ഡിറ്റക്ടീവായി സൈജു കുറുപ്പ്; അരുൺ ഗോപിയുടെ നിർമ്മാണത്തിൽ പുതിയ ഇൻവെസ്റ്റിഗേറ്റീവ് കോമഡി ത്രില്ലർ
19 AUGUST 2026 04:22 PM IST
മലയാളി വാര്ത്ത
ഡിറ്റക്ടീവ് ഹ്യൂമർ പശ്ചാത്തലത്തിലൂടെ അവതരിപ്പിക്കുന്ന ഈ ചിത്രത്തിൽ നായകനായി എത്തുന്നത് പ്രമുഖ താരം സൈജു കുറുപ്പാണ്. സൈജു കുറുപ്പിന് പുറമെ ധ്യാൻ ശ്രീനിവാസൻ, സായ് കുമാർ, അൽത്താഫ് സലിം, ഹരിശ്രീ അശോകൻ, സുധീഷ്, ശങ്കർ രാമകൃഷ്ണൻ, മധുപാൽ, ഷാൻ റഹ്മാൻ, ഷാജു ശ്രീധർ, റിയാ ജിത്തു, ഉത്തരാ ഉണ്ണി, ആൽഫി പഞ്ഞിക്കാരൻ, ശ്രീരേഖ തുടങ്ങിയ വലിയൊരു താരനിരയും ചിത്രത്തിൽ പ്രധാന വേഷങ്ങളിൽ അണിനിരക്കുന്നുണ്ട്.
അരുൺ ഗോപി എന്റർടെയ്ൻമെന്റ്സ്, ജസ്റ്റിൻ & മാത്യു എന്റർടെയ്ൻമെന്റ്സ് എന്നീ ബാനറുകളിൽ അരുൺ ഗോപി, ജസ്റ്റിൻ, മാത്യു എന്നിവർ ചേർന്നാണ് ഈ ചിത്രം നിർമ്മിക്കുന്നത്. സുനന്ദ ഫിലിപ്പ് ജസ്റ്റിൻ, സൗമ്യ ജോൺ അരുൺ എന്നിവരാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസർമാർ.
ചിത്രത്തിന്റെ ഔദ്യോഗികമായ തുടക്കം കുറിച്ചുകൊണ്ട് സെപ്റ്റംബർ 7-ന് കൊച്ചി ഇടപ്പള്ളി അഞ്ചുമന ക്ഷേത്രത്തിൽ വെച്ച് സ്വിച്ചോൺ കർമ്മം നടക്കും. തുടർന്ന് സിനിമയുടെ ചിത്രീകരണം ആരംഭിക്കുമെന്നും പി.ആർ.ഒ വാഴൂർ ജോസ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
