മാധ്യമശ്രദ്ധ നേടിയ കഥകളിക്ക് എ സര്‍ട്ടിഫിക്കറ്റ് പ്രദര്‍ശനാനുമതി
വിവാദത്തെത്തുടര്‍ന്നു മാധ്യമശ്രദ്ധ നേടിയ കഥകളി എന്ന ചലച്ചിത്രത്തിന് ഒടുവില്‍ പ്രദര്‍ശനാനുമതി. വിവാദരംഗം ഒഴിവാക്കാതെയാണിത്. ചിത്രത്തിന് എ സര്‍ട്ടിഫിക്കറ്റാണു നല്‍കിയിരിക്കുന്നത്. അംഗപരിമിതനായ സൈജോയാണു സിനിമ സംവിധാനം ചെയ്തത്. നഗ്‌നതാപ്രദര്‍ശനരംഗങ്ങള്‍ ചിത്രത്തില്‍നിന്നു മാറ്റണമെന്നു സെന്‍സര്‍ ബോര്‍ഡ് ആവശ്യപ്പെട്ടിരുന്നു. എന്നാല്‍, ഇതിനെതിരേ സംവിധായകനും ചലച്ചിത്രപ്രവര്‍ത്തകരും രംഗത്തെത്തി. ചലച്ചിത്ര അക്കാദമി ചെയര്‍മാനായി നിയമിതനായ സംവിധായകന്‍ കമലും നേരത്തേ സെന്‍സര്‍ ബോര്‍ഡിനെതിരേ ഈ വിഷയത്തില്‍ രൂക്ഷവിമര്‍ശനമുന്നയിച്ചിരുന്നു.
സിനിമയുടെ അവസാനരംഗത്ത് കഥകളിവേഷം ഉപേക്ഷിച്ച് നായകന്‍ നഗ്‌നനായി തിരിഞ്ഞു നടന്നുപോകുന്ന രംഗമാണു സെന്‍സര്‍ ബോര്‍ഡ് ആദ്യം വെട്ടിയത്. ഇതിനെതിരേ ബോര്‍ഡ് ഓഫീസിനു മുന്നില്‍ ഫെഫ്ക ഉപരോധസമരവും നടത്തിയിരുന്നു. സിനിമയ്ക്കു പ്രദര്‍ശനാനുമതി നിഷേധിച്ചതിനെതിരേ വ്യാപകപ്രതിഷേധം ഉയര്‍ന്നതിനേത്തുടര്‍ന്നാണു സെന്‍സര്‍ ബോര്‍ഡ് നിലപാട് മാറ്റിയത്.
https://www.facebook.com/Malayalivartha
