കഴിഞ്ഞ കുറച്ച് ദിവസമായി രാജ്യാന്തര കൊച്ചി റീജിയണല്‍ ചലച്ചിത്രമേളയിൽ പങ്കെടുത്ത നടി റിമ കല്ലിങ്കലിനെതിരേ സൈബര്‍ ആക്രമണം ശക്തമാണ് .റിമ കല്ലിങ്കലിനെ അനികൂലിച്ചും പ്രതികൂലിച്ചും സമൂഹമാധ്യമങ്ങളിൽ ചർച്ച നടക്കുകയാണ് .ചലച്ചിത്രമേളയുടെ ഭാഗമായി നടത്തിയ ഓപ്പൺ ഫോറത്തില്‍ പങ്കെടുത്ത നടി റിമ കല്ലിങ്കലൽ വേദിയില്‍ മിനി സ്‌കര്‍ട്ട് ധരിച്ച് എത്തിയതാണ് ഒരു വിഭാഗത്തെ ചൊടിപ്പിച്ചത്.

പിന്നാലെ സൈബർ ഇടങ്ങളിൽ ചർച്ച റിമയുടെ വസ്ത്രധാരണത്തെ പറ്റിയായിരുന്നു. സൈബർ ആക്രമണം ശക്തമായതിനു പിന്നാലെ സദാചാരവാദികൾക്ക് മറുപടിയുമായി അവതാരക രഞ്ജിനി ഹരിദാസ്, നടി അനശ്വര രാജൻ, ഗായികമാരായ സയനോര, സിത്താര കൃഷ്ണകുമാർ തുടങ്ങി ഒട്ടേറെപ്പേർ രംഗത്തെത്തി.

വസ്ത്രധാരണത്തിന്റെ പേരിൽ നടി റിമ കല്ലിങ്കലിനെതിരെ സൈബർ ആക്രമണം രൂക്ഷമായതോടെ നടിക്കു പിന്തുണ പ്രഖ്യാപിച്ച് ഗായിക അഭയ ഹിരൺ‍മയി.മിനി സ്കർട്ട് ധരിച്ചുള്ള മിറർ സെൽഫി പങ്കുവച്ചുകൊണ്ടാണ് അഭയ ഐക്യദാർഢ്യം അറിയിച്ചത്. ‘തൂക്കിക്കൊല്ലാതിരിക്കാൻ പറ്റുവോ? ഇല്ല അല്ലേ’ എന്ന് ചിത്രത്തിനൊപ്പം അഭയ ഹിരണ്‍മയി കുറിച്ചു.

ഇപ്പോഴിതാ തന്നെ പിന്തുണച്ചവര്‍ക്കു മറുപടിയുമായി റിമ. ചിരിക്കുന്ന സ്മൈലി നൽകിയാണ് ഇവരുടെ പിന്തുണയ്ക്ക് റിമ നന്ദി അറിയിച്ചത്. ഇൻസ്റ്റഗ്രാം സ്റ്റോറിയിലൂടെയായിരുന്നു താരത്തിന്റെ പ്രതികരണം.

ഐഎഫ്എഫ്കെ വേദിയിൽ റിമ കല്ലിങ്കൽ നടത്തിയ സംഭാഷണ വിഡിയോക്കു താഴെ വലിയ രീതിയിലുള്ള സദാചാര ആക്രമണമാണ് നടക്കുന്നത്.

റിമയുടെ വേഷം മാന്യമല്ലെന്ന രീതിയിലായിരുന്നു ഭൂരിഭാഗം കമന്റുകളും. ഐഎഫ്എഫ്കെ വേദിയിൽ നിന്നുള്ള റിമയുടെ ചിത്രം പങ്കുവച്ചായിരുന്നു അനശ്വര രാജന്റെ പിന്തുണ.

മിനി സ്‌കര്‍ട്ട് ധരിച്ച് പൊട്ടിച്ചിരിക്കുന്ന ചിത്രം പങ്കുവച്ച് കുറിപ്പോടെയായിരുന്നു രഞ്ജിനി ഹരിദാസ് വിഷയത്തിൽ പ്രതികരിച്ചത്. ‘നമ്മള്‍ എന്ത് ധരിക്കണം, എന്ത് ചെയ്യണം, എങ്ങനെ ജീവിക്കണമെന്ന് മറ്റുള്ളവര്‍ പറയുമ്പോള്‍, ഞങ്ങളിങ്ങനെ.’എന്ന് കുറിച്ചാണ് രഞ്ജിനി ഹരിദാസ് ചിത്രം പങ്കുവെച്ചത്