പ്രയോജനമില്ലെന്ന് കണ്ടാല്‍ വെറും പാഴ്വസ്തുവാകുന്ന കലാകാരന്മാരാണ് നമ്മുടെ കേരളത്തിലുള്ളത്. പ്രത്യേകിച്ചും സിനിമപ്രവര്‍ത്തകര്‍ക്കിടയില്‍. നമുക്കറിയാം അമ്മ എന്ന സംഘടനയെ പോലെ എണ്ണിയാല്‍ തീരാത്ത നിരവധി സംഘടനകളാണ് കേരളത്തിലെ സിനിമാ പ്രവര്‍ത്തകര്‍ക്കിടയിലുള്ളത്.

എന്നിട്ടും പല സിനിമാ താരങ്ങളും അനാഥരാകുന്നതും ആശുപത്രിയില്‍ ചികിത്സിക്കാന്‍ കാശില്ലാതെ കഴിയുന്നതും പതിവ് കാഴ്ചയായി മാറിയിരിക്കുകയാണ്. ഇപ്പോഴിതാ ജോണ്‍പോള്‍ എന്ന തിരക്കഥാകൃത്തും ആ അവസ്ഥയിലൂടെ കടന്നുപോകുകയാണ്.ജോണ്‍പോള്‍ ആശുപത്രിയില്‍ ഗുരുതരാവസ്ഥയിലാണ്, അദ്ദേഹത്തെ സാമ്പത്തികമായി സഹായിക്കണം എന്നുള്ള ഒരു പോസ്റ്റര്‍ അദ്ദേഹത്തിന്റെ സുഹൃത്തുക്കള്‍ പുറത്തിറക്കിയിരുന്നു.

ആദ്യം നമുക്ക് ആ പോസ്റ്ററില്‍ എന്താണ് പറയുന്നത് എന്ന് നേക്കാം.

പ്രശസ്ത തിരക്കഥാകൃത്തും സാഹിത്യ സാംസ്‌കാരിക പ്രവര്‍ത്തകനും പ്രഭാഷകനുമായ ശ്രീ ജോണ്‍പോള്‍ കഴിഞ്ഞ രണ്ട് മാസക്കാലമായി രോഗാതുരമായ അവസ്ഥയില്‍ ആശുപത്രിയില്‍ ഐ.സി.യുവിലാണ് താങ്കള്‍ക്ക് അറിയുന്നത് പോലെ ഈ രണ്ട് മാസം കൊണ്ട് അദ്ദേഹത്തിന്‍െ കുടുംബം സാമ്പത്തികമായി വലിയ പ്രതിസന്ധിയിലാണ്. പൊതു സമൂഹത്തിന്റെ സഹായത്തോടെ അല്ലാതെ മുന്നോട്ട് പോകാന്‍ പറ്റാത്ത അവസ്ഥയാണ് ഉള്ളത്.

അദ്ദേഹത്തിന്റൈ സുഹൃത്തുക്കള്‍ ജോണ്‍ പോളിന് വേണ്ടി ഒരു ചികിത്സാ സഹായം സമാരംഭിച്ചിരിക്കുകയാണ്. ശ്രീ ജോണ്‍പോളിന്റെ മകളുടെ ഭര്‍ത്താവ് ജിബി അബ്രഹാമിന്റെ അകൊണ്ട് ആണ് അതിനായി ഉപയോഗിക്കുന്നത്.എന്നാല്‍ അദ്ദേഹത്തിന്റെ ഈ അവസ്ഥയുമായി ബംന്ധപ്പെട്ട് സിനിമാ മേഖലയില്‍ നിന്നും അധികം ആരും തന്നെ പ്രതികരിച്ചിരുന്നില്ല എന്നത് വളരെ വിഷമത്തോടെ തന്നെ പറയേണ്ടി വരും.

ഇത്രയും മനസാക്ഷിയില്ലാത്ത ആളുകളാണോ സിനിമാക്കാര്‍ എന്നോര്‍ക്കുമ്പോള്‍ ശരിക്കും പുച്ഛം തോന്നുന്നു. ഇപ്പോഴിതാ ഈ വിഷയത്തില്‍ നടനായ ഷമ്മി തിലകന്‍ മലയാളി വാര്‍ത്തയോട് പ്രതികരിച്ചിരിക്കുകയാണ് എന്താണ് അദ്ദേഹം പറയുന്നത് എന്ന് കേള്‍ക്കാം.

ഒരു കാലത്ത് മലയാളികളുടെ സ്വീകരണമുറികളില്‍ നല്ല നല്ല കുടുംബചിത്രങ്ങള്‍ എത്തിച്ചുതന്ന ജോണ്‍ പോള്‍ എന്ന തിരക്കഥാകൃത്ത് ഇന്ന് രോഗശയ്യയില്‍ കഴിയുകയാണ്. ജോണ്‍പോളിന്റെ ഇപ്പോഴുള്ള അവസ്ഥ എന്താണെന്ന് അദ്ദേഹത്തിന്റെ മരുമകന്‍ മലയാളി വാര്‍ത്തയോട് പ്രതികരിച്ചത് എന്താണെന്ന് നമുക്ക് നോക്കാം.

ഇനി ഞങ്ങള്‍ എന്നും അറിഞ്ഞില്ലെന്ന് പറഞ്ഞ് സിനിമാക്കാര്‍ ആരെങ്കിലും രംഗത്ത് വന്നാല്‍ അതിനെ ന്യായീകരിക്കാന്‍ ഞങ്ങള്‍ക്ക് ബുദ്ധിമുട്ടുണ്ട്. കാരണം ജോണ്‍പോളിനെ സഹായിക്കണം എന്ന് അഭ്യര്‍ത്ഥിച്ചുള്ള ആ പോസ്റ്റര്‍ മാധ്യമങ്ങളില്‍ പ്രചരിക്കാന്‍ തുടങ്ങിയിട്ട് മണിക്കൂറുകള്‍ ഏറെയായി. സൗന്ദര്യവും പണവും ഉള്ളവര്‍ക്ക് മാത്രമേ മലയാള സിനിമയില്‍ അരങ്ങുവാഴാന്‍ കഴിയുകയുള്ളൂ എന്ന് ഒരിക്കല്‍ കൂടി തെളിയിച്ച സിനിമാക്കാര്‍ക്ക് ഇരിക്കട്ടെ ആഞ്ഞുവീശി ഒരു വലിയ സല്യൂട്ട്.

വാര്‍ത്ത കാണാം