സ്വകാര്യ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്ത് ഷൂട്ടിംഗ് സെറ്റില് പെട്രോൾ ഒഴിച്ച് ആത്മഹത്യ ചെയ്ത് കാമുകൻ; പിന്നാലെ ആത്മഹത്യയ്ക്ക് ശ്രമിച്ച യുവനടിയെ കാണാനില്ല...
പ്രേക്ഷകർക്ക് സുപരിചിതയായ താരമാണ് മിനിസ്ക്രീനിൽ ശ്രദ്ധേയയായ തമിഴ് സീരിയൽ നടി നിലാനി. മാസങ്ങള്ക്ക് മുന്പ് തൂത്തുക്കുടി സ്റ്റെര്ലൈറ്റ് കമ്പനിക്കെതിരെയുള്ള പ്രതിഷേധത്തില് പതിമൂന്ന് പേര് വെടിയേറ്റ് മരിച്ചതിന് പോലീസിനെതിരേ വിമര്ശനവുമായി രംഗത്ത് വന്നാണ് നിലാനി വാര്ത്തകളില് ഇടം നേടുന്നത്. സീരിയലിന് വേണ്ടി അണിഞ്ഞിരുന്ന പോലീസ് വേഷത്തിലാണ് ഫെയ്സ്ബുക്ക് വീഡിയോയിലൂടെ നിലാനി പോലീസിനെതിരേ വിമര്ശനവുമായി വന്നത്. അതിന്റെ പേരില് ഇവര്ക്കെതിരേ കേസെടുക്കുകയും ചെയ്തിരുന്നു.
ഇവരുടെ കാമുകനെന്ന് പറയപ്പെട്ടിരുന്ന ഗാന്ധി ലളിത് കുമാര് എന്ന യുവാവിന്റെ ആത്മഹത്യയോടെയാണ് നിലാനി വീണ്ടും വാര്ത്തകളില് ഇടം നേടുന്നത്. ലളിത്കുമാറിന്റെ മരണത്തില് ദുരൂഹതകള് ബാക്കി നില്ക്കെ ആത്മഹത്യയ്ക്ക് ശ്രമിച്ച യുവനടിയെ കാണാനില്ല. ചെന്നെെ റോയാപേട്ട് സര്ക്കാര് ആശുപത്രിയില് കഴിഞ്ഞിരുന്ന നടി നിലാനിയെ ആണ് ഡിസ്ചാര്ജ് ചെയ്തതിന് പിന്നാലെ കാണാതായത്. ഫോണ് സ്വിച്ച് ഓഫ് ആയതിനാല് നടിയുമായി ബന്ധപ്പെടാന് സാധിക്കുന്നില്ലെന്നും ഇവരെ കണ്ടെത്താനുള്ള അന്വേഷണം ആരംഭിച്ചിട്ടുണ്ടെന്നും പൊലീസ് അധികൃതര് വ്യക്തമാക്കി.
നിലാനിയുടെ മുന് കാമുകന് ലളിത് കുമാര് തീ കൊളുത്തി ആത്മഹത്യ ചെയ്തതിന് പിന്നാലെയാണ് താരം വാര്ത്തകളില് നിറയുന്നത്. മൂന്ന് വര്ഷത്തോളം ഇരുവരും അടുപ്പത്തിലായിരുന്നു. കുമാറിന്റെ ആത്മഹത്യയുമായി തനിക്ക് യാതൊരു ബന്ധവുമില്ലെന്ന് നിലാനി നേരത്തെ വ്യക്തമാക്കിയിരുന്നു. തന്റെ ഭാഗം വിശദീകരിക്കാന് മാദ്ധ്യമപ്രവര്ത്തകരെ കാണുമെന്ന് പറഞ്ഞിരുന്ന നടി ഇതിന് തൊട്ടുമുമ്ബാണ് കീടനാശിനി ഉപയോഗിച്ച് ആത്മഹത്യയ്ക്ക് ശ്രമിച്ചത്. സംഭവത്തില് ആത്മഹത്യാശ്രമത്തിനും പോലീസ് കേസെടുത്തു. എന്നാല് കഴിഞ്ഞ ദിവസം ആശുപത്രിയില് നിന്ന് ഡിസ്ചാര്ജായ നടിയെ പിന്നീട് കാണാതാവുകയായിരുന്നു. രണ്ട് മക്കളോടൊപ്പമാണ് നടി ആശുപത്രിയില് നിന്നും അപ്രത്യക്ഷമായത്.
https://www.facebook.com/Malayalivartha
