തമിഴിലാണ് താന്‍ കംഫര്‍ട്ടബിളെന്ന് നടന്‍ കാളിദാസ്. ' ഞാന്‍ ജനിച്ചതും വളര്‍ന്നതുമെല്ലാം ചെന്നൈയിലാണ്. അധികം സംസാരിക്കുന്നതും തമിഴാലാണ്. ചെന്നൈയിലെ വീട്ടില്‍ മലയാളമാണ്. എനിക്ക്കിട്ടുന്ന ആദ്യത്തെ അവസരം തമിഴില്‍ നിന്നാണ്. ഡിഗ്രിക്ക് പഠിക്കുമ്പോള്‍ 110 കിലോ ഭാരമുണ്ടായിരുന്നു. നടനാകണം എന്ന് തീരുമാനിച്ചപ്പോള്‍ ആദ്യം ചെയ്തത് ഭാരം കുറയ്ക്കുകയായിരുന്നു. അതിന് ആദ്യം ചെയ്തത് ജങ്ക് ഫുണ്ട് ഉപേക്ഷിക്കുകയായിരുന്നു. ആവശ്യത്തിന് മാത്രം ഭക്ഷണം കഴിച്ചു. ജിമ്മില്‍ തുടര്‍ച്ചായായി മൂന്ന് മണിക്കൂറോളം വര്‍ക്കൗട്ട് ചെയ്തു. അങ്ങനെ നാല്‍പ്പത് കിലോയോളം കുറച്ചാണ് ശരീരം ഫിറ്റാക്കിയതെന്ന്' താരം പറഞ്ഞു. 
ആദ്യ സിനിമ ഒരു പക്കാ കഥൈ ഒരു വലിയ അഭിനയക്കളരിയായിരുന്നു.സംവിധായകന്‍ അഭിനയം മാത്രമല്ല, സിനിമയുടെ പല കാര്യങ്ങളും പഠിപ്പിച്ചു. ഷൂട്ടിംഗിന് രണ്ടാഴ്ച മുമ്പ് റിഹേഴ്‌സലുണ്ടായിരുന്നു. അവിടെ നിന്ന് കിട്ടിയ അറിവുകളുമായാണ് ക്യാമറയ്ക്ക് മുന്നിലെത്തിയത്. അത് അഭിനയത്തെ കുറേക്കൂടി എളുപ്പമാക്കി. എന്റെ സിനിമകളുടെ കഥ കേള്‍്ക്കുന്നതും തെരഞ്ഞെടുക്കുന്നതും ഞാന്‍ തന്നെയാണ്. ഓരോരുത്തരുടെയും ടേസ്റ്റ് വ്യത്യസ്തമാണ്. എന്റെ ഇഷ്ടങ്ങള്‍ അച്ഛന് ഇഷ്ടമാകണമെന്നില്ല. അമ്മയുടേത് അതില്‍ നിന്ന് തീര്‍ത്തും വ്യത്യസ്തമാണ്. അതിനേക്കാള്‍ ഡിഫറന്റാണ് സഹോദരിയുടേത്. 
'അച്ഛനോടും അമ്മയോടും സഹോദരിയോടും കഥയെക്കുറിച്ച് അഭിപ്രായം ചോദിക്കുമെങ്കിലും കഥ തിരഞ്ഞെടുക്കുക എന്ന തീരുമാനം ആത്യന്തികമായി എന്റേതാണെന്നും കാളിദാസ് വ്യക്തമാക്കി. അതിന് കാരണം ഞാന്‍ ചെയ്യാന്‍ പോകുന്ന സിനിമ എനിക്ക് തന്നെ ഇഷ്ടപ്പെടണം. അഭിനയത്തിനൊപ്പം മിമിക്രി ഭാരമാണെന്ന് എനിക്ക് തോന്നിയിട്ടില്ല. പത്ത് പേരെ സന്തോഷിപ്പിക്കാന്‍ മിമിക്രിക്ക് കഴിയുമെങ്കില്‍ അതില്‍ ഞാന്‍ ഏറെ സന്തോഷിക്കുന്നു'