കുടുംബവിളക്കിലേക്കുള്ള അനൂപിന്റെ വരവ് കണ്ണീരിനോ കരുതലിനോ എന്നുള്ള ചോദ്യത്തിന് ഒറ്റ ഉത്തരമേ നല്കാൻ കഴിയൂ സുമിത്രയുടെ കരുതലിന് വേണ്ടിയാണ് ഈ വരവ്. ഇന്നലത്തെ എപ്പിസോഡിൽ അത്, വ്യക്തമായിരുന്നു. സുമിത്രയുടെ ദുബായ് യാത്ര സഫലീകരിച്ചിരിക്കുകയാണ്, ദുബായിലേക്ക് പോകാൻ വേണ്ടിയുള്ള എല്ലാ കാര്യങ്ങളും ചെയ്തു കൊടുക്കുക മാത്രമല്ല. സുമിത്രയെ സുരക്ഷിതയായി തിരികെ എത്തിക്കുകയൂം ചെയ്തു.

ഈ അവസ്ഥകാണുമ്പോൾ, യഥാർത്ഥത്തിൽ തോനുന്നത്, നന്മമരം സുമിത്രക്ക് ശേഷം ഏഷ്യനെറ്റ് അവതരിപ്പിക്കുന്ന നാടകം "നല്ലവനായ ഗുണ്ട" സിദ്ധു എങ്ങനെയെങ്കിലും സരസൂൻ്റെ ആധാരം കൈയ്യിലാക്കി മഹേന്ദ്രനു കൊടുത്താൽ മതിയായിരുന്നു.. അപ്പോൾ പിന്നെ കഥ എളുപ്പം ആയല്ലോ.. സുമിത്ര വീണ്ടും അത് തിരിച്ചെടുക്കും..വീണ്ടും സുമിത്രയെ തട്ടിക്കൊണ്ട് പോകും.. വീണ്ടും ആധാരം കൊടുക്കും..വീണ്ടും തിരിച്ചെടുക്കാം.. റിപീറ്റ്..കഷ്ടമുണ്ട് സാറേ..എന്നും ഒരു ആധാരം..കുറെ നാളായി ആധാരം ആധാരം എന്ന് പറഞ്ഞോണ്ട് ഇരിക്കുന്നു.. ഇതിന് അവസാനം ഇല്ലേ.. എന്നാണിപ്പോൾ ചിന്തിക്കുന്നത്.

കഴിഞ്ഞ ആഴ്ച്ചയിൽ സുമിത്രയെ തട്ടികൊണ്ട് പോയതാണ് ഒരാഴ്ച കഴിഞ്ഞിട്ടും സുമിത്ര വീട്ടിലേക്ക് എത്തുന്ന ലക്ഷണമില്ല. എല്ലാത്തിനും ഉത്തരവാദിയായ വേദിക ഒരു കുഴപ്പവുമില്ലാതെ ഇരിക്കുന്നു. ആ പണം എവിടെ ആണെന്ന് പോലും ചോദിക്കാതെ, പണം പലിശയ്ക്ക് ചോദിയ്ക്കാനുള്ള ശ്രമത്തിലാണ് സിദ്ധു. പിന്നെ, എല്ലാവരുടെയും പ്രശ്നങ്ങൾ സ്വന്തം പ്രശ്നം പോലെ ഏറ്റെടുത്ത് പ്രശ്ന പരിഹാരമാണല്ലോ.. സുമിത്രയുടെ അടിസ്ഥാന ലക്‌ഷ്യം. അതുകൊണ്ട് തന്നെ വേദികയ്ക്ക് വേണ്ടി തടവിൽ തന്നെ ഇനിയും തുടരാൻ തന്നെയാണ് സാധ്യത. പിന്നെ, സുമിത്രയെ രക്ഷിക്കാൻ ആരെങ്കിലും വരേണ്ടയോ.. അത്, തന്നെയാണ് അനൂപ്.

ഇന്നിനി, അനൂപും മഹേന്ദ്രനും തമ്മിലുള്ള പ്രശ്നങ്ങൾ ആരംഭിക്കുകയാണ്. സരസു ആധാരം നൽകില്ലെന്ന് തീർത്ത പറഞ്ഞതോടെ ഇന്ന്, സിദ്ധു മഹേന്ദ്രനോട് വിളിച്ചു പറയുന്നുണ്ട്,

"പണം ഇതുവരെയും കിട്ടിയില്ല, കുറച്ചു ദിവസത്തിനുള്ളിൽ തരാമെന്നും, അതുവരെയും സുമിത്രയ്ക്ക് പ്രശ്നങ്ങൾ ഒന്നും ഉണ്ടാകരുത്."

എന്നൊക്കെയും സിദ്ധു പറയുമ്പോൾ. അടുത്ത് ശീതളിനെ തട്ടികൊണ്ട് പോകുമെന്നാണ് മഹേന്ദ്രന്റെ ഭീഷണി.

എനിക്കറിയാൻ വയ്യാത്തോണ്ട് ചോദിക്കുകയാണ്, വീണ്ടും ശീതളിനെ തട്ടികൊണ്ട് പോകുന്നത് എന്തിനാണ്?? മഹേന്ദ്രനിൽ നിന്നും പണം വാങ്ങിയത് വേദിക അല്ലെ... അപ്പോൾ, വേദികയെ തട്ടികൊണ്ട് പോയിക്കൂടെയോ..

സിദ്ധു, പണം താരം ഇനിയും വൈകുമെന്ന് പറഞ്ഞതോടെ പുതിയ താവളത്തിലേക്ക് സുമിത്രയെ ,മാറ്റാനാണ് മഹേന്ദ്രന്റെ ലക്‌ഷ്യം. ഇതിന്റെ അന്ത്യത്തിൽ അനൂപും മഹേന്ദ്രനും തമ്മിൽ നേർക്കുനേർ പ്രശ്നങ്ങൾ ആരംഭിക്കുമെന്ന തോന്നുന്നത്. കാരണം,ആളെ മാറി തട്ടികൊണ്ട് വന്നെന്ന് അറിഞ്ഞതുമുതൽ അനൂപ് പറയുന്നതാണ്, സുമിത്രയെ വെറുതെ വിടാനും വേദികയെ തട്ടികൊണ്ട് വരാമെന്നും.

അതിനൊന്നും, മഹേന്ദ്രൻ തയ്യാറാകാത്ത സ്ഥിതിയ്ക്ക് മിക്കവാറും പ്രശ്നങ്ങൾ പുതിയ വഴിക്കായിരിക്കും പോകുന്നത്. അനൂപേ... ഒന്നും നോക്കണ്ട, സുമിത്രയെ രക്ഷിക്ക്. പുറത്തിറങ്ങിയാൽ പിന്നെ, അനൂപിന് എന്ത് സംഭവിച്ചാലും സുമിത്ര നോക്കും. സാധാരണ അങ്ങനെ ആണാല്ലോ.. ഏത് പ്രശ്നന്തിൽ നിന്നും സുമിത്ര നിഷ്പ്രയാസം രക്ഷപ്പെടുന്നതല്ലേ...ഏതായാലും, ഇന്നത്തെ എപിഎസോഡിൽ ചില സംഭവങ്ങളൊക്കെ നടക്കുന്നുണ്ട്, അനൂപിന്റെ തുടർന്നുള്ള ജീവിതത്തിന് ഭീഷണിയാകുന്ന രീതിയിൽ തന്നെയായിരിക്കും കാര്യങ്ങൾ മുന്നൂറ് പോകുന്നത്.