പുതുമുഖ നടിമാര്‍ അന്യസംസ്ഥാനത്തെ ചതിക്കുഴികളില്‍
തമിഴിലും തെലുങ്കിലും മലയാള നടിമാര്‍ക്ക് ധാരാളം അവസരങ്ങളും ഉയര്‍ന്ന പ്രതിഫലവും ലഭിക്കുന്നതിനാല്‍ പുതുമുഖനടിമാരെല്ലാം അവരസരം കിട്ടാനായി ചെന്നൈ, ഹൈദരാബാദ്, ബാംഗ്ലൂര്‍ എന്നിവിടങ്ങളിലേക്ക് ചേക്കേറുകയാണ്. എന്നാല്‍ ഇവരില്‍ ഭൂരിപക്ഷം പേരും ചതിക്കുഴികളില്‍ പെട്ട് പോവുകയാണ്. അഭിനയ മോഹികളെ സിനിമാക്കാരുമായി മുട്ടിക്കുന്ന നല്ല കോഓര്‍ഡിനേറ്റര്‍മാരുണ്ട്.
പക്ഷെ, ഇത്തരം പേരില്‍ നടക്കുന്ന ചില ദല്ലാളന്‍മാരാണ് കഥയിലെ വില്ലന്‍മാര്‍. പ്രശ്‌സതാരയ സംവിധായകരുടെയും ബാനറിന്റെയും പേരില്‍ സോഷ്യല്‍ മീഡിയയിലൂടെ വ്യാജ പരസ്യങ്ങള്‍ നല്‍കിയാണ് ഇവര്‍ പുതുമുഖങ്ങളെ വലവീശിപ്പിടിക്കുന്നത്.
ഇത്തരം ദല്ലാളന്‍മാരില്‍ ചിലര്‍ റാക്കറ്റുകളുടെ കണ്ണിയാണ്. തമിഴ് സിനിമയിലാണ് ഒരുപരിധിവരെ പ്രൊഫഷണലിസം ഉള്ളത്. മലയാളത്തില്‍ നിന്ന് കൂടുതല്‍ നായികമാര്‍ അവിടെ എത്തുന്നതും അതുകൊണ്ടാണ്. പിന്നെ പല പെണ്‍കുട്ടികള്‍ക്കും എങ്ങനെയും സിനിമയില്‍ അഭിനയിക്കണം എന്ന് മാത്രമേയുള്ളൂ.
നല്ല പ്രോജക്ടിന് വേണ്ടി കാത്തിരിക്കാന്‍ അവര്‍ തയ്യാറല്ല. അതുകൊണ്ട് മൂന്നാംകിട ചിത്രങ്ങളുടെ വാര്‍ത്തകളിലും പോസ്റ്ററുകളിലും ആയിരിക്കും ഇവരുടെയൊക്കെ തുടക്കം. പലപ്പോഴും ഒടുക്കവും അതു തന്നെയാവും. ഇങ്ങിനെ ക്ഷമയില്ലാത്തവര്‍ വിശ്വസ്ഥമല്ലാത്ത സിനിമകളില്‍ അഭിനയിച്ചതിന്റെ പേരില്‍ പിന്നീട് പശ്ചാത്തപിക്കുന്നത് കണ്ടിട്ടുണ്ട്.
പലപ്പോഴും പല ചിത്രങ്ങളുടെയും ചിത്രീകരണം പാതി വഴിയില്‍ മുടങ്ങും. അതൊക്കെ വേറെ പല ഉദ്ദേശങ്ങള്‍ക്ക് വേണ്ടി തട്ടിക്കൂട്ടിയ പടങ്ങളാണെന്ന് എല്ലാവര്‍ക്കും അറിയാം. ഇതറിയാതെ കഴിവുള്ള പല കുട്ടികളും ചതിക്കുഴികളില്‍ അകപ്പെട്ട് പോകുന്നത്. പുതുമഖങ്ങളായി തമിഴില്‍ അരങ്ങേറുന്നവര്‍ പെട്ടെന്ന് മാനേജര്‍മാരെ നിയമിക്കും. പല മാനേജര്‍മാരും തട്ടിപ്പിന്റെ ഉസ്താദുമാരാണ്. നിര്‍മാണ കമ്പനികളില്‍ നിന്നും ആര്‍ട്ടിസ്റ്റുകളില്‍ നിന്നും ഒരേസമയം പ്രതിഫലം പറ്റുന്നവരാണ് മാനേജര്‍മാര്‍.
https://www.facebook.com/Malayalivartha
