പ്രേക്ഷകരുടെ ഏറെ ഇഷ്ടപെട്ട ഒരു റിയാലിറ്റി ഷോ ആണ് ഏഷ്യാനെറ്റിന്റെ ബിഗ് ബോസ് മലയാളം എന്നത്. ബിഗ് ബോസ് മലയാളം സീസൺ ഫോർ ഉടൻ ആരംഭിക്കുമെന്ന് അറിയിപ്പ് ലഭിച്ചത് മുതൽ സോഷ്യൽ മീഡിയയിൽ ചർച്ചയായി മാറിയിരിക്കുകയാണ്. എന്നാൽ ആരൊക്കെയാകും ഷോയിൽ പങ്കെടുക്കുക എന്ന കാര്യത്തിൽ ഇതുവരെയും ഔദ്യോഗിക സ്ഥിരീകരണമൊന്നും വന്നിട്ടില്ല.

ഇതിനോടകം തന്നെ നിരവധി താരങ്ങളുടെ പേര് സാധ്യതാ പട്ടികയിൽ ഉയർന്നുവന്നിരുന്നു. അത്തരത്തിൽ സാധ്യതാ പട്ടികയിൽ ഇടംപിടിച്ചവരിൽ ഒരാളാണ് പാലാ സജി. ഇപ്പോഴിതാ, ആരാധകരുടെ സംശയങ്ങൾക്ക് കൃത്യമായ മറുപടി നൽകിക്കൊണ്ട് രംഗത്ത് എത്തിയിരിക്കുകയാണ് പാലാ സജി.

‘ഈയിടെയായി ഞാൻ ഏഷ്യാനെറ്റ് ബിഗ് ബോസ് സീസൺ ഫോറിൽ മത്സരാർത്ഥിയാണെന്ന വാർത്തകൾ ചില ഓൺലെെൻ മാധ്യമങ്ങളിൽ കണ്ടിരുന്നു. പല സുഹൃത്തുകളും ഇതിന്റെ സത്യാവസ്ഥ തിരക്കിയിരുന്നു. ഏഷ്യനെറ്റ് എന്നെ ബിഗ് ബോസ് സീസൺ ഫോറിൽ മത്സരാർത്ഥിയാവാൻ ക്ഷണിച്ചുവെന്നത് ശരിയാണ്. എന്നാൽ മുംബെെയിലെ ഉത്തരവാദിത്തപ്പെട്ട ജോലിയിൽ നിന്ന് വിട്ട് മാറി നിൽക്കാൻ സാധിക്കാത്തതിനാൽ അവസരം നിരസിച്ചു’, എന്ന് പാലാ സജി പറയുന്നു.

അതായത് സീസണിൽ തന്റെ പങ്കാളിത്തത്തെക്കുറിച്ച് സൂചന നൽകി പാലാ സജി ദിവസങ്ങൾക്ക് മുമ്പ് ഒരു പോസ്റ്റ് പങ്കിട്ടിരുന്നു. ബിഗ് ബോസിൽ മത്സരാർത്ഥിയാകാൻ സാധ്യതയുള്ളതായി ചിത്രീകരിച്ച ഒരു വാർത്തയുടെ സ്‌ക്രീൻഷോട്ട് ആയിരുന്നു അദ്ദേഹം പോസ്റ്റ് ചെയ്തിരുന്നത്. ഇതോടെ, വാർത്ത സത്യമാണെന്നായിരുന്നു അദ്ദേഹത്തിന്റെ ആരാധകർ കരുതിയിരുന്നത്. എന്നാൽ, ഈ പോസ്റ്റും മറ്റൊരു തരത്തിൽ പ്രചരിച്ചതോടെയാണ് സത്യാവസ്ഥ വെളിപ്പെടുത്തി പാലാ സജി തന്നെ നേരിട്ട് വന്ന് സംശയം തീർത്തത്.