മലയാളത്തിന്റെ സൂര്യപുത്രിയുടെ മടങ്ങിവരവ് മഞ്ജുവിനൊപ്പം; അമലയുടെ മടങ്ങിവരവ് കെയര്‍ ഓഫ് സൈറാബാനു എന്ന ചിത്രത്തിലൂടെ
മത്സരിച്ചഭിനയിക്കാന്‍ മലയാളത്തിന്റെ ഒരുകാലത്തെ പ്രിയ താരങ്ങള്‍ വീണ്ടും എത്തുന്നു. എന്റെ സൂര്യപുത്രിക്ക്, ഉള്ളടക്കം എന്നീ സിനിമകളിലൂടെ മലയാളിയുടെ പ്രിയ നായികയായി മാറിയ അമല തിരിച്ചുവരുന്നുവെന്ന വാര്‍ത്തകള്‍ പ്രചരിക്കാന്‍ തുടങ്ങിയിട്ട് ഏറെയായി. അരുണ്‍ കുമാര്‍ അരവിന്ദ് സംവിധാനം ചെയ്യുന്ന സിനിമയില്‍ മഞ്ജു വാര്യര്‍ക്കൊപ്പം പ്രധാന റോളില്‍ എത്തുന്നു എന്ന വാര്‍ത്ത പുറത്തുവന്നത് കഴിഞ്ഞ വര്‍ഷമാണ്. പല കാരണങ്ങളാല്‍ ഈ പ്രൊജക്ട് നടന്നില്ല. ഇപ്പോഴിതാ റോഷന്‍ ആന്‍ഡ്രൂസിന്റെ സഹസംവിധായകന്‍ ആന്റണി സോണി സംവിധാനം ചെയ്യുന്ന കെയര്‍ ഓഫ് സൈറാബാനു എന്ന സിനിമയിലൂടെ അമലാ പോള്‍ തിരിച്ചുവരികയാണ്
ആനി ജോണ്‍ തറവാടി എന്ന അഭിഭാഷകയുടെ വേഷമാണ് അമലയ്ക്ക്. സൈറാബാനു എന്ന പോസ്‌വുമണിനെയാണ് മഞ്ജു അവതരിപ്പിക്കുക. അടുത്തിടെ ഇറങ്ങിയ കിസ്മത്ത് എന്ന സിനിമയിലെ നായകനും നടന്‍ അബിയുടെ മകനുമായ ഷെയ്ന്‍ നിഗമാണ് മറ്റൊരു പ്രധാന
വേഷത്തില്‍ എത്തുന്നത്. ഒരു യഥാര്‍ത്ഥ സംഭവത്തിന്റെ പശ്ചാത്തലത്തിലാണ് സിനിമ ഒരുങ്ങുന്നത്.
ഷാനിന്റെ തിരക്കഥയ്ക്ക് ബിബിന്‍ ചന്ദ്രനാണ് സംഭാഷണം ഒരുക്കുന്നത്.മഞ്ജുവിനൊപ്പമുള്ള അഭിനയ മുഹുര്‍ത്തങ്ങള്‍ക്കായി കാത്തിരിക്കുന്നതായി അമല പറഞ്ഞു. രണ്ടാം വരവില്‍ തനിക്കൊപ്പമുള്ളത് ഇന്ത്യന്‍ സിനിമയിലെ തന്നെ വലിയൊരു നടിമാരിലൊരാളാണെന്നും അമല പറഞ്ഞു. അമലയ്‌ക്കൊപ്പം അഭിനയിക്കാന്‍ കഴിയുന്നതില്‍ സന്തോഷമുണ്ടെന്ന് മഞ്ജുവും പറഞ്ഞു.
തമിഴ് സൂപ്പര്‍ സംവിധായകന്‍ ടി.രാജേന്ദ്രന്‍ വാസവിലെ 'വെണ്ണില' എന്ന സിനിമയിലൂടെയാണ് അമലയെ സിനിമയിലേക്കു കടന്നുവന്നത്. തുടര്‍ന്നു തമിഴ്, തെലുങ്ക്, മലയാളം, കന്നഡ സിനിമകളില്‍ അമല സജീവമായിരുന്നു.എന്റെ സൂര്യപുത്രിക്കെന്ന ഫാസില്‍ ചിത്രത്തിലൂടെ യാണ് അമല മലയാളത്തിലെത്തിയത്. പിന്നീട് ഉള്ളടക്കത്തിലെ അഭിനയത്തോടെ സിനിമ വിട്ടു.1993 ല്‍ തെലുങ്ക് സൂപ്പര്‍ താരം നാഗാര്‍ജ്ജുനയെ വിവാഹംചെയ്ത ശേഷം അമല സിനിമയോടുവിടപറഞ്ഞിരുന്നു. പിന്നീട് അഭിനയ രംഗത്തുനിന്നു വിട്ട് കുടുംബിനിയായി കഴിയുകയായിരുന്നു.
കരിങ്കുന്നം സിക്‌സസ്സിനു ശേഷം മഞ്ജു വാരിയര്‍ അഭിനയിക്കുന്ന സിനിമയാകും കെയ്‌റോഫ് സൈറാബാനു.
https://www.facebook.com/Malayalivartha
