ഗായകൻ ഉണ്ണി മേനോൻ അടുത്തിടെ ഫേസ്ബുക്കിൽ പങ്കുവച്ച ചിത്രമാണ് ഇപ്പോൾ സോഷ്യൽ മീഡിയയിലെ ചർച്ചാവിഷയം. മലയാള സിനിമയിലെ യുവ അഭിനേത്രി കൈക്കുഞ്ഞായിരുന്നപ്പോൾ കൈകളിൽ എടുത്തു കൊണ്ട് നിൽക്കുന്ന ചിത്രമാണ് ഉണ്ണി പങ്കുവച്ചിരിക്കുന്നത്. നമ്മുടെയൊക്കെ ഇഷ്ടനായിക മംമ്ത മോഹൻദാസ് കൈക്കുഞ്ഞായിരുന്നപ്പോൾ എടുത്ത ചിത്രമാണ് അദ്ദേ​ഹം പങ്കുവെച്ചിരിക്കുന്നത്.

ഉണ്ണിയുടെ ഭാര്യയും അമ്മ ഗംഗയും കുഞ്ഞ് മംമ്‌തയും ഉള്ള ചിത്രവും താരം പങ്കുവച്ചിട്ടുണ്ട്.മികച്ച പ്രതികരണമാണ് ചിത്രത്തിന് ലഭിക്കുന്നത്. നിരവധി ആളുകൾ ചിത്രത്തിന് താഴെ കമന്റുകളുമായി എത്തിയിട്ടുണ്ട്. ആൽബത്തിലെ ചിത്രപൂക്കൾ തല നീട്ടുമ്പോൾ ഓരോ ഇതളും വിടരും....ഒത്തിരി സ്നേഹത്തോടെ മധുരമുള്ള ഓർമ്മകളിൽ പങ്കു ചേരുന്നുവെന്നു നീളുന്നു ആരാധകരുടെ കമന്റുകൾ.

ഫേസ്ബുക്ക് കുറിപ്പും അതിനൊപ്പമുള്ള ചിത്രങ്ങളും ഏറെ ശ്രദ്ധനേടുകയാണ്. നമ്മുടെയൊക്കെ ഇഷ്ടനായിക കൈക്കുഞ്ഞായിരുന്നപ്പോൾ പകർത്തിയ ചിത്രം എന്ന അടിക്കുറിപ്പോടെയാണ് ഗായകൻ ചിത്രം പങ്കുവച്ചിരിക്കുന്നത്.

ഫേസ്ബുക്ക് പോസ്റ്റിന്റെ പൂർണരൂപം

Golden Memories : നമ്മുടെയൊക്കെ ഇഷ്ടനായിക മംമ്ത മോഹൻദാസ് കൈക്കുഞ്ഞായിരുന്നപ്പോൾ എടുത്ത ഒരു ചിത്രം . രണ്ടാമത്തെ ചിത്രത്തിൽ എന്റെ ഭാര്യ സഷിലക്കൊപ്പം കുഞ്ഞു മംമ്തയും അമ്മ ഗംഗയും .1985ൽ ബഹറിനിൽ....