കുടുംബവിളക്ക് പുതിയ അധ്യായത്തിലേക്ക് വഴിതുറക്കാൻ പോകുകയാണ് സുമിത്രയെ തട്ടികൊണ്ട് പോകലും തുടർന്നുള്ള പ്രശനങ്ങളും കഴിഞ്ഞിരിക്കുകയാണ്, വരുന്ന ആഴ്ചയിൽ എല്ലാവരും പ്രതീക്ഷിച്ചതു പോലെ അനൂപ് തന്നെ സുമിത്രയെ മഹേന്ദ്രന്റെ കൈയ്യിൽ നിന്നും രക്ഷപ്പെടുത്തി ശ്രീനിലയത്തിൽ എത്തിക്കാനുള്ള എല്ലാ ശ്രമങ്ങളും നടത്തും.ഏതായാലും ഒരു കാര്യത്തിനാണ് സമാധാനം. സുമിത്രയുടെ ക്ലാസ്സ് ഏറ്റിട്ടുണ്ട്.. ആ ക്ലാസ് മഹേന്ദ്രനും കൂടി കൊടുത്തിരുന്നെങ്കിൽ വേദികയെയും കൂടി രക്ഷപ്പെടുത്താമായിരുന്നാലോ...

വേദിക സുമിത്രയെ മഹേന്ദ്രൻ തട്ടികൊണ്ട് പോയ കാര്യം എല്ലാവരെയും അറിയിക്കാനുള്ള ശ്രമത്തിലായിരുന്നു. അതിനിടയ്ക്കായിരുന്നു, മഹേന്ദ്രനെ വിളിച്ചതും ഇക്കാര്യം ആരെങ്കിലും അറിഞ്ഞാൽ വേദികയുടെ കാര്യത്തിന് ഒരു തീരുമാനം ആകുമെന്ന് അറിഞ്ഞതും, പേടി തുടങ്ങിയിട്ടുണ്ട്, ഇനി എന്തായാലും മഹേന്ദ്രന്റെ കൈയിലാണ് സുമിത്രയുള്ളതെന്നുള്ള കാര്യം ആരോടും പറയാൻ പോകുന്നില്ല.

ഇനി ആകെയുള്ള സംശയം, സുമിത്രയെ രക്ഷപ്പെടുത്തുന്ന അനൂപ് മഹേന്ദ്രന്റെ ഗുണ്ടകളുമായി പ്രശ്നങ്ങൾ ആരംഭിക്കുമോ? അതോ, വേദികയെ പിടിച്ചുകൊണ്ട് വരുമോ.. എന്നാണ്. വേദികയാണ് അടുത്ത ഇരയെങ്കിൽ സുമിത്രയെ പോലെ ആകില്ല. നല്ലതു കൊടുക്കും അനൂപിന്.

പക്ഷെ, സുമിത്രയുടെ തിരിച്ചുവരവ്, ശത്രുക്കൾക്കെല്ലാം ഒരു തിരിച്ചടിയായിരിക്കും എന്നുള്ള കാര്യം ഉറപ്പാണ്. അതിനു വ്യക്തമായൊരു കാരണവുമുണ്ട്. സുമിത്രയെ കാണാൻ ഇല്ലെന്നു പറഞ്ഞതുമുതൽ സസരസ്വതിയമ്മ സന്തോഷത്തിലാണ് എവിടെയെങ്കിലും ഇറങ്ങി പോയതായിരിക്കും, അല്ലെങ്കിൽ എവിടെയെങ്കിലും പോകട്ടെ.. എന്നുള്ള സംസാരമാണ്, ശരണ്യയും ഏതാണ് ഇതേ ഭാവത്തിലാണ്..

വേദികയാണെങ്കിൽ തനിക്കു പകരം സുമിത്രയെ തട്ടികൊണ്ട് പോയതിൽ, സമാധാനമായിട്ട് ഇരിക്കയാണ്. പിന്നെ ,മഹേന്ദ്രൻ.. അയാളുടെ കാര്യം പറയണ്ടല്ലോ.. സുമിത്രയെ പിടിച്ചുവെച്ചാൽ പണം കിട്ടുമെന്ന് ഉറപ്പിച്ചിരിക്കുന്നു. ഇവരെയെല്ലാം ഞെട്ടിച്ചുകൊണ്ട്, സുമിത്ര പുറത്തിറങ്ങുമ്പോൾ എല്ലാവർക്കും ഒന്നോടെ സമാധാനം തകരും. പിന്നെ, മഹേന്ദ്രനും വേദികയ്ക്കും ഏത് സമയവും തിരിച്ചടി കിട്ടാനുള്ള സാധ്യതയുണ്ട്.

അങ്ങനെ, കഥയെല്ലാം ഇതുവരെ എത്തിയ സ്ഥിതിയ്ക്ക് ഇനി ദുബായ് യാത്ര വഴി രോഹിതും സുമിത്രയും തമ്മിലുള്ള പ്രണയം തുടങ്ങുമോ ഇല്ലയോ എന്നുള്ള കാര്യത്തിനാണ് സംശയം....ഹിന്ദിയിൽ ഒക്കെ അവർ പ്രണായം തുറന്നു പറഞ്ഞു ലൗ ഒക്കെ സെറ്റ് ആയി...മലയാളത്തിൽ പിന്നെ കുല സ്ത്രീ പരിവേഷങ്ങൾ ആണ് കണ്ടു വരാൻ സാധ്യത ..ഇവരിനി കഥ മാറ്റി സിദ്ധുവിനെ കൊണ്ട് കെട്ടിക്കാനുള്ള സാധ്യത ഏറെയാണ്. പിന്നെ, ഒരിക്കൽ ശ്രീകുമാർ അതിനുള്ള ശ്രമം നടത്തിയപ്പോൾ, സുമിത്ര തന്റെ അഭിപ്രായം അറിയിച്ചതാണ് അപ്പോൾ, അതുവഴി അധികം ചിന്തിക്കാതിരിക്കുന്നതാണ് നല്ലത്.

പിന്നെ, ഇന്നലെയെങ്കിലും വേദികയോട് ആ പണം എവിടെ എന്ന് സിദ്ദുവിന് ചോദിക്കാമായിരുന്നു. സുമിത്രയെ വ്യതിരിച്ചു കിട്ടാൻ പണം കൊടുക്കുന്ന കാര്യമൊക്കെ സംസാരിച്ചതല്ലേ.. അത്, കേട്ട് വേദികയും അതിനെ എതിർത്തിരുന്നു. അപ്പോൾ, പോലും സിദ്ധു ആകാര്യം മറന്നു പോയത് പരിതാപകരമായെന്നെ പറയാൻ കഴിയൂ.