ബാലതാരമായി സിനിമ ലോകത്തേക്ക് കടന്നു വന്ന മലയാളി പ്രേക്ഷകരുടെ മനസ്സില്‍ ഇടം നേടിയ താരമാണ് നിവേദ തോമസ്. മലയാളത്തിലുപരി ഇപ്പോള്‍ തമിഴിലും തെലുങ്കിലും സജീവമായിരിക്കുകയാണ് താരം. താരത്തിന് നേരെയും സൈബര്‍ ആക്രമണം ഉണ്ടായിരിക്കുകയാണ്. ഇന്‍സ്റ്റഗ്രാമിലൂടെയായിരുന്നു താരത്തിന് നേരെ ചോദ്യങ്ങള്‍ ഉയര്‍ന്നത്.

താരങ്ങള്‍ പങ്കുവെക്കുന്ന ചിത്രങ്ങള്‍ക്ക് നിരവധി വിമര്‍ശനങ്ങളും കമന്റുകളും നടത്തുന്നത് സാധാരണമാണ്. പക്ഷെ ചിലരുടെ വിമര്‍ശനങ്ങള്‍ ആണെങ്കിലും കമന്റുകള്‍ ആണെങ്കിലും അതിരുകടക്കുമ്ബോഴാണ് പ്രശ്നമാകുന്നത്. അത്തരം ഒരു കമന്റിന് ചുട്ട മറുപടി നല്‍കിയിരിക്കുകയാണ് നടി നിവേദ തോമസ്‌.

പ്രണയമുണ്ടോ?, കന്യകയാണോ?, എന്നെ കല്യാണം കഴിക്കാമോ? എന്നിങ്ങനെയാണ് താരത്തിനോട് ചോദിച്ചത്. എന്നാല്‍ ഈ ചോദ്യം കേട്ട് അല്‍പ്പംപോലും പകയ്ക്കാതെ കൃത്യമായ ഉത്തരം നല്‍കിയിരിക്കുകയാണ് താരം. നിങ്ങളെല്ലാവരും സമയം കണ്ടെത്തി എന്നോട് ചാറ്റ് ചെയ്തതില്‍ സന്തോഷമുണ്ടെന്നും എന്നാല്‍ കല്യാണം എപ്പോഴാണ്, പ്രണയമുണ്ടോ, എന്നെ കല്യാണം കഴിക്കാമോ, കന്യകയാണോ എന്നീ ചോദ്യങ്ങള്‍ താന്‍ ഒഴിവാക്കിയെന്നും. ഒരു മനുഷ്യനോട് സംസാരിക്കുമ്ബോള്‍ കുറച്ച്‌ ബഹുമാനവും അന്തസ്സുമൊക്കെകൊടുക്കാമെന്നും താരം മറുപടി നല്‍കി. നടിയുടെ ഈ പ്രതികരണത്തിന് വന്‍ പിന്തുണയുമായാണ് നിരവധിപേര്‍ രംഗത്തെത്തിയിരിക്കുന്നത്.