പൃഥ്വിരാജുമൊത്തുള്ള മിയയുടെ മൂന്നാമത്തെ ചിത്രമാണ് പാവാട. മെമ്മറീസ്, അനാര്‍ക്കലി, പാവാട എന്നിങ്ങനെയുള്ള മൂന്ന് ചിത്രങ്ങളിലെയും മിയയിലെ കഥാപാത്രങ്ങളെ പ്രേക്ഷകര്‍ ഒരുപോലെ ഏറ്റെടുത്തു എന്നതാണ് ശ്രദ്ധേയമായ കാര്യം. പൃഥ്വിരാജുമൊത്തുള്ള സിനിമയെക്കുറിച്ചും പാവാടയിലെ വിശേഷങ്ങളെക്കുറിച്ചും മിയ പാവാടയെ ഹിറ്റാക്കി ഒരു ഓണ്‍ലൈന്‍ മീഡിയയോട് പങ്കുവെച്ചതിങ്ങനെ...

പാവാടയിലെ കഥാപാത്രത്തെക്കുറിച്ച് എന്ത് തോന്നുന്നു? 
സിനിമോള്‍ എന്ന ഒരു അനാഥയായ നേഴ്‌സിന്റെ കഥാപാത്രത്തെയാണ് ഞാന്‍ അവതരിപ്പിക്കുന്നത്. തീരെ പ്രതീക്ഷിക്കാതെ ഒരു പൂര്‍ണ മദ്യപാനിയുടെ ഭാര്യ ആവുകയും അതുമൂലം അനുഭവിക്കേണ്ടി വരുന്ന കഷ്ടപ്പാടുകള്‍ നിറഞ്ഞ മുഹൂര്‍ത്തങ്ങളിലൂടെയുമാണ് കഥാപാത്രത്തിന്റെ സഞ്ചാരം. സങ്കീര്‍ണതകള്‍ ഇല്ലാതിരുന്ന ഒരു കഥാപാത്രം ആയിരുന്നതിനാല്‍ വളരെ അനായാസമായി അവതരിപ്പിക്കാന്‍ സാധിച്ചു.
പാവാടയുടെ പ്രത്യേകത
പൂര്‍ണമായും ഒരു കൊമേര്‍ഷ്യല്‍ സിനിമയുടെതായ എല്ലാ ചേരുവകളും കൂട്ടിചേര്‍ത്തുണ്ടാക്കിയ ചിത്രമാണ് പാവാട. പ്രേക്ഷകര്‍ക്കിടയില്‍ ജിജ്ഞാസ ഉളവാക്കുന്നതും രസകരമായതുമായ നിരവധി രംഗങ്ങള്‍ ചിത്രത്തിലുണ്ട്. അതിനാ എല്ലാ തരത്തിലുമുള്ള പ്രേക്ഷകരെയും ആകര്‍ഷിക്കാന്‍ ചിത്രത്തിന് കഴിയുന്നുണ്ട്.
പൃഥ്വി-മിയ കൂട്ടുക്കെട്ടിന്റെ വിജയ രഹസ്യം
പ്രത്യേകിച്ച് സീക്രെട്ട്‌സ് ഒന്നും തന്നെയില്ല. കൂട്ടായ പരിശ്രമത്തിന്റെയും പൃഥ്വി നല്‍കിയ പിന്തുണയുടെയും ഫലമെന്ന് മാത്രമേ പറയാന്‍ സാധിക്കുകയുള്ളൂ. മൂന്ന് സിനിമകളില്‍ മാത്രമാണ് ഞാനും പൃഥ്വിയും ഒന്നിച്ചു അഭിനയിച്ചിട്ടുള്ളത്. പൃഥ്വിയോടൊപ്പമുള്ള ആദ്യ രണ്ടു ചിത്രങ്ങളിലും സപ്പോര്‍ട്ടിങ് റോള്‍സ് ആയിരുന്നു അവതരിപ്പിച്ചിരുന്നത്. പാവാടയില്‍ ആണ് ആദ്യമായി പൃഥ്വിയുടെ നായികയായി എത്തുന്നത്. 
പൃഥ്വിയുടെ തലയില്‍ ചട്ടി കൊണ്ട് അടിക്കുന്ന രംഗം
ആ രംഗം ആളുകള്‍ ശ്രദ്ധിക്കുമെന്ന് സ്‌ക്രിപ്റ്റ് വായിച്ചപ്പോള്‍ തന്നെ തോന്നിയിരുന്നു. വ്യക്തിപരമായി നല്ലൊരു ബന്ധം പൃഥ്വിയുമായി ഉണ്ട്. അതുകൊണ്ട് തന്നെ ആ രംഗം അവതരിപ്പിക്കാന്‍ യാതൊരു തരത്തിലുമുള്ള ഭയവും ഉണ്ടായിരുന്നില്ല. തലയില്‍ ചട്ടിവച്ച് അടിക്കുന്ന രംഗമാണ്. ആദ്യം ആര്‍ട്ടിഫിഷ്യല്‍ മത്സ്യം ഉപയോഗിച്ച് രംഗം ഷൂട്ട് ചെയ്യാനാണ് തീരുമാനിച്ചിരുന്നത്. എന്നാല്‍ രംഗത്തിന്റെ പരിപൂര്‍ണതയ്ക്ക് വേണ്ടി പൃഥ്വി തന്നെ ആണ് പറഞ്ഞത് യഥാര്‍ത്ഥ മത്സ്യം ഉപയോഗിക്കാമെന്ന്. അദ്ദേഹം നല്ല രീതിയില്‍ പിന്തുണ നല്‍കിയത് കൊണ്ട് വളരെ നന്നായി തന്നെ ആ രംഗം അവതരിപ്പിക്കാന്‍ സാധിച്ചു. സ്ത്രീകള്‍ക്കൊക്കെ ഒരുപാട് ഇഷ്ടപ്പെടുന്ന രംഗം കൂടിയായിരിക്കും ഇത്.
പൃഥ്വി എന്ന നടനെക്കുറിച്ച് ?
സ്വന്തം കഥാപാത്രത്തിന് മാത്രം ശ്രദ്ധ നല്‍കിക്കൊണ്ട് അഭിനയിക്കുന്ന ഒരു വ്യക്തിയല്ല അദ്ദേഹം. ഒപ്പം അഭിനയിക്കുന്നവരെയും കൂടി ശ്രദ്ധിക്കുകയും, തെറ്റുകള്‍ പറഞ്ഞു മനസിലാക്കി കൊടുത്തു കൊണ്ടുമാണ് അദ്ദേഹം അഭിനയിക്കുന്നത്. അഭിനയിക്കുന്ന സിനിമ എല്ലാ തരത്തിലും ഭംഗിയായി ചിത്രീകരിക്കപ്പെടാന്‍ വേണ്ടി പ്രവര്‍ത്തിക്കുന്ന ഒരാള്‍ ആണ്.ഡോക്ടര്‍ ഷെറിന്‍ മാത്യുവിനെ സ്വീകരിച്ചത് നെഞ്ചുറപ്പോടെ
ഒരുപാട് ചിന്തിച്ചു തിരഞ്ഞെടുത്ത കഥാപാത്രമല്ല അനാര്‍ക്കലിയിലെ ഡോക്ടര്‍ ഷെറിന്‍ മാത്യു. വ്യക്തിപരമായി വളരെ അടുപ്പമുള്ള ആളുകള്‍ തന്നെ ആയിരുന്നു എല്ലാവരും. ഞാന്‍ ഇതുവരെ അഭിനയിച്ച കഥാപാത്രങ്ങളുടെ രൂപഭാവങ്ങളില്‍ നിന്നും തികച്ചും വ്യത്യസ്തമായ ഒരു രൂപഭാവമായിരുന്നു എനിക്ക് ഈ ചിത്രത്തില്‍. ഇതുവരെ അവതരിപ്പിച്ച കഥാപാത്രങ്ങളില്‍ നിന്നും തികച്ചും വ്യത്യസ്തമായത് കൊണ്ട് ശ്രദ്ധിക്കപ്പെടും എന്ന് വിശ്വാസം ഉണ്ടായിരുന്നു.
റിയല്‍ ലൈഫ് മിയ
ഡോക്ടര്‍ ഷെറിന്‍ മാത്യുവുമായി ഒരു പരിധിവരെ എനിക്ക് എന്നെ തന്നെ ബന്ധപ്പെടുത്താന്‍ സാധിക്കും. തികച്ചും കോട്ടയം ഭാഷ സംസാരിക്കുന്ന ഒരു കഥാപാത്രമാണ് ഡോക്ടര്‍ ഷെറിന്‍ മാത്യു. ഷെറിന്‍ മാത്യുവിനെ പോലെ എല്ലാ സമയങ്ങളിലും ബോള്‍ഡ് ആയി നില്‍ക്കുന്ന ഒരാളല്ല ഞാന്‍. മറിച്ച് ബോള്‍ഡ് ആകേണ്ട സമയങ്ങളില്‍ ബോള്‍ഡ് ആകുകയും അല്ലാത്ത സമയങ്ങളില്‍ വളരെ കൂള്‍ ആയി പെരുമാറുകയും ചെയ്യുന്ന ഒരാളാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha