സംഗീതാസ്വാദകരുടെ ഏറെ പ്രിയപ്പെട്ട ഗായകനാണ് എംജി ശ്രീകുമാര്‍. എന്നാൽ എം.ജിയെ പോലെ തന്നെ ഭാര്യ ലേഖയും പ്രേക്ഷകർക്ക് ഏറെ പ്രിയങ്കരിയാണ്. ഇപ്പോഴിതാ സോഷ്യല്‍ മീഡിയയില്‍ ലേഖ പങ്കുവെച്ച തന്റെ ചിത്രമാണ് വൈറലായി മാറുന്നത്. മകളോടൊപ്പമുള്ള ഫോട്ടോയാണ് ഫേസ്ബുക്കില്‍ ലേഖ പങ്കുവെച്ചിരിക്കുന്നത്. ഗുരുവായൂര്‍ ക്ഷേത്രത്തില്‍ നിന്നുള്ള ചിത്രങ്ങളാണ് ഇത് എന്നാണ് അറിയാൻ കഴിയുന്നത്.

ഇതോടൊപ്പം തന്നെ രണ്ട് ചിത്രങ്ങളാണ് താരം പങ്കുവെച്ചിരിക്കുന്നത്. അതിൽ ഒരെണ്ണം ഗുരുവായൂര്‍ ക്ഷേത്രത്തില്‍ നിന്നുളള ചിത്രമാണ്. ഇപ്പോഴിതാ ലേഖ ശ്രീകുമാറിന്റേയും മകളുടേയും ചിത്രങ്ങള്‍ വൈറലായി മാറിയിരിക്കുകയാണ്. മകള്‍ നാട്ടില്‍ എത്തിയോ എന്നാണ് അധികം പേരും ചോദിച്ചുകൊണ്ട് മകമെന്റ് ചെയ്യുന്നത്. ഇതിന് നാലാഴ്ചത്തേയ്ക്ക് എത്തിയെന്ന് മറുപടിയും കൊടുത്തിട്ടുണ്ട്.

അതേസമയം സോഷ്യല്‍ മീഡിയയില്‍ സജീവമാണ് ലേഖ ശ്രീകുമാര്‍. തന്റെയും എം.ജിയുടേയും ചിത്രങ്ങളും വിശേഷങ്ങളും പാചക വീഡിയോയും പങ്കുവെച്ച് ലേഖ എത്താറുള്ളത് പതിവാണ്. മികച്ച സ്വീകാര്യതയാണ് ഇപ്പോൾ ലേഖ ശ്രീകുമാറിന്റെ വീഡിയോകള്‍ക്ക് ലഭിക്കുന്നത്.

ഇതുകൂടാതെ ചിത്രത്തിന് ലഭിച്ച മോശം കമന്റുകള്‍ക്കും ലേഖ നല്ല മറുപടി നല്‍കിയിരിക്കുകയാണ്. ഗുരുവായൂര്‍ ക്ഷേത്രത്തില്‍ നിന്നുള്ള ചിത്രം കൂടാതെ മകള്‍ക്കും സുഹൃത്തുത്തള്‍ക്കുമൊപ്പമുളള ചിത്രവും ലേഖ പങ്കുവയ്ക്കുകയും ചെയ്തിരുന്നു. നാല് പേര്‍ ഒന്നിച്ചുള്ള ചിത്രത്തിന് താഴെയായി ഏത് പെയിന്റിന്റെ പാട്ടകളാണ് എന്നായിരുന്നു ഒരാള്‍ ചോദിച്ചിരുന്നത്.

ഓക്കെ, നിങ്ങള്‍ക്ക് എന്താണ് പ്രശ്നം, ഈ നാലില്‍ ഏതെങ്കിലും നിങ്ങള്‍ വാങ്ങിക്കുന്നുണ്ടോ എന്നായിരുന്നു ലേഖ മറുപടി നൽകിയത്. ലേഖയുടെ മറുപടി ഗംഭീരമായിട്ടുണ്ടെന്നും ആരാധകര്‍ മറുപടി നൽകുകയായിരുന്നു.