അന്ന് ദേസേട്ടന് പറഞ്ഞത് ഈ വരികള് എനിക്ക് മാത്രമല്ല ഇത് വേറെ ആര്ക്കും പാടാന് പറ്റുന്നില്ല...
ഒരു പിടി നല്ല പാട്ടുകള് മലയാളത്തിന് സമ്മാനിച്ച അനുഗ്രഹീത കലാകാരനാണ് ഔസേപ്പച്ചന്. കഴിഞ്ഞ മൂന്ന് പതിറ്റാണ്ടുകളായി മലയാള സംഗീതത്തിന്റെ നിറസാന്നിദ്ധ്യമായ ഔസേപ്പച്ചന്റെ നിരവധി ഗാനങ്ങള്ക്ക് ശബ്ദം നല്കിയത് യേശുദാസാണ്. എന്നാല് താന് സംഗീതം നിര്വഹിച്ച ഒരു ഗാനം 15 തവണ ശ്രമിച്ചിട്ടും യേശുദാസിന് പാടാന് കഴിഞ്ഞില്ലെന്ന് വെളിപ്പെടുത്തിയിരിക്കുകയാണ് ഔസേപ്പച്ചന്. ഉണ്ണികളെ ഒരു കഥ പറയാം എന്ന ചിത്രത്തിലെ പുഞ്ചിരിയുടെ പൂവിളികളില് ഉണ്ടൊരു രാഗം എന്ന പാട്ടിന്റെ ആദ്യം വരുന്ന കളകളമൊഴുകും..എന്ന ഭാഗമാണ് യേശുദാസിന് പാടാന് കഴിയാതിരുന്നത്. കൗമുദി ടിവിക്ക് നല്കിയ പ്രത്യേക അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
ഔസേപ്പച്ചന്റെ വാക്കുകള്
'ദാസേട്ടന് കുറേ ശ്രമിച്ചതാണ് അത് പാടാന്. ഈ ട്രാക്ക് ഞാന് ആദ്യമേ പാടിവച്ചിട്ടുണ്ടായിരുന്നു. അന്ന് ദാസേട്ടന് വരികള് പറയാന് പറഞ്ഞു. അപ്പൊ പ്രാക്ടീസ് ചെയ്യുമ്ബോള് ഈ വരികള് ദാസേട്ടന് പതുക്കെ പാടി പക്ഷേ, റെക്കോഡ് ചെയ്യുമ്ബോള് അത്രയും സ്പീഡില് പാടാന് അദ്ദേഹത്തിന് സാധിച്ചില്ല. അപ്പോള് ദാസേട്ടന് പറഞ്ഞു, പാട്ട് ആദ്യം എടുക്കാം. ഈ ഭാഗം പിന്നീട് പ്രാക്ടീസ് ചെയ്തിട്ട് മറ്റൊരു ദിവസം എടുക്കാം. പക്ഷേ, അന്ന് ഞാന് അറിഞ്ഞത് ദാസേട്ടന് ഇത് ഒരു പത്ത് പതിനഞ്ച് പേപ്പറില് കോപ്പി ചെയ്തിട്ട് ഇത് എല്ലാവര്ക്കും പാടാന് കൊടുത്തു. അന്ന് ഇത് ആര്ക്കും പാടാന് പറ്റിയില്ല. എന്നിട്ട് ദാസേട്ടന് എന്നെ വിളിച്ചു പറഞ്ഞു, എനിക്ക് മാത്രമല്ല ഇത് വേറെ ആര്ക്കും പാടാന് പറ്റുന്നില്ല. ഇത് നീയങ്ങട് പാടിയാല് മതിയെന്ന് പറഞ്ഞ് എന്റെ തലയില് ഇട്ടു. അങ്ങനെ അവസാനം ഞാന് തന്നെ പാടി. അന്ന് ഗതികേട് കൊണ്ടാണ് ഞാന് അത് പാടിയത്'.
https://www.facebook.com/Malayalivartha