പെട്ട സിനിമയെക്കുറിച്ചും ബര്ട്ടോസ് പറഞ്ഞു.
ജീവിതത്തില് ഒരിക്കലും മറക്കാനാവാത്ത മുഹൂര്ത്തങ്ങളില് ഒന്നായിട്ടാണ് മോഹന്ലാലിനെ കണ്ട നിമിഷത്തെ ബര്ട്ടോസ് കരുതുന്നത്. അദ്ദേഹത്തെ കാണാനായി 2015-ലാണ് ആദ്യമായി അമ്മയോടൊപ്പം അദ്ദേഹം കേരളത്തില് വരുന്നത്. അന്ന് വളരെക്കുറച്ചു സമയം മാത്രമേ അദ്ദേഹത്തോട് സംസാരിക്കാന് സാധിച്ചുള്ളൂ. ആളുകള് വളരെ ആവേശത്തോടെ 'ലാലേട്ടന് കീ ജയ്' വിളിക്കുന്നുണ്ടായിരുന്നു. എത്രമാത്രം ആരാധന അവര്ക്കുണ്ടെന്ന് ഇതില് നിന്നുംമനസ്സിലാക്കാമായിരുന്നു.
മോഹന്ലാലാണ് എനിക്കും അമ്മയ്ക്കും കൊച്ചിയില് താമസ സൗകര്യമൊരുക്കിയത്. സിനിമയുടെ ഷൂട്ടിങ്ങിനായി പോളണ്ടില് വരുമ്പോള് തീര്ച്ചയായും കാണാമെന്നും അദ്ദേഹം പറഞ്ഞു. അന്നെനിക്ക് അദ്ദേഹത്തിന്റെ സിനിമകളുടെ വലിയൊരു ശേഖരം സമ്മാനമായി തന്നു. ജീവിതത്തിലെ വിലപ്പെട്ട സമ്മാനങ്ങളില് ഒന്നാണത്.
വളരെ കരുണയുള്ള മനുഷ്യനാണ് അദ്ദേഹം. മോഹന്ലാലിന്റെ കുട്ടിത്തം നിറഞ്ഞ മുഖവും ലാളിത്യവുമാണ് എന്നെ ഏറെ ആകര്ഷിച്ചത്. ഞാന് ആദ്യം കാണുന്ന മോഹന്ലാല് ചിത്രം പ്രണയമാണ്. എന്നാല് ഏറ്റവും പ്രിയപ്പെട്ടത് ഇരുവര് സിനിമയാണ്.
എത്ര യാഥാര്ഥ്യത്തോടെയാണ് രാഷ്ട്രീയത്തിലെ ഉയര്ച്ചയും അധികാരവുമൊക്കെ സിനിമയില് കാണിച്ചിരിക്കുന്നത്. ഞാന് മോഹന്ലാലിനെയും മമ്മൂട്ടിയേയും ഏറെ സ്നേഹിക്കുന്ന വ്യക്തിയാണ്. എന്നാല് ഫാന് എന്ന് അടയാളപ്പെടുത്തുന്നതിനോട് വിയോജിപ്പുണ്ട്.- ബര്ട്ടോസ് പറഞ്ഞു.
https://www.facebook.com/Malayalivartha