ആറ് വർഷത്തെ പ്രണയപ്പകയിൽ വടക്കൻ പറവൂരിൽ പൊതുപ്രവർത്തക സുരമ്യക്ക് ദാരുണാന്ത്യം. ബന്ധത്തിൽ നിന്ന് പിന്മാറിയതിലുള്ള വൈരാഗ്യത്തിൽ, പ്രശ്നങ്ങൾ പറഞ്ഞുതീർക്കാമെന്ന് വിശ്വസിപ്പിച്ച് സുഹൃത്ത് ഷിബിൻ സ്വന്തം വീട്ടിലേക്ക് വിളിച്ചുവരുത്തി ക്രൂരമായി കുത്തിക്കൊല്ലുകയായിരുന്നു. കൊലപാതകത്തിന് ശേഷം പ്രതി വടക്കേക്കര പോലീസ് സ്റ്റേഷനിൽ കീഴടങ്ങി. കൃത്യമായ ആസൂത്രണത്തോടെയാണ് പ്രതി കൊലപാതകം നടത്തിയതെന്ന് പോലീസ് കണ്ടെത്തിയിട്ടുണ്ട്.