മലയാളികള്‍ രണ്ട് കൈനീട്ടിയും സ്വീകരിച്ച ദമ്പതികളാണ് ജയറാമും പാര്‍വ്വതിയും. ഇവര്‍ക്കിടയില്‍ ചെറിയ സൗന്ദര്യപിണക്കം ഉണ്ടായിട്ടുണ്ടെങ്കിലും ജീവിതം എന്നും സന്തോഷത്തോടെ കൊണ്ട് പോകാന്‍ ഈ താരദമ്പതികള്‍ക്ക് കഴിഞ്ഞു. പാര്‍വതിയെ കുറിച്ച് ജയറാം പറയുന്നതിങ്ങനെ.

പാര്‍വതി എന്ത് ടെന്‍ഷനും സൊല്യൂഷനുണ്ടാക്കുന്ന വ്യക്തിയാണ് പാര്‍വതി. അതുകൊണ്ടുതന്നെ ചെറിയ കാര്യങ്ങള്‍ പോലും അശ്വതിയോടു പറഞ്ഞ് ടെന്‍ഷന്‍ ഒഴിവാക്കും. എന്നാലും പരാജയപ്പെടുമ്പോഴൊക്കെ എവിടെയെങ്കിലും ഒരു കൈതാങ്ങുണ്ടാകും. അതിന്റെ കാരണം ഗുരുത്വമാണ്. ഈ മൂന്നക്ഷരം മനസില്‍ സൂക്ഷിക്കുന്ന ആളാണു ഞാന്‍. അത് ഏതു കാര്യത്തിലായാലും. 

നല്ല ഗുരുനാഥന്‍ ലഭിക്കുക എന്നതാണ് ഒരു മനുഷ്യന്റെ ഏറ്റവും വലിയ ഭാഗ്യം. മിമിക്രിയുമായി വരുന്ന കാലത്ത് എനിക്കു കിട്ടാവുന്ന ഏറ്റവും വലിയ ഗുരുനാഥനായിരുന്നു കലാഭവനിലെ ആബേലച്ചന്‍. സിനിമയില്‍ എനിക്കു കിട്ടിയ ഗുരുനാഥനാണ് പത്മരാജന്‍. എന്തു കാര്യങ്ങളുണ്ടെങ്കിലും എനിക്കു പറയാന്‍ പറ്റുന്ന ഒരാളായിരുന്നു അദ്ദേഹം. അതുപോലെ ചെണ്ടയുടെ കാര്യത്തില്‍ മട്ടന്നൂര്‍. ഒരു ഗുരുകുല വിദ്യാഭ്യാസം പോലെയാണ് അദ്ദേഹത്തോടൊപ്പം പാണ്ടി മേളം പഠിച്ചത്. ഗുരുത്വമായിരിക്കാം പരാജയങ്ങള്‍ വരുമ്പോഴും അവയില്‍ നിന്നുമൊക്കെ എന്നെ കര കയറ്റുന്നത്.

അവനവനെ സ്വന്തമായി വില്‍ക്കാനറിയാത്തവന്‍ ഇന്ന് സിനിമയില്‍ മണ്ടനാണെന്നു വേണം പറയാന്‍. സെല്‍ഫ് മാര്‍ക്കറ്റിംഗ് പഠിച്ചാലേ സിനിമയില്‍ നിലനില്‍പ്പുള്ളു. നല്ല ബിസിനസ് മൈന്റോടെ പ്രവര്‍ത്തിക്കണം. ഞാനൊരു ബിസിനസ്മാനല്ല എന്നതു വലിയൊരു പോരായ്മയാണ്. നമ്മളെ ഏല്‍പ്പിക്കുന്ന ജോലി ചെയ്യുക, പോവുക. അത്രേയുള്ളു.

സംവിധാകന്റെ അടുത്തുപോയി അദ്ദേഹത്തിന്റെ ജോലിയില്‍ തലയിടുക, അങ്ങനെയുള്ള ശീലമൊന്നും എനിക്കില്ല. മാത്രമല്ല, സിനിമയുടെ റിലീസിംഗിന്റെ അന്ന് തിയറ്ററുകളില്‍ പോയി അവിടുത്തെ കളക്ഷന്‍ റിപ്പോര്‍ട്ട് എടുക്കുക ഇതൊന്നും ഞാന്‍ ശ്രദ്ധിക്കാറേയില്ല.

അതൊക്കെ എന്റെ പോരായ്മകള്‍ തന്നെയാണ്. എന്നാലും, ഇതൊന്നും നെഗറ്റീവായി എന്നെ ബാധിക്കാറില്ല. ദൈവത്തോട് ഒരു കൈ കുമ്പിളില്‍ ഒരു തുടം വെള്ളമേ ഞാന്‍ ചോദിച്ചിട്ടുള്ളു. അദ്ദേഹമെനിക്ക് കടലോളം തന്നു. ഇത്തരം ചെറിയ സന്തോഷങ്ങളില്‍ സംതൃപ്തനാണെന്നും ജയറാം പറയുന്നു.

കരുക്കള്‍ എന്ന സിനിമയുടെ ഷൂട്ടിംഗ് നടക്കുന്ന സമയം. തേക്കടിയാണ് ലൊക്കേഷന്‍. അവിടെവച്ചാണ് രണ്ടുപേരും മനസുതുറന്നു സംസാരിക്കുന്നത്. രണ്ടു പേരുടെയും മനസില്‍ പ്രണയമുണ്ടെന്ന് അറിയാവുന്നതുകൊണ്ട് ടെന്‍ഷന്‍ ഉണ്ടായിരുന്നില്ല. ലോകത്തില്‍ ഏറ്റവും പ്രിയപ്പെട്ട സ്ഥലമാണ് തേക്കടി. തേക്കടിയിലെ ഓര്‍മകള്‍ ഇപ്പോഴും ഞങ്ങളുടെ മനസിലുണ്ട്. പരസ്പരം പ്രൊപ്പോസ് ചെയ്യേണ്ട ആവശ്യമൊന്നുമില്ലായിരുന്നു. ഇഷ്ടമാണ് എന്ന് ഞാനോ ജയറാമോ പരസ്പരം പറഞ്ഞിട്ടുമില്ലെന്ന് പാര്‍വ്വതി പറയുന്നു.