മനോജ് കെ ജയന്റെ വ്യത്യസ്തമായ വേഷ പകർച്ച നാം കണ്ട സിനിമയാണ് അനന്തഭദ്രം. ഈ സിനിമയുടെ രണ്ടാം ഭാഗം ആലോചിക്കുന്നുണ്ടെന്നും, എന്നാല്‍ തനിക്ക് ദിഗംബരനാകാന്‍ പേടിയാണെന്നും നടന്‍ മനോജ് കെ. ജയന്‍ പറഞ്ഞിരിക്കുന്നത് ഇപ്പോൾ ശ്രദ്ധേയമാകുകയാണ്. ഇപ്പോള്‍ തനിക്ക് ദിഗംബരനാകാന്‍ ആത്മവിശ്വാസമില്ലെന്നാണ് താരം പറയുന്നത്. സത്യം പറഞ്ഞാല്‍ എനിക്ക് ആത്മവിശ്വാസമില്ല .

വീണ്ടും ദിഗംബരനാകാന്‍ പേടിയാണ്. ഒരു ഭാഗം പോരെ ആ സിനിമയ്ക്ക്. ആദ്യ ഭാഗമായിരുന്നു നല്ലതെന്ന് ആളുകള്‍ പറയുന്ന ഒരു അവസ്ഥയിലേക്ക് നമ്മള്‍ എത്തിക്കേണ്ടുന്ന ആവശ്യമില്ലല്ലോ. ആ കാലത്തുണ്ടായ ഊര്‍ജത്തിലും പവറിലും ഡെഡിക്കേഷനിലുമൊക്കെ ചെയ്ത് പോയതായിരിക്കും ആ സിനിമ എന്നാണ് മനോജ് പറയുന്നത്. വീണ്ടും അതിന്റെ പുറകെ പോകുന്നത് അത്ര പന്തിയല്ലെന്നാണ് അഭിപ്രായം.

അത് കൊണ്ട് ദിഗംബരന്‍ പോലുള്ള കഥാപാത്രങ്ങള്‍ വന്ന് കഴിഞ്ഞാല്‍ വീണ്ടും അതിന്റെ പുറകേ പോകാന്‍ നിക്കരുത് . ചിത്രത്തിന്റെ സ്‌ക്രിപ്റ്റ് കേട്ടപ്പോള്‍ അന്തം വിട്ട് പോയെന്നും സിനിമയ്ക്ക് വേണ്ടി തയ്യാറെടുപ്പുകളൊന്നും എടുത്തിട്ടില്ലെന്നും താരം വ്യക്തമാക്കി.

അന്ന് പടം കണ്ട് ചിലര്‍ എന്നോട് കളരിയുമായി ബന്ധമുണ്ടോ എന്നൊക്കെ ചോദിച്ചു. അതെല്ലാം അറിയാതെ സംഭവിച്ച് പോയതാണ്. ആ കഥാപാത്രമാവുമ്പോള്‍ നമ്മളില്‍ അറിയാതെ ഉണ്ടാവുന്ന സംഭവങ്ങളാവും അതെന്നും താരം പറയുന്നു. അനന്തഭദ്രം’ സിനിമയില്‍ പ്രേക്ഷകര്‍ക്ക് മറക്കാനാവാത്ത കഥാപാത്രമായിരുന്നു മനോജ് കെ. ജയന്‍ അവതരിപ്പിച്ച ദിഗംബരന്‍.