സ്വന്തം മകളെ ഉപദ്രവിക്കാൻ ശ്രമിക്കുന്ന അച്ഛന്റെ കഥ; നെജു കല്യാണിയുടെ 'ഉപ്പൻ' യൂട്യൂബിൽ സ്ട്രീമിംഗ് ആരംഭിച്ചു
20 AUGUST 2026 05:11 PM IST
മലയാളി വാര്‍ത്ത
മുൻപ് നെജു കല്യാണി ഒരുക്കിയ 'വാസുകി', 'മകൾ എന്റെ മകൾ', 'പ്രണയജാതകം' തുടങ്ങിയ ഷോർട്ട് ഫിലിമുകളും ശക്തമായ സാമൂഹിക പ്രമേയങ്ങൾ കൊണ്ടാണ് ശ്രദ്ധ നേടിയത്. ആ പരമ്പരയിലെ ഏറ്റവും പുതിയ ചിത്രമായ 'ഉപ്പൻ', ഒരു ബിഗ് സ്ക്രീൻ സിനിമയുടെ നിലവാരത്തിലാണ് അണിയറപ്രവർത്തകർ ഒരുക്കിയിരിക്കുന്നത്. എന്ത് കൊണ്ടും ഏവരും കണ്ടിരിക്കേണ്ട പ്രസക്തമായ ഒരു വിഷയമാണ് ചിത്രം കൈകാര്യം ചെയ്യുന്നത്.
ചിത്രത്തിന്റെ സംഗീതം ഒരുക്കിയിരിക്കുന്നത് മലയാളികളുടെ പ്രിയപ്പെട്ട സംഗീതസംവിധായകൻ രവീന്ദ്രൻ മാസ്റ്ററുടെ മകൻ സാജൻ മാധവാണ്. 'ഉപ്പൻ' എന്ന ചിത്രത്തിന് അദ്ദേഹം നൽകിയ മനോഹരമായ പശ്ചാത്തല സംഗീതം ഏറെ പ്രശംസ അർഹിക്കുന്നുണ്ട്. ഒപ്പം നടി മനീഷ ബിനികയുടെ മികച്ച പ്രകടനവും ചിത്രത്തിന്റെ മാറ്റുകൂട്ടുന്നു. വാഴൂർ ജോസ് പി.ആർ.ഒ ആയി എത്തുന്ന ഈ ഷോർട്ട് ഫിലിം ഇതിനോടകം തന്നെ പ്രേക്ഷക ശ്രദ്ധ നേടി മുന്നേറുകയാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
