നിര്മ്മാതാവ് ജോസഫ് എബ്രഹാം അന്തരിച്ചു, ഓളങ്ങള്... യാത്ര... തുടങ്ങി സിനിമകളുടെ ശ്രദ്ധേയൻ, സംസ്കാര ചടങ്ങുകള് ശനിയാഴ്ച്ച
നിര്മ്മാതാവ് ജോസഫ് എബ്രഹാം അന്തരിച്ചു. 74 വയസായിരുന്നു. ഏറെക്കാലമായി അര്ബുദ ബാധിതനായി ചികിത്സയില് കഴിയുകയായിരുന്നു. കോട്ടയം ഗസ്റ്റ് ഹൗസിന് സമീപമുള്ള വസതിയിലായിരുന്നു താമസം. ശനിയാഴ്ച്ചയായിരിക്കും സംസ്കാര ചടങ്ങുകള്.ഓളങ്ങള്, യാത്ര, ഊമക്കുയില്, കൂടണയും കാറ്റ് എന്നീ ജനപ്രിയ സിനിമകളുടെ നിര്മ്മാതാവായിരുന്നു.
ബാലു മഹേന്ദ്ര സംവിധാനവും തിരക്കഥയും നിര്വഹിച്ച് മമ്മൂട്ടി, ശോഭന എന്നിവര് പ്രധാനവേഷങ്ങളില് എത്തിയ ചിത്രമാണ് 1985ല് പുറത്തിറങ്ങിയ യാത്ര. ജോണ് പോളാണ് ചിത്രത്തിന്റെ കഥയും സംഭാഷണവും നിര്വഹിത്തിരിക്കുന്നത്.അടിയന്തരാവസ്ഥക്കാലത്ത് പൊലീസും ജയില് അധികൃതരും നടത്തിയ മനുഷ്യാവകാശ ലംഘനങ്ങളുടെ പശ്ചാത്തലത്തിലുള്ള കഥയാണ് യാത്രയുടെ പ്രമേയം.
കുറ്റവാളിയായ ഉണ്ണികൃഷ്ണന് (മമ്മൂട്ടി) ജയില് മുക്തനായി പോകുംവഴി സ്കൂള് ബസ്സിലെ തന്റെ സഹയാത്രികരോടായി പറയുന്ന സംഭവങ്ങളിലൂടെയാണ് കഥയുടെ ചുരുളഴിയുന്നത്. എറിക് സൈഗളിന്റെ കഥയില് ബാലു മഹേന്ദ്ര സംവിധാനം ചെയ്ത് 1982ല് പുറത്തിറങ്ങിയ മലയാള ചിത്രമാണ് ഓളങ്ങള്.
https://www.facebook.com/Malayalivartha
