താനും കല്‍പ്പനയും ഒരേ ദുഖിതാരായിരുന്നുവെന്ന് നടി കനക ലത. കല്‍പ്പനപോയതോടെ നിലച്ചത് തന്റെ സിനിമാ ബന്ധവും കൂടിയാണെന്നും കനകലത പറഞ്ഞു. സുകുമാരി ചേച്ചി, ജഗതി ചേട്ടന്‍ ഇവരൊക്കെ ഒരുപാട് സഹായിച്ചിട്ടുണ്ട്. ജഗതി ചേട്ടനൊപ്പമാണ് ഒരുപാട് വേഷങ്ങള്‍ ചെയ്തിട്ടുള്ളത്. കൂടെ അഭിനയിക്കുന്നവരുടെ അഭിനയം ഏറ്റവും നല്ലതാക്കാന്‍ തനിക്കൊപ്പമെത്തിക്കാന്‍ അല്ലെങ്കില്‍ അതിനേക്കാള്‍ മേലെയാക്കാന്‍ അദ്ദേഹം എന്തും ചെയ്യും. വയ്യാതെ കിടക്കുന്ന അദ്ദേഹത്തെ പോയി കണ്ടില്ല. അതിനുള്ള കരുത്തില്ല. അങ്ങനെ കിടക്കുന്നത് കാണാന്‍ വയ്യ. കല്‍പനയുമായും നല്ല അടുപ്പമായിരുന്നു. ആ മരണത്തിന്റെ ഷോക്ക് ഇതുവരെ മാറിയിട്ടില്ലെന്നും കനകലത പറഞ്ഞു.
ഇപ്പോള്‍ സിനിമയില്‍ പുരുഷ ആധിപത്യമാണ്. അവരാണ് നിറഞ്ഞു നില്‍ക്കുന്നത്. പണ്ടത്തെ പോലെ ശക്തമായ സഹനടി വേഷങ്ങള്‍, ഹാസ്യ വേഷങ്ങള്‍ അതൊന്നും ഇപ്പോഴില്ല. അതുകൊണ്ടു തന്നെ ആരെയെങ്കിലും വച്ച് ചെയ്താല്‍ മതി അത്തരം വേഷങ്ങള്‍ എന്ന നിലയിലേക്കെത്തി. ഇത്തരം വിടവുകള്‍ ഏറ്റവും കൂടുതല്‍ ബാധിച്ചത് എന്നെയും കല്‍പ്പനയെയും പോലൂള്ള സഹനടിമാര്‍ക്കായിരുന്നു.വീട്ടമ്മമാരായി ഇരുന്നവര്‍ വരെ സിനിമയില്‍ ഒരു കൈ നോക്കാന്‍ തയ്യാറായി വന്നപ്പോള്‍ അതൊരു തൊഴിലായി എടുത്ത എന്നെപോലുള്ളവര്‍ പുറത്തായി. നമുക്ക് തരുന്നതിന്റെ നാലിലൊന്ന് പ്രതിഫലം കൊടുത്താല്‍ പോലും അവര്‍ അഭിനയിക്കാന്‍ തയ്യാര്‍. പിന്നെ നല്ല സ്ത്രീവേഷങ്ങളുള്ള സ്‌ക്രിപ്റ്റും ഇപ്പോഴില്ല. സ്‌ക്രിപ്റ്റില്‍ വേഷമില്ലെങ്കില്‍ പിന്നെന്തു ചെയ്യും. സംവിധായകരായും ഒരുപാട് പുതിയ ആളുകള്‍ വന്നു. അവര്‍ പുതിയ ആളുകളെ പരീക്ഷിച്ചു. അത് കാലത്തിന്റെ മാറ്റമാണ്. അതിലൊന്നും പരാതിയില്ലന്നും കനകലത പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha