കുടുംബ പ്രേക്ഷകർക്കിടയിൽ റേറ്റിംഗിൽ ഒന്നാമത് നിന്ന സീരിയലാണ് കുടുംബവിളക്ക്.. അതിനുള്ള കാര്യങ്ങൾ എന്തൊക്കെ ആണെന്ന് എല്ലാവർക്കും അറിയാവുന്നതാണ്. പക്ഷെ, ഇപ്പോൾ കുറച്ചു ദിവസം കൊണ്ട് സീരിയലിന് എന്താണ് സംഭവിക്കുന്നത്. സുമിത്ര എന്ന കഥാപാത്രത്തെ നല്ല ബോൾഡായ സ്ത്രീയായിട്ടാണ് എല്ലാവർക്കും കാണേണ്ടത് കുറച്ചു ദിവസങ്ങളിൽ അത് തന്നെ ആയിരുന്നു കണ്ടത്. പക്ഷെ, സുമിത്രാസിലെ ജീവനക്കാരിയെ വെച്ച് കള്ളക്കേസ് കൊടുത്ത് സുമിത്രയെ ജയിലിൽ ആക്കിയതുമുതൽ കാര്യങ്ങൾ തകിടം മറിഞ്ഞു തുടങ്ങിയതാണ്. അന്ന്, വേദിക സിദ്ധുവിന്റെ പേര് പറഞ്ഞ് ഭീഷയാണിപ്പെടുത്തിയപ്പോൾ.. അതും കണ്ടു പേടിച്ച് കേസും പിൻവലിച്ചിട്ടാണ് വന്നത്.

അതിനു ശേഷം വീണ്ടും വേദിക നന്നാകുമെന്ന് കരുതിയപ്പോൾ, വീണ്ടും ആധാരം മോഷ്ട്ടിക്കുകയായിരുന്നു. അവിടെ നിന്നും നിഷ്പ്രയാസം വേദിക രക്ഷപെട്ടു. ഒടുവിൽ സുമിത്ര മഹേന്ദ്രന്റെ വലയിലും വേദിക പുറത്തും. സീരിയലിനെ ഇഷ്ട്ടപ്പെടുന്ന ആർക്കെങ്കിലും... ഈ ഒരു ട്രാക്ക് ഇഷ്ട്ടപെടുമെന്ന് തോന്നുന്നുണ്ടോ?? ഒരിക്കലുമില്ല...

ഇതെല്ലം കഴിഞ്ഞിട്ട് ചിലപ്പോൾ വേദികയ്ക്ക് എന്തെങ്കിലുമൊരു പണി കൊടുക്കാനായിരിക്കും പ്ലാനിടുന്നത്. അവസാനം അതിൽ നിന്നും വേദിക രക്ഷപ്പെടും. എപ്പോഴും വേദിക എന്തെങ്കിലും പ്രശ്നം ഉണ്ടാക്കുന്നു, സുമിത്ര അതിനെ അതിജീവിക്കുന്നു. ഇതല്ലാതെ ഒന്നും ഇപ്പൊ കുടുംബവിളക്കിൽ ഇല്ല. ദയവ് ചെയ്തു ഇതൊന്ന് മാറ്റിപിടിക്ക് മടുത്തു തുടങ്ങിയിട്ടുണ്ട്.

പിന്നെ, സുമിത്ര ഇതുവരെയും സരശുവിന് പ്രശ്നങ്ങൾ ഉണ്ടാക്കുന്ന രീതിയിൽ ഒന്നും പ്രവൃത്തിക്കുന്നത് കണ്ടിട്ടില്ല. പിന്നെ, ഈ സരസുവിന് എന്താണ് പ്രശ്നം... എപ്പോഴും സുമിത്രയെ കുറ്റപ്പെടുത്തികൊണ്ട് നടക്കല്ലേ... ഭർത്താവിന്റെ, അവിഹിതം കൈയ്യോടെ പൊക്കിയിട്ടും ഒന്നും മിണ്ടാതെ ഒഴിഞ്ഞു കൊടുത്ത സ്ത്രീയല്ലേ... മകന്റെ അവിഹിതത്തിന് കൂട്ട നിന്നൊരു അമ്മ. എന്നിട്ട്, വേദിക മരുമകൾ പ്രശ്നങ്ങൾ എപ്പോഴും ഉണ്ടാക്കുന്നു. ആ ഭാഗത്ത് നിന്ന് ചിന്തിച്ച് വേദികയെ കുറ്റപ്പെടുത്തി.. അത് തെറ്റാണെന്ന് ചൂണ്ടികാട്ടാതെ എന്താണിവർ ചെയ്യുന്നത്.

ഈ അമ്മായിഅമ്മക്ക് ഇത്രയും ദേഷ്യം സുമിത്രയോട് ഒരു നല്ല മരുമകൾ ആണെന്ന് അറിയാം അതിന്റെ കാരണം കാണിച്ചാൽ കുഴപ്പമില്ല പിന്നെ വേദിക എന്തു ചെയ്താലും ആ കെട്ടിയവന് കുഴപ്പമില്ല അത് എന്താ അതും ജയിലിൽ കിടന്നു സ്വന്തം വീട്ടിലെ ആധാരം കൊണ്ടു പോയി പണയം വച്ചു ആ ക്യാഷ് എവിടെ ചോദിക്കുന്നില്ല ഇത് എന്താ ഇങ്ങനെ പ്രേക്ഷകരെ പൊട്ടൻ ആക്കുകയല്ലേ ഇതുവഴി. ഇത്രയും ദിവസമായിട്ടും ഇതിനെ കുറിച്ചൊന്നും സീരിയലിൽ സംസാരിച്ചിട്ടില്ല. സിദ്ധുവിന് വല്ലപ്പോഴുമല്ലേ... ബോധം ഉണ്ടാകുന്നത് ഇക്കാര്യം അടുത്ത ആഴ്ചയിലെങ്കിലും ചോദിക്കുമെന്ന് പ്രതീക്ഷിക്കാം.