ശത്രുവായി വന്നവൻ സുമിത്രയ്ക്ക് മിത്രമാകാൻ പോകുന്നു വെന്ന് കഴിഞ്ഞ ആഴ്ച്ചയിലെ ജെനെറൽ പ്രോമോ കണ്ടപ്പോൾ തന്നെ ഒട്ടുമിക്കപേർക്കും മനസ്സിലായിട്ടുണ്ട്. സുമിത്രയുടെ അയ്യോ.. പാവം സ്വഭാവവും അതുപോലെ തന്നെ, സ്റ്റഡിക്ലാസുമാണ് ഇതിന് സഹായിച്ചതെന്നാണ് ട്രോളന്മാർ പറയുന്നത്. ഒരിക്കലും കണ്ടിട്ടില്ലാത്തതും, വ്യത്യസ്തവുമായ എന്തൊരു സംഭവവും സീരിയലിൽ ഉണ്ടെങ്കിൽ ഇപ്പോൾ ട്രോളന്മാർ ഏറ്റെടുക്കാറുണ്ട്. അത്, നല്ലൊരു കാര്യമാണെന്നേ പറയാൻ കഴിയൂ.. അത് കണ്ടെങ്കിലും ഓരോ സീരിയലിലെയും ഡയറക്റ്റേഴ്‌സ് അവരുടെ പോരായ്‌മ മനസിലാക്കി നല്ലൊരു സീരിയലാക്കി നമുക്ക് തരട്ടെ.

അനൂപിന് കിടിലനൊരു വില്ലൻ പരിവേഷമോകെ നൽകിയാണ് കുടുംബവിളക്കു ടീം കൊണ്ടുവന്നത്, പക്ഷെ.. ആ 'അമ്മേ' എന്നുള്ള ഒരൊറ്റ വിളിയിൽ അതെല്ലാം ഇല്ലാതായി പോയി എന്നുവേണം പറയാൻ.അല്ലെങ്കിൽ തന്നെ ഏതെങ്കിലും വില്ലന്മാർ ഇത്രയും സോഫ്റ്റായിട്ട് സംസാരിക്കുമോ?? അവർക്ക് മനഃസാക്ഷിയൊക്കെ ഉണ്ടെങ്കിൽ തന്നെ ഇങ്ങനെയൊന്നുമായിരിക്കില്ല, പ്രകടിപ്പിക്കുന്നത്. സാധാരണ ഒട്ടുമിക്ക സീരിയലിലും സിനിമകളിലും അങ്ങനെയൊക്കയാണ്... ഇനി യഥാർത്ഥ ജീവിതത്തിൽ ഗുണ്ടകൾ എങ്ങെയൊക്കെയാണെന്ന് ആർക്കറിയാം. പിന്നെ, സീരിയൽ അല്ലെ... സുമിത്രയെ രക്ഷിക്കാൻ ഏതുവഴിയും തേടും. പക്ഷെ, ഇത് കുറച്ചധികം ഓവറായി പോയെന്നൊരു തോന്നൽ ചിലർക്കെങ്കിലും ഉണ്ടായിട്ടുണ്ട് കേട്ടോ....

പ്രൊമോയിൽ കാണിച്ചതുപോലെ, സുമിത്രയെ രക്ഷപ്പെടുത്തുന്ന ഉദ്യമത്തിന്റെ ആദ്യ ഭാഗങ്ങളാണ് ഇന്നത്തെ എപ്പിസോഡ്. അനൂപിന്റെയുള്ളിലെ നന്മ മരം എങ്ങനെയാണ്.. സുമിത്രയെ രക്ഷിക്കുന്നതെന്ന് ചെറിയ സൂചനയൊക്കെ നൽകിയിട്ടുണ്ട്. പിന്നെ, അവിടെയുള്ള ഗുണ്ടകളൊക്കെയും അനൂപിന്റെ ആളുകളായതുകൊണ്ട് എങ്ങനെയാണ് പ്രതികരിക്കുന്നതെന്ന് പറയാൻ കഴിയില്ല. പിന്നെ, മഹേന്ദ്രനോട് ആരെങ്കിലും അനൂപിനെ ഒറ്റു കൊടുക്കുമോ?? ഇല്ലയോ എന്നുള്ള കാര്യം അറിയില്ല.

ഏതായാലും, ശ്രീനിലയത്തിലെ ആരുടേയും സഹായമില്ലാതെ സുമിത്രയുടെ ആത്മാർത്ഥമായ സംസാരത്തിലൂടെ രക്ഷപ്പെടാൻ പോകുകയാണ്. എങ്കിലും പെട്ടെന്ന് രക്ഷപ്പെടാൻ പാടില്ലാലോ... സാഹസികമായി എന്തെങ്കിലുമൊക്കെ ചെയ്യുന്ന രീതിയിൽ അല്ലെ, സുമിത്ര പുറത്ത് വരേണ്ടത്, അതിനുവേണ്ടിയുള്ള ചില കാര്യങ്ങളൊക്കെ ഇന്നുണ്ട്.

അതൊക്കെയും എല്ലാവരും കാത്തിരുന്നതാണെന്ന് പൂർണമായും പറയാൻ കഴിയില്ല. കുറച്ചധികം കൂടി പോയെന്നു വേണമെങ്കിൽ പറയാം. പിന്നെ.. സുമിത്രയെ രക്ഷപ്പെടുത്തുന്നതോടുകൂടി കഥ വേറൊരു വഴിയിലൂടെയും സഞ്ചരിക്കാം. അനൂപും മഹേന്ദ്രനുമായി തർക്കങ്ങൾ ആരംഭിക്കാനുള്ള സാധ്യതകൾ വളരെ കൂടുതലാണ്. ഇനി, അനൂപിനെ മഹേന്ദ്രനിൽ നിന്നും സഹായിക്കാൻ സുമിത്ര രക്ഷപെട്ടിട്ട് രംഗത്ത് ഇറങ്ങുമൊന്നും സംശയമുണ്ട് .

ഏതായാലും തട്ടികൊണ്ട് പോകലും രക്ഷപ്പെടുത്തലുമൊക്കെ കഴിയുമ്പോൾ, സുമിത്രയുടെ ദുബായ് യാത്രയും ഉയരങ്ങളിലേക്ക് പറക്കുന്നു എന്ന് പറഞ്ഞതൊക്കെയും മറന്നു പോകാതിരുന്നാൽ മതി. കുടുംബവിളക്ക് പ്രേക്ഷകർക്ക് വേണ്ടത് അതാണ്.. സുമിത്ര ദുബായിലേക്ക് പോകുന്നത്. അല്ലതെ,ഈ തട്ടികൊണ്ട് പോകലും രക്ഷപ്പെടുത്തലുമൊക്കെ വെറും ബോറാണ്.

ഇനി, തട്ടികൊണ്ട് പോകണമെങ്കിൽ ആ വേദികയെ തട്ടികൊണ്ട് പോയി ബാക്കി പണം എവിടെയാണ് ഒളിപ്പിച്ചിരുന്നത് എന്നും കൂടി ചോദിച്ച്, ആ പൈസ കൈക്കലാക്കാൻ നോക്ക്.... അല്ലാതെ, സുമിത്രയെ ഇവിടെ പിടിച്ചു വെച്ചേക്കുന്നത് എന്തിനാണ്.. റൈറ്റർ മാമനും അപ്ലോഡ്‌ മാ മനുമൊക്കെ പറയുന്നതുപോലെ സുമിത്ര ഉയരങ്ങൾ കീഴടക്കാനുള്ള സ്ത്രീയല്ലേ...

അപ്പോൾ, ഇവിടെ ഇങ്ങനെ കിടക്കണോ.. പിന്നെ, ശ്രീനിലയത്തിലെ കാര്യങ്ങൾ ആരുനോക്കും. അനൂപ് തട്ടികൊണ്ട് പോയപ്പോൾ പോലും സുമിത്ര ചിന്തിച്ചത് ശ്രീനിലയത്തിൽ ആരെങ്കിലും ഭക്ഷണം കഴിച്ചോ എന്നാണ്. ഇത്രയും ഉത്തമയായ മരുമകളെ വേറെ എവിടെ കിട്ടും.

ഏതായാലും ഇന്നത്തെ എപിസോടുകൂടി തട്ടികൊണ്ട് പോകൽ കഥയ്ക്ക് വിരാമമിടാനുള്ള സാധ്യതകളൊക്കെയുണ്ട്, അത് എങ്ങനെയാണുന്നും.. ഇതിനി വേദികയ്ക്ക് പണിയാകുമോ?? എന്നൊക്കെയും എല്ലാവരും കാത്തിരുന്ന് കാണൂ...