അമ്മയ്ക്ക് പിറന്നാള്‍ ആശംസകള്‍ എന്ന കുറിപ്പോടെയാണ് പൃഥ്വിരാജ് രംഗത്തെത്തിയിരിക്കുന്നത്. പിറന്നാള്‍ ആശംസയ്ക്കൊപ്പം രണ്ട് ചിത്രങ്ങളും താരം പങ്കുവെച്ചിട്ടുണ്ട്. കുട്ടിക്കാലത്ത് അമ്മയ്ക്കൊപ്പം ഇരിക്കുന്നതിന്റേയും ഇപ്പോഴത്തെ ചിത്രവുമാണ് താരം പങ്കുവെച്ചിരിക്കുന്നത്. മോളിവുഡിലെ ന്യൂജെന്‍ അമ്മയായ നടി മല്ലിക സുകുമാരന് ആശംസകളുമായി മക്കള്‍. മലയാള സിനിമ കുടുംബമാണ് നടി മല്ലിക സുകുമാരന്റേത്. സുകുമാരനില്‍ നിന്ന് തുടങ്ങി ഇപ്പോള്‍ പേരക്കുട്ടികളില്‍ വരെ എത്തി നില്‍ക്കുകയാണ്.

അമ്മയ്ക്ക് അച്ഛനും പിന്നാലെ സിനിമ മേഖലയില്‍ തങ്ങളുടേതായ ഇടം കണ്ടെത്താന്‍ മക്കള്‍ പൃഥ്വിരാജിനും ഇന്ദ്രജിത്തിനും കഴിഞ്ഞിരുന്നു. മക്കള്‍ മാത്രമല്ല മരുമക്കളായ പൂര്‍ണ്ണിമയും സുപ്രിയയും സിനിമയുടെ ഭാഗങ്ങളാണ്. ‌ മക്കള്‍ക്കൊപ്പം അമ്മയ്ക്ക് പിറന്നാള്‍ ആശംസ നേര്‍ന്ന് മരുമക്കളും രംഗത്തെത്തിയിട്ടുണ്ട്. മൂത്ത മരുമകളുംനടിയുമായ പൂര്‍ണ്ണിമ ഇന്ദ്രജിത്തും അമ്മായിഅമ്മയ്ക്ക് പിറന്നാള്‍ ആശംസ നേര്‍ന്ന് എത്തിയിട്ടുണ്ട്. മൂത്ത മകള്‍ പ്രാര്‍ഥനയ്ക്കൊപ്പമുളള മല്ലിക യുടെ ചിത്രം പങ്കുവെച്ചു കെണ്ടാണ് പൂര്‍ണ്ണിമ പിറന്നാള്‍ ആശംസ നേര്‍ന്നിരിക്കുന്നത്. കൂളസ്റ്റ് മുത്തശ്ശിയ്ക്ക് പിറന്നാള്‍ ആശംസകള്‍. ഞങ്ങളെല്ലാവരും സ്നേഹിക്കുന്നു എന്ന കുറിപ്പോടു കൂടിയാണ് ചിത്രം പോസ്റ്റ് ചെയ്തിരിക്കുന്നത്. സിനിമ കുടുംബത്തിലെത്തി സിനിമക്കാരിയായമാറിയ ആളാണ് സുപ്രിയ. മല്ലികയ്ക്ക് പിറന്നാള്‍ ആശംസ നേര്‍ന്ന് സുപ്രിയ മേനോനും രംഗത്തെത്തിയിട്ടുണ്ട്. മല്ലികയ്ക്കൊപ്പമുള്ള ചിത്രം പങ്കുവെച്ചുകൊണ്ടാണ് സുപ്രിയ പിറന്നാള്‍ ആശംസ നേര്‍ന്നിരിക്കുന്നത്. പിറന്നാള്‍ ആശംസകള്‍ അമ്മ എന്നാണ് സുിപ്രിയ കുറിച്ചിരിക്കുന്നത്. .