ഒരിടവേളയ്ക്ക് ശേഷം സാന്ത്വനം കുടുംബത്തിലേക്ക് ജയന്തി എത്തിയിരിക്കുകയാണ്. കുറച്ചു ദിവസങ്ങൾക്ക് ശേഷം വരവ് അറിയിച്ചിരിക്കുകയല്ലേ.. എന്തയാലും അത് അത്രയ്ക്ക് നിസ്സാരമായ വരവൊന്നും ആയിരിക്കില്ല.. നല്ലൊരു ഏഷണി ഉണ്ടാക്കാനായിരിക്കും ഈ വരവ്.

ഒരു ഭാഗത്തു നിന്നും ജയന്തിയുടെ പ്രവര്‍ത്തികള്‍ അഞ്ജുവിനും ശിവനും തലവേദനയാകുമ്പോള്‍ മറുവശത്ത് അപ്പുവിനേയും ഹരിയേയും കുടുക്കുകയായിരിക്കും തമ്പി ചെയ്യുക. അതുകൊണ്ട് തന്നെ വരും ദിവസങ്ങളില്‍ പരമ്പര സംഭവബഹുലമായിമാറുമെന്ന കാര്യത്തിന് ഉറപ്പായി.

അസുഖ ബാധിതയായ സാവിത്രിയെ കാണാനായി ജയന്തി എത്തുന്നതാണ് പ്രൊമോ വീഡിയോയില്‍ ആദ്യം കാണിക്കുന്നത്. വിവരങ്ങള്‍ ഒക്കെ അറിഞ്ഞിട്ടും അഞ്ജു സാവിത്രിയെ വന്ന് കാണാതിരിക്കുന്നത് ശരിയല്ലെന്നാണ് ജയന്തി പറയുന്നത്. എന്നാല്‍ അഞ്ജുവിനോട് ഒന്നും പറയേണ്ട എന്ന് സാവിത്രി തന്നെയാണ് ശിവനോട് പറഞ്ഞതെന്ന് ശങ്കരന്‍ ജയന്തിയോട് പറയുന്നു.

പക്ഷെ, അത്കൂട്ടാക്കാന്‍ ജയന്തി തയ്യാറായില്ല. എന്നാലും ശിവന്‍ അഞ്ജുവിനോട് പറയാതിരിക്കുമോ എന്നാണ് ജയന്തി ചോദിക്കുന്നത്. ഇതിനിടെ അപ്പുവും ഹരിയും തമ്മില്‍ ഫോണില്‍ സംസാരിക്കുന്നതും കാണാം. ഇരുവരും തങ്ങളുടെ പിണക്കം അവസാനിപ്പിക്കുമോ ഇല്ലയോ എന്ന ഇന്നത്തെ എപ്പിസോഡിലൂടെ അറിയാം.

പിന്നാലെ അഞ്ജുവിനെ വിളിച്ച് സാവിത്രിയുടെ അവസ്ഥ വിവരിക്കുകയാണ് ജയന്തി. തന്റെ അമ്മയുടെ അവസ്ഥ അഞ്ജുവിന് ഇതുവരേയും അറിയില്ലായിരുന്നു. സാവിത്രിയും ശങ്കരനും ഈ വിവരം അഞ്ജുവില്‍ നിന്നും മറച്ചുവെക്കുകയായിരുന്നു.

എന്നാല്‍ ജയന്തി പൊടിപ്പും തൊങ്ങലും ചേര്‍ത്ത് സാവിത്രിയുടെ അവസ്ഥയെക്കുറിച്ച് അഞ്ജുവിനോട് വെളിപ്പെടുത്തുന്നതായാണ് വീഡിയോ കാണിക്കുന്നത്. ഞാനവിടെ ചെന്നപ്പോള്‍ നിന്റെ അമ്മ ശ്വാസം കിട്ടാതെ പിടയ്ക്കുകയായിരുന്നുവെന്നാണ് ജയന്തി അഞ്ജുവിനോട് പറയുന്നത്. ശിവനും ആ അവസ്ഥ കണ്ടിട്ടു തന്നെയാണ് പോയതെന്നും ജയന്തി പറയുന്നുണ്ട്. തന്റെ അമ്മയുടെ അവസ്ഥ ശിവന്‍ അഞ്ജുവിനോട് പറയാതെ മറച്ചുവെക്കുകയായിരുന്നുവെന്നാണ് ജയന്തി പറയാന്‍ ശ്രമിക്കുന്നത്.

എന്നാൽ, ജയന്തിയ്ക്കുള്ള പണിയുമായി രംഗ പ്രവേശനം ചെയ്യുകയാണ് തമ്പി... രാത്രി റോഡ് സൈഡില്‍ വച്ചാണ് ശങ്കരൻമാമയും തമ്പിയും കണ്ടുമുട്ടുന്നത്. തന്നെ വിളിച്ച് ഇളക്കി വിട്ടത് ഒരു സ്ത്രീയാണെന്നും ബാലന്റേയും ശിവന്റേയും ശത്രുവാണ് ഈ സ്ത്രീയെന്ന് അവരുടെ ശബ്ദത്തില്‍ നിന്നും മനസിലായെന്നും തമ്പി ശങ്കരനോട് പറയുന്നു.

ജയന്തി ആയിരുന്നു ആ സ്ത്രീ എന്ന കാര്യം തമ്പിയ്ക്കോ.. ശങ്കരൻമാമനോ ഇതുവരെയും അറിഞ്ഞിട്ടില്ല . എന്നാല്‍ ജയന്തിയെ തമ്പിയ്ക്ക് അറിയില്ല. പക്ഷെ തമ്പിയുടെ വാക്കുകളില്‍ നിന്നും എല്ലാ പ്രശ്‌നങ്ങളുടേയും കാരണക്കാരി ജയന്തിയാണെന്ന വസ്തുത ശങ്കരന്‍ മനസ്സിലാക്കുമെന്ന് തന്നെ നമുക്ക് കരുതാം. ഇതോടെ ശങ്കരന്‍ സത്യങ്ങള്‍ ബാലനോടോ ശിവനോടോ തുറന്നു പറയുകയോ സ്വയം ജയന്തിയെ താക്കീത് ചെയ്യുകയോ ചെയ്യാനുള്ള സാധ്യതകളും തെളിഞ്ഞു വരികയാണ്.

എന്തായാലും തമ്പിയെ അന്നൊരു സ്ത്രീയാണ് വിളിച്ചതെന്ന് പറഞ്ഞത് നന്നായി... അത് ആരാന്നു കണ്ടു പിടിക്കണം ശങ്കരന്‍. ഇത് ജയന്തിക് ഉള്ള ഒരു നല്ല പണി തന്നെയാ, ഇതിനാണ് പല നാള്‍ കള്ളന്‍ ഒരു നാള്‍ പിടിയില്‍ എന്ന് പറയുന്നത്. ജയന്തിയ്ക്ക് എന്തായാലും ഉടൻ പെടും കേട്ടോ...

ജയന്തി തമ്പിയെ വിളിച്ചകാര്യം ഇത്രേം ലേറ്റ് ആയപ്പോള്‍ ഇനി ആരും അറിയില്ലെന്നാണ് ഞാന്‍ കരുതിയെ. കുറച്ചു വൈകിയാലും തമ്പി അതു പറഞ്ഞല്ലോ അത് നന്നായി. സാന്ത്വനം കുടുംബത്തിനും അവർ അറിയാതെ ആണെങ്കിലും തമ്പിയെ കൊണ്ട് ആദ്യമായി ഒരു ഉപകാരം ഉണ്ടായിരിക്കുകയാണ്.