ഒരുമയുടെ അടയാളമായ സാന്ത്വനം വീടിനെ രണ്ടായി പിരിക്കുക എന്ന തമ്പിയുടേയും ലച്ചുവിന്റേയും ലക്ഷ്യം ഏകദേശം വിജയം കൈവരിച്ചു കൊണ്ടിരിക്കുകയാണ്. ഇതിന്റെ ഭാഗമായി അപ്പുവിന് ഉപയോഗിക്കാനായി പുതിയ ഗ്യാസ് അടുപ്പും പിന്നലെ കഴിഞ്ഞ ദിവസം പുതിയ വാഷിംഗ് മെഷീനും തമ്പിയും ലച്ചുവും എത്തിച്ചിരുന്നു.

അടുപ്പിന് പിന്നാലെ വന്ന വാഷിംഗ് മെഷീനും പൊട്ടിത്തെറികള്‍ക്ക് കാരണമാകുമെന്ന് പ്രതീക്ഷിച്ചിരുന്നു. അത് തന്നെ സംഭവിക്കാനും പോകുകയാണ്, പുതിയ വാഷിംഗ് മെഷീനില്‍ അലക്കാനായി ത്രില്ലടിച്ച് പോകുന്ന കണ്ണനെ കഴിഞ്ഞ ദിവസം കണ്ടിരുന്നു. എന്നാല്‍ ഇത് കണ്ട് വന്ന ലച്ചു കണ്ണന്റെ തുണികള്‍ വാഷിംഗ് മെഷീനില്‍ നിന്നും എടുത്ത് പുറത്തേക്ക് എറിയുകയും ചെയ്തതാണ്.

ഇനി പൊട്ടിത്തെറി ആരംഭിക്കാൻ പോകുകയാണ്... ലച്ചു പഠിച്ച പണി പതിനെട്ടും നോക്കിയിട്ടുംസാന്ത്വനത്തിൽ പ്രശ്നങ്ങൾ സൃഷ്ട്ടിക്കാൻ കഴിഞ്ഞില്ല.. പക്ഷെ, അവസാനം വാഷിംഗ് മെഷീൻ കളി വിജയിക്കാൻ പോകുകയാണ്. ഇന്നത്തെ എപ്പിസോഡിൽ കൂടാ തല്ലായിരിക്കും കാണാൻ പോകുന്നത്. പിന്ന, നന്നായിട്ടൊന്നു ചിന്തിച്ചാൽ എപ്പിസോഡ് നീട്ടി കൊണ്ട് പോകാൻ വേണ്ടിയുള്ള ഒരു ട്രിക്ക് ആണെന്ന് പറയാം. അല്ലെങ്കിൽ, കാല പെറ്റു എന്ന് കേൾക്കുന്നതിന് മുൻപ് കയറും എടുത്ത് അപ്പുവിന് ഓടേണ്ട വല്ല കാര്യവുമുണ്ടോ??

ശിവനോട് ചാടികയറിയിട്ട് ശിവനൊന്നും മിണ്ടുന്നതായിട്ട് കാണുന്നില്ല, അല്ലേലും ശിവേട്ടൻ.. വീടിന് പുറത്ത് മാസ് കാണിക്കാനല്ലേ.. അറിയൂ, ഇല്ലെങ്കിൽ എന്താണ് നടന്നതെന്ന് വ്യക്തമായിട്ട് കണ്ണന് അറിയാം... അപ്പോൾ, അങ്ങ് വാ തുറന്ന് സംസാരിക്കണം. അല്ലെങ്കിലും, സാന്ത്വനം വീട്ടിലുള്ള ആർക്കും ഇപ്പോൾ പ്രതികാരം ശേഷി ഇല്ലാലോ... ആകപ്പാടെ എന്തെങ്കിലും പറയുന്നത് അഞ്ജുവാണ്. അത്, ആയിരിക്കും പ്രശ്നങ്ങൾ തുടങ്ങുന്നതിന് കാരണമാകുന്നത്.

കണ്ണനോട് ലച്ചു കാണിച്ചത് കണ്ടു കൊണ്ട് എത്തുന്ന അഞ്ജുവിനെയാണ് പുതിയ പ്രൊമോയില്‍ കാണുന്നത്. ലച്ചുവിന്റെ ഈ പ്രവര്‍ത്തി സ്വാഭാവികമായും അഞ്ജുവിനെ ദേഷ്യം പിടിപ്പിക്കുന്നതായിരുന്നു. കണ്ണനോട് ദേഷ്യപ്പെട്ടു കൊണ്ട് ലച്ചുവിനോടുള്ള ദേഷ്യം പുറത്തെടുക്കുകയാണ് വീഡിയോയില്‍ അഞ്ജു. തൃപ്തിയായില്ലേ നിനക്ക്, ഇതുപോലെ വല്ലവരും വാങ്ങിച്ചു വച്ച വാഷിംഗ് മെഷീനില്‍ തന്നെ കഴുകണം നിനക്ക് അല്ലേ എന്നാണ് അഞ്ജു കണ്ണനോട് ചോദിക്കുന്നത്. തമ്പുരാട്ടിയാണെന്ന് നടിച്ച് നടക്കുന്ന വര്‍ഗ്ഗങ്ങളോടൊന്നും ഔദാര്യത്തിന് പോകരുതെന്നും അഞ്ജു പറയുന്നു. അവരുടെ വായില്‍ ഇരിക്കുന്നത് കേള്‍ക്കാന്‍ ഇട കൊടുക്കരുതെന്നും അഞ്ജു പറയുന്നു. പിന്നാലെ അഞ്ജുവിനോട് ദേഷ്യപ്പെട്ടു കൊണ്ട് ലച്ചു എത്തുകയാണ്. മര്യാദയ്ക്ക് സംസാരിക്കണമെന്നാണ് ലച്ചു അഞ്ജുവിനോട് പറയുന്നത്.

എന്നാല്‍ എന്നെ മര്യാദ പഠിപ്പിക്കേണ്ടെന്നും ആദ്യം നിങ്ങള്‍ പോയി മര്യാദ പഠിച്ചിട്ട് വാ എന്നും അഞ്ജു ലച്ചുവിനോട് പറയുകയാണ്. ഇത് കേട്ടതും കലി പൂണ്ട ലച്ചു അപ്പുവിന് അരികിലേക്ക് എത്തുകയാണ്. ലച്ചുവിന്റെ വാക്കുകള്‍ കേട്ട് ദേഷ്യം വന്ന അപ്പു ശിവനോടാണ് ആദ്യം ദേഷ്യപ്പെടുന്നത്. അമ്മയും കൂടെ പറഞ്ഞിട്ടല്ലേ അപ്പച്ചി ഇവിടെ നിന്നതെന്നും എന്നിട്ടും അവളിങ്ങനൊക്കെ ചെയ്യാവോ എന്ന് അപ്പു ശിവനോട് ചോദിക്കുന്നു. പിന്നാലെ ലച്ചുവിനേയും കൂട്ടി അപ്പു അഞ്ജുവിന്റെ അരികിലേക്ക് എത്തുകയാണ്. നീ എന്റെ അപ്പച്ചിയോട് മോശമായി സംസാരിച്ചുവോ എന്ന് അപ്പു അഞ്ജുവിനോട് ചോദിക്കുന്നു. അവര്‍ എന്താണ് ചെയ്്തതെന്ന് നിനക്കറിയുമോ എന്ന് അഞ്ജു തിരിച്ച് ചോദിക്കുന്നുണ്ടെങ്കിലും ഞാന്‍ ചോദിച്ചതിന് മറുപടി പറയെന്നായിരുന്നു അപ്പുവിന്റെ പ്രതികരണം. ഇതോടെ ഇരുവരും തമ്മിലൊരു പൊട്ടിത്തെറിയ്ക്ക് തുടക്കമാകുവയാണെന്ന് വേണം വിലയിരുത്താന്‍.