ദുല്‍ഖര്‍ എന്ന നിര്‍മ്മാതാവിന്റെ ആദ്യം ചിത്രം അണിയറയില്‍ ഒരുങ്ങുന്നു....
അങ്ങനെ താന്‍ ആദ്യമായി നിര്‍മ്മാതാവാകുന്നു... കഴിഞ്ഞ ദിവസം 'വേ ഫയറര്‍ ഫിലിംസ് ' എന്ന തന്റെ പ്രൊഡക്ഷന്‍ കമ്പനിയുടെ പേരും ലോഗോയും പുറത്തു വിട്ടത്തിന്റെ ചൂടാറും മുമ്പാണ് ദുല്‍ഖറിന്റെ അടുത്ത സര്‍പ്രൈസ്. ദുല്‍ഖര്‍ സല്‍മാന്‍ നിര്‍മിക്കുന്ന ആദ്യ സിനിമയുടെ ടൈറ്റില്‍ 'മണിയറയിലെ അശോകന്‍' എന്നാണെന്നും ഒരു കൂട്ടം പുതുമുഖങ്ങള്‍ അണിയറയിലുണ്ടെന്നും ദുല്‍ഖര്‍ അറിയിച്ചു.
സിനിമയുടെ ടൈറ്റില്‍ പോസ്റ്ററിലൂടെയാണ് പേര് വ്യക്തമായത്. സിനിമയുടെ പേരുമായി ബന്ധപ്പെട്ട് നിരവധി ചര്‍ച്ചകള്‍ നേരത്തെ പരന്നിരുന്നു. ഏറെ കൗതുകങ്ങള്‍ ഒളിപ്പിച്ചു വെച്ചാണ് ദുല്‍ഖറിന്റെ ആദ്യം ചിത്രം അണിയറയില്‍ ഒരുങ്ങുന്നത്. ഒരു പറ്റം പുതുമുഖങ്ങളുമായി സെക്കന്റ് ഷോയിലൂടെയുള്ള ദുല്‍ഖര്‍ സല്‍മാന്റെ അരങ്ങേറ്റത്തിന് സമാനമായാണ് ദുല്‍ഖര്‍ ആദ്യമായി നിര്‍മ്മിക്കുന്ന സിനിമയും പുറത്ത് വരുന്നത്.
സിനിമയുടെ പ്രധാന മേഖലകളെല്ലാം കൈകാര്യം ചെയ്യുന്നത് പുതുമുഖങ്ങള്‍ ആണ് എന്നതാണ് പ്രതേകത. നവാഗതനായ ഷംസു സെയ്ബയാണ് സംവിധാനം. മഗേഷ് ബോജിയുടെ കഥയെ ആസ്പദമാക്കി വിനീത് കൃഷ്ണന്‍ ആണ് തിരക്കഥ നിര്‍വഹിച്ചിരിക്കുന്നത്. ക്യാമറ കൈകാര്യം ചെയ്തിരിക്കുന്ന സജാദ് കാക്കുവും സംഗീത സംവിധായകന്‍ ശ്രീഹരി കെ.നായര്‍ തുടങ്ങിയവരും പുതുമുഖങ്ങളാണ്. സംസ്ഥാന അവാര്‍ഡ് ജേതാവ് കൂടിയായ അപ്പു.എന്‍. ഭട്ടതിരി ആണ് എഡിറ്റിങ് നിര്‍വഹിച്ചിരിക്കുന്നത്. ആതിര ദില്‍ജിത്ത് പി.ആര്‍.ഒ ആയും ഷുഹൈബ് എസ്.ബി.കെ സ്റ്റില്‍ ഫോട്ടോഗ്രാഫറായും സിനിമയുടെ പിന്നണയിലുണ്ട്.
https://www.facebook.com/Malayalivartha
