പ്രസംഗവേദിയില്‍ താന്‍ വെറും പ്ലസ്ടുവും ഗുസ്തിയും വിദ്യാഭ്യാസ യോഗ്യതയുള്ള ഒരാളാണെന്ന് വെളിപ്പെടുത്തിയിരിക്കുകയാണ് നടന്‍ പൃഥ്വിരാജ് എറണാകുളം സെന്റ് തെരേസാസ് കോളേജില്‍ വച്ച് അക്കാദമിക്കലി മികച്ച എ പ്ലസ് വിജയം നേടിയ കുട്ടികളെ ആദരിക്കുന്നതിനുള്ള ചടങ്ങിലാണ് താരം തുറന്നു പറച്ചില്‍ നടത്തിയത്. മിടുക്കികളായ ഒരുകൂട്ടം വിദ്യാര്‍ഥിനികളെ സാക്ഷിയാക്കിയാണ് പൃഥ്വി പ്രചോദനാത്മകമായ രീതിയില്‍ ഇക്കാര്യങ്ങള്‍ തുറന്നു പറഞ്ഞത്.

ഇവിടെ എ പ്ലസ് നേടാതെ പോയ തോറ്റുപോയ വിദ്യാര്‍ത്ഥികള്‍ ഒരിക്കലും നിരാശപ്പെടേണ്ടതില്ല എന്നും എ പ്ലസോ സര്‍ട്ടിഫിക്കററ്റുകളോ അല്ല നിങ്ങളുടെ ഭാവി തീരുമാനിക്കുന്നത് എന്നും അതിനുള്ള ഏറ്റവും വലിയ ഉദാഹരണമാണ് താനെന്നും പൃഥ്വിരാജ് കൂട്ടിച്ചേര്‍ത്തു. ഇവിടെ കാലങ്ങള്‍ ആയി മാറ്റം വരാതെ നിലവിലുള്ള സമ്ബ്രദായിക വിദ്യഭ്യാസരീതികള്‍ക്ക് നേരേ പരോക്ഷമായ ഒരു വിമര്‍ശന ശരം കൂടിയായിരുന്നു പൃഥ്വിയുടെ വാക്കുകള്‍.

പൃഥ്വിരാജ് പറഞ്ഞ വാക്കുകള്‍..

' ഞാന്‍ പന്ത്രണ്ടാം ക്ലാസ്സും ഗുസ്തിയുമാണ്. സ്‌കൂള്‍ പഠനത്തിനു ശേഷം കോളേജില്‍ ചേര്‍ന്നു. എന്നാല്‍ അതു പൂര്‍ത്തിയാക്കും മുന്‍പ് പഠനം നിര്‍ത്തി, സിനിമയിലേക്ക് വരികയും ചെയ്ത ഒരാളാണ്. നല്ല അക്കാദമിക് കരിയര്‍ പിന്‍തുടരണമെന്ന് ആഗ്രഹിക്കുന്ന ആര്‍ക്കും ഞാനൊരു ഉദാഹരണമല്ലെന്നു കരുതുന്ന ആളാണ് ഞാന്‍. (മ + യ)2 എന്താണെന്ന് ജീവിതത്തില്‍ ചിലപ്പോള്‍ ഒരിക്കല്‍ പോലും നിങ്ങള്‍ക്ക് ഇനി ഓര്‍ക്കേണ്ടി വരില്ല. അങ്ങനെ നോക്കുമ്‌ബോള്‍ എന്തിനാണ് ഈ പരീക്ഷ എന്നൊരു ചോദ്യം പ്രസക്തമായി നമുക്ക് മുന്നില്‍ ഉണ്ട്.
ഒരു പരീക്ഷ അത്രയേ ഉള്ളൂ. ജീവിതത്തില്‍ ഓരോ ഘട്ടത്തിലും നമുക്ക് മുന്നില്‍ ഓരോ ദൗത്യം ഉണ്ടാവും. അതിലിപ്പോള്‍ നിങ്ങളുടെ ദൗത്യം എന്താണെന്നു വെച്ചാല്‍, നിങ്ങള്‍ക്കു മുന്നിലുള്ള അക്കാദമിക് മെറ്റീരിയലും സിലബസും നന്നായി പഠിച്ച് അതില്‍ നിങ്ങളുടെ നൈപുണ്യം തെളിയിക്കുക എന്നതാണ്. ആ ദൗത്യത്തോട് നിങ്ങള്‍ കാണിച്ച അര്‍പ്പണബോധത്തിന് കിട്ടുന്ന അംഗീകാരമാണ് റാങ്കും മാര്‍ക്കുമെല്ലാം. ഇനിയും ജീവിതത്തില്‍ നിങ്ങള്‍ മുന്നോട്ടു പോവുമ്പോള്‍ ഇപ്പോള്‍ കിട്ടിയ ജോലിയോട് നിങ്ങള്‍ കാണിച്ച ആറ്റിറ്റിയൂഡ് അതു ഓര്‍മ വയ്ക്കുക. ഈ മനോഭാവം തന്നെയാണ് ജീവിതത്തില്‍ മുന്നോട്ടു വേണ്ടത്. അത് നാളെ ജോലിയുടെ കാര്യത്തില്‍ ആണെങ്കിലും കുടുംബജീവിതമാണെങ്കിലും സാമൂഹിക പ്രതിബദ്ധത നിറഞ്ഞ ഒരു കടമ നിറവേറ്റേണ്ട സാഹചര്യമാണെങ്കിലും ഈ മനോഭാവം കൈവിടാതെ സൂക്ഷിക്കുക' : പൃഥ്വിരാജ് പറഞ്ഞു.