ബിഗ് ബോസ് വീട്ടില്‍ നിന്ന് ശാലിനി പുറത്തായതോടെ മറ്റ് മത്സരാര്‍ത്ഥികളില്‍ ഒരു നിശബ്ദദത ബാധിച്ചിരിക്കുകയാണ്. എന്നാല്‍ ഒരു എലിമിനേഷന്റെ വേദനമാറും മുന്‍പ് തന്നെ അടുത്ത എലിമിനേഷനുള്ള നീക്കങ്ങളാണ് ബിഗ് ബോസില്‍ നടക്കുന്നത്.

ആഴ്ച്ചയുടെ തുടക്കത്തില്‍ ആരെയാണ് വീട്ടില്‍ നിന്നും പുറത്താക്കേണ്ടത് എന്ന് തീരുമാനിക്കാന്‍ മത്സരാര്‍ത്ഥികളോട് ബിഗ് ബോസ് ആവശ്യപ്പെടുകയാണ്. അനര്‍ഹരായി ബിഗ് ബോസ് വീട്ടില്‍ തുടരുന്നു എന്ന് മത്സരാര്‍ത്ഥികള്‍ക്ക് തോന്നുന്ന രണ്ടുപേരെ നോമിനേറ്റ് ചെയ്യാനാണ് ബിഗ് ബോസ് ആവശ്യപ്പെടുന്നത്.

ശാലിനി പുറത്താക്കപ്പെട്ട എലിമിനേഷനില്‍ ദില്‍ഷയ്ക്ക് ലഭിച്ചതു പോലെ ഒരു അവസരം ഇത്തവണത്തെ ക്യാപ്റ്റനായ റോണ്‍സണും ലഭിക്കുന്നുണ്ട്. മത്സരാര്‍ത്ഥികള്‍ നോമിനേറ്റ് ചെയ്യുന്നവരില്‍ നിന്നും ഏറ്റവും കൂടുതല്‍ ആളുകള്‍ നോമിനേറ്റ് ചെയ്യപ്പെട്ട രണ്ടു പേരുകളാണ് ബിഗ് ബോസ് തിരഞ്ഞെടുക്കുക. അത്തരത്തില്‍ ബിഗ് ബോസ് തിരഞ്ഞെടുത്ത രണ്ടു പേരുകളില്‍ നിന്നും ഒരാളെ രക്ഷപെടുത്താനുള്ള അവസരം ബിഗ് ബോസ് ക്യാപ്റ്റനായ റോണ്‍സണ് നല്‍കുകയാണ്.

നോമിനേറ്റ് ചെയ്യുമ്പോള്‍ ആ വ്യക്തി പുറത്തു പോകണം എന്ന് എന്തുകൊണ്ട് നിങ്ങള്‍ ആഗ്രഹിക്കുന്നു എന്നും വ്യക്തമാക്കണം. വൈല്‍ഡ് കാര്‍ഡ് എന്‍ട്രിയിലൂടെ എത്തിയ മണിയനില്‍ നിന്നാണ് ആദ്യം തുടങ്ങുന്നത് മുഖ്യധാരയിലേക്ക് എത്താത്ത ഒരാള്‍ എന്നു പറഞ്ഞാണ് മണിയന്‍ ഒരു മത്സരാര്‍ത്ഥിയുടെ പേര് നിര്‍ദ്ധേശിക്കുന്നത്. ഈ വ്യക്തി ബിഗ് ബോസ് വീട്ടില്‍ ഉള്ളതായി തോന്നുന്നില്ല എന്നാണ് ധന്യ പറയുന്നത്.

ഇതില്‍ നിന്ന് അശ്വിനെ പുറത്താക്കുകയണോ എന്ന സംശയത്തിലാണ് പ്രേക്ഷകര്‍. മറ്റൊരാള്‍ സൂരജാകാനുള്ള സാധ്യതയും തള്ളിക്കളയാനാകില്ല. മറ്റൊരാലുള്ളത് ബ്ലെസ്ലിയാണ്. അശ്വിനും സൂരജും അത്ര നന്നായി പെര്‍ഫോം ചെയ്യുന്നില്ലെന്നാണ് പ്രേക്ഷകരുടേയും അഭിപ്രായം. എല്ലാവരും പറഞ്ഞ പേരുകളില്‍ നിന്നും ഒരാളെ രക്ഷപെടുത്താനുള്ള അവസരം റോണ്‍സണ് മാത്രമാണുള്ളത്.

എന്നാൽ, മോഹൻലാൽ ഭാഷാപ്രശ്നത്തിൽ ഇടപെട്ടിട്ടും വലിയ മാറ്റമൊന്നുമില്ല എന്നതാണ് സത്യം. പഴയപോലെ തന്നെയാണ് ബിഗ് ബോസ് വീട്ടിലെ കാര്യങ്ങൾ. മലയാളത്തിൽ ‘അരിപെറുക്കുന്ന’ ജാസ്മിൻ- ഡെയ്സി- നിമിഷ ടീമിനെ മലയാളം പഠിപ്പിക്കാനും തെറ്റുകൾ ചൂണ്ടികാട്ടാനുമായി ബിഗ് ബോസ് വീട്ടിലേക്ക് ഒരാൾ എത്തിയിരിക്കുകയാണ് ഇപ്പോൾ, മണികണ്ഠൻ തോന്നയ്ക്കൽ. ബിഗ് ബോസ് മലയാളം നാലാം സീസണിലെ ആദ്യ വൈൽഡ് കാർഡ് എൻട്രിയാണ് മണികണ്ഠൻ.

തിരുവനന്തപുരം ജില്ലയിലെ തോന്നയ്ക്കല്‍ സ്വദേശിയായ മണികണ്ഠന്‍ പിള്ള, മണിയന്‍ തോന്നയ്ക്കല്‍ എന്ന പേരിലാണ് അറിയപ്പെടുന്നത്. അധ്യാപനത്തിലും കൃഷിയിലും മിമിക്രിയിലുമെല്ലാം താൽപ്പര്യമുള്ളയാളാണ് മണിയൻ. ഡബ്ബിംഗ് ആര്‍ട്ടിസ്റ്റ്, സീരിയല്‍ നടന്‍, യുട്യൂബര്‍, വില്ലടിച്ചാം പാട്ട് വിദഗ്ധൻ, കർഷകൻ, അധ്യാപകൻ എന്നിങ്ങനെ വിവിധ മേൽവിലാസങ്ങൾ ഇണങ്ങുന്ന ഒരാൾ കൂടിയാണ് മണിയൻ.

അദ്ദേഹത്തിന്റെ മണിയൻ സ്പീക്കിംഗ് എന്ന യൂട്യൂബ് ചാനലും ഏറെ പ്രശസ്തമാണ്. ഭാഷ, സാഹിത്യം, പുരാണ കഥകൾ എന്നിവയെ കുറിച്ചുള്ള വിഷയങ്ങളും ഹാസ്യാവതരണവുമൊക്കെയായി സോഷ്യൽ മീഡിയയിൽ സജീവമായ മണിയൻ സ്പീക്കിംഗിന് അത്യാവശ്യം ഫാൻ ബെയ്സുമുണ്ട്.