2021 നെ ആവേശത്തോടെ വരവേറ്റപ്പോൾ മലയാള ടെലിവിഷനിലും ഒരു ആവേശ തരംഗം ഒരുക്കി ഏഷ്യാനെറ്റ് സംപ്രേക്ഷണം തുടങ്ങിയ പരമ്പരയാണ് കൂടെവിടെ. 2021 ലെ ഏഷ്യാനെറ്റിലെ ആദ്യ പരമ്പര, ജനുവരി 4 മുതൽ പ്രേക്ഷകർക്കിടയിൽ സൂര്യ എന്ന പെൺകുട്ടിയും അവളെച്ചുറ്റിപ്പറ്റിയുള്ള കഥയും കഥാപാത്രവും നിറഞ്ഞുനിന്നു .

സൂര്യാ കൈമളിന്റെ സാഹസികമായ ജീവിതകഥ വരച്ചു കാട്ടുന്ന ഈ പരമ്പരയിലൂടെ മലയാളത്തിന്റെ പ്രിയ നടൻ കൃഷ്ണകുമാർ, ടെലിവിഷൻ രംഗത്തേക്ക് ഒരു തിരിച്ചുവരവും നടത്തുകയായിരുന്നു. 2008 ൽ സംപ്രേക്ഷണം ചെയ്തിരുന്ന മാലയോഗം എന്ന സീരിയലിനു ശേഷം ആദ്യമായാണ് കൃഷ്ണകുമാർ മലയാളത്തിൽ ഒരു പരമ്പര ചെയ്യുന്നത്. കൂടെവിടെയിലെ ആദി സാർ എന്ന് കേൾക്കുമ്പോൾ തന്നെ ചിരിയോടെയുള്ള നടന്റെ മുഖമാണ് പ്രേക്ഷകർക്ക് ഓർമ്മ വരുക.

സൂര്യ ഋഷി ജോഡികൾ പോലെത്തന്നെ കഥയിൽ വളരെ പ്രാധാന്യമുള്ള ജോഡികളാണ് അതിഥി ആദി. അതിഥി ടീച്ചർ എന്ന കഥാപാത്രമായിട്ട് പരമ്പരയിൽ എത്തുന്നത് ശ്രീധന്യ ആണ്. ഋഷിയുടെ അമ്മയും അച്ഛനും ആയിട്ടാണ് കഥയിൽ അവർ എത്തുന്നതെങ്കിലും വളരെ യവ്വനം തുളുമ്പുന്ന അഭിനയവും പ്രണയരംഗങ്ങളും സമ്മാനിക്കാൻ ഇഅവരുടെയും ജോഡികൾക്കും സാധിച്ചിരുന്നു.

ദൂരദർശൻ കാലം മുതൽ മലയാളികൾ ഏറ്റെടുത്ത മുഖമായിരുന്നു നടൻ കൃഷ്ണകുമാറിന്റേത്. അന്നുമുതൽ ഇന്നുവരെ അഭിനയരംഗത്ത് അദ്ദേഹത്തിന് പകരക്കാരനായി ആരും തന്നെ എത്തിയിരുന്നില്ല. എന്നാൽ, കൂടെവിടെ പരമ്പരയിൽ സെമിനാറിനായി ബനാറസിലേക്കോ മറ്റോ പോയ ആദി സാർ എന്ന കഥാപാത്രം പിന്നീട് തിരികെ വന്നിരുന്നില്ല.

അതേസമയം താൻ ഇനി കൂടെവിടെയിലേക്ക് ഉണ്ടാകില്ല എന്നറിച്ച് കൃഷ്ണകുമാർ തന്നെ സോഷ്യൽ മീഡിയയിൽ രംഗത്തുവന്നിരുന്നു.. കൂടെവിടെയിൽ നിന്നും തന്നെ പിന്നെ വിളിച്ചിരുന്നില്ല എന്നാണ് കൃഷ്ണകുമാർ പറഞ്ഞിരുന്നത്. അതോടൊപ്പം സീരിയൽ റൈറ്റർ വരെ കൂടെവിടെ ടീമിൽ നിന്നും മാറിയിട്ടുണ്ടെന്നും , ഇത് സീരിയലുകളുടെ ശാപമാണെന്നും പറഞ്ഞിരുന്നു..

എന്നാൽ പ്രേക്ഷകർ പിന്നെയും ആദി സാറിനായി , കൃഷ്ണകുമാർ തിരിച്ചെത്താനായി കാത്തിരുന്നു. ഇന്നിപ്പോൾ 300 ആം എപ്പിസോഡ് പിന്നിട്ടപ്പോൾ കൂടെവിടെയിൽ വീണ്ടും അഴിച്ചു പണികൾ നടന്നു. പുതിയ തിരക്കഥാകൃത്തിനെയും പ്രേക്ഷകർക്കായി കൊണ്ടുവന്നിരിക്കുകയാണ്. മനോജ് രാമചന്ദ്രനാണ് കൂടെവിടെയുടെ പുതിയ സ്ക്രിപ്റ്റ് റൈറ്റർ.

അതോടൊപ്പം കൂടെവിടെയുടെ കൂട്ടിൽ നിന്നും പറന്നുപോയ കുറെ താരങ്ങളും തിരികെയെത്തുകയാണ്. അതിൽ ആദ്യം എത്തിയത് എസ് . പി സൂരജ് സാർ എന്ന കഥാപാത്രമായിരുന്നു. സൂരജ് സാർ എന്ന കഥാപാത്രത്തെ തുടക്കം മുതൽ മലയാളികളിൽ എത്തിച്ചത് ദേവേന്ദ്രനാഥ്‌ ശങ്കരനാരായണൻ ആണ്.

അതുപോലെ ഇപ്പോൾ ആദി സാറും തിരികെവരുകയാണ്. എന്നാൽ ആദി സാർ ആയി കൃഷ്ണകുമാർ തന്നയാകില്ല വരുന്നത്. പകരം ആദിത്യനായി ഇനി നിങ്ങൾക്ക് മുന്നിൽ എത്തുന്നത് ഓമനത്തിങ്കൾപക്ഷി , നീലക്കുയിൽ തുടങ്ങി നിരവധി പരമ്പരകളിലൂടെ നിങ്ങൾക്ക് സുപരിചിതനായ പ്രിയതാരം അനിൽ മോഹൻ ആണ്.

സായി കിരണിന്റെ പേരായിരുന്നു ഏറ്റവും കൂടുതൽ പറഞ്ഞുകേട്ടത്. കൃഷ്ണകുമാർ വരില്ലെന്ന ഉറപ്പ് കിട്ടിയതോടെ ആദി സാർ ആയി ആര് വന്നാൽ കൊള്ളാം എന്നുള്ള ചർച്ചകൾ പ്രക്ഷകർക്കിടയിൽ വലിയ രീതിയിൽ തന്നെ നടന്നു. എന്നാൽ ആദി സാർ ആയി ഇനി നമ്മൾ കാണുക അനിൽ മോഹനെയാകും. പഴയ ആദി സാറിന്റെ കഥാപാത്രത്തെ തിരിച്ചുകൊണ്ടുവരാൻ അനിൽ മോഹന് വളരെ വേഗം സാധിക്കട്ടെ എന്നാശംസിക്കാം..