2002ല്‍ ഹോളണ്ടിന്റെ സ്‌പോര്‍ട്‌സ് വുമണ്‍ പട്ടം നേടിയ താരമായിരുന്നു ഡച്ചുകാരിയായ വെറോണ വാന്‍ലേയര്‍. എന്നാല്‍ താരം ഇന്ന് അറിയപ്പെടുന്നത് പോണ്‍ താരം എന്ന നിലയിലാണ്. ജീവിതത്തിലെ ചില അപ്രതീക്ഷിത സംഭവങ്ങളാണ് അവരെ പോണ്‍ ഇന്‍ഡസ്ട്രിയില്‍ എത്തിച്ചത്. എന്നാല്‍ ഇന്ന് നീലച്ചിത്രമേഖലയില്‍ നിന്നും വിടപറയാന്‍ ഒരുങ്ങുകയാണ് താരം.സ്‌പോര്‍ട്‌സ് വുമണ്‍ പട്ടം നേടിയ താരം എട്ട് മെഡലുകളാണ് ആ വര്‍ഷം നേടിയെടുത്തത്.

ജിംനാസ്റ്റിക് മേഖലയില്‍ ജ്വലിച്ചുയര്‍ന്ന് നില്‍ക്കുന്ന സമയത്തായിരുന്നു ഡച്ച് താരത്തിന്റെ ജീവിതം മാറിമറിയുന്നത്. 2011ല്‍ ദമ്പതികളെ ബ്ലാക്‌മെയില്‍ ചെയ്ത കേസില്‍ 72 ദിവസം ജയിലിലായതോടെ താരത്തിന്റെ ജീവിതം കീഴ്‌മേല്‍ മറിഞ്ഞു. പുറത്തിറങ്ങിയ വെറോണയെ സ്വീകരിക്കാന്‍ കുടുംബം തയ്യാറായില്ല. അവര്‍ തിരിച്ചറിയാതിരിക്കാന്‍ വേണ്ടി വീടിന്റെ രൂപരേഖ തന്നെ ബന്ധുക്കള്‍ മാറ്റിക്കളഞ്ഞു.രണ്ടു വര്‍ഷത്തോളം വെറോണ സ്വന്തം കാറില്‍ തന്നെ കിടന്നുറങ്ങി. കാമുകനായിരുന്നു ഈ സമയത്തെല്ലാം അവരെ പിന്തുണച്ച് കൂടെനിന്നത്.

ജീവിതം കൈവിട്ടുപോകുന്ന അവസ്ഥയില്‍ പണത്തിന് വേണ്ടി പോണ്‍ മേഖലയിലേക്ക് തിരിയുകയായിരുന്നു വെറോണ.നിലവില്‍ ഒപ്പുവച്ച കരാറുകള്‍ അവസാനിക്കുമ്പോള്‍ പോണ്‍ മേഖലയില്‍ നിന്ന് പിന്‍മാറുമെന്ന് പ്രഖ്യാപിച്ചിരിക്കുകയാണ് വെറോണ ഇപ്പോള്‍. ഇതൊരു ജോലിയായാണ് താന്‍ കണ്ടതെന്നും, തിരിഞ്ഞു നോക്കുമ്പോള്‍ ആനന്ദകരമായ എട്ടു വര്‍ഷങ്ങളാണ് കടന്നുപോയതെന്ന് തോന്നുന്നുവെന്നും 33കാരിയായ വെറോണ പറയുന്നു.