മൂന്നു തവണ ഏറ്റവും നല്ല നടനുള്ള ദേശീയ അവാര്‍ഡും അഞ്ച് തവണ സംസ്ഥാന സര്‍ ക്കാരിന്റെ അവാര്‍ഡും സ്വന്തമാക്കിയിട്ടുള്ള മമ്മൂട്ടി 11 ഫിലിം ഫെയര്‍ അവാര്‍ഡുകളും നേടി. 1998ല്‍ രാജ്യം പത്മശ്രീ നല്‍കി അദ്ദേഹത്തെ ആദരിച്ചപ്പോള്‍ 2010ല്‍ കേരള യൂണിവേര്‍സിറ്റി അദ്ദേഹത്തിനു ഓണററി ഡോക്ടറേറ്റ് നല്‍കി.

മലയാളത്തിന്റെ അഭിമാനതാരം മമ്മൂട്ടിക്കു രാജ്യത്തെ രണ്ടാമത്തെ പരമോന്നത സിവിലിയന്‍ പുരസ്‌കാരമായ പത്മവിഭൂഷണ്‍ ലഭിക്കുമെന്നു സൂചന. അഭിമാനിക്കാം റിപ്പബ്ലിക് ദിനത്തോടുബന്ധിച്ചുള്ള പത്മപുരസ്‌കാരങ്ങള്‍ കേന്ദ്രസര്‍ക്കാര്‍ ഇന്നു പ്രഖ്യാപിക്കും.
വിവിധ മേഖലകളിലെ പ്രതിഭകള്‍ക്കു രാജ്യം നല്‍കുന്ന ബഹുമതികളില്‍ ഭാരതരത്നം കഴിഞ്ഞാല്‍, രണ്ടാമത്തെ ഉയര്‍ന്ന പുരസ്‌കാരമാണു പത്മവിഭൂഷണ്‍. കഴിഞ്ഞവര്‍ഷം മലയാളത്തിന്റെ മറ്റൊരു മഹാനടന്‍ മോഹന്‍ലാലിനും ശാസ്ത്രജ്ഞന്‍ നമ്പി നാരായണനും ഉള്‍പ്പെടെ 14 പേര്‍ക്കു മൂന്നാമത്തെ ഉയര്‍ന്ന സിവിലിയന്‍ ബഹുമതിയായ പത്മഭൂഷണ്‍ ലഭിച്ചിരുന്നു.
മുതിര്‍ന്ന നാടക-ചലച്ചിത്രനടി നിലമ്പൂര്‍ ആയിഷ പത്മശ്രീ പട്ടികയില്‍ ഉള്‍പ്പെട്ടതായും സൂചനയുണ്ട്. പുരസ്‌കാരസാധ്യതാ പട്ടികയിലുള്ള മറ്റു മലയാളികള്‍ ഇവരാണ്: നാഗസ്വരവിദ്വാന്‍ തിരുവിഴ ജയശങ്കര്‍, കവിയും ഗാനരചയിതാവുമായ കൈതപ്രം ദാമോദരന്‍ നമ്പൂതിരി, കഥകളി ആചാര്യന്‍ കലാമണ്ഡലം ഗോപി.

2018-ല്‍ മമ്മൂട്ടി, മോഹന്‍ലാല്‍, കഥകളി ആചാര്യന്‍ കലാമണ്ഡലം ഗോപി, മേളവിസ്മയം പെരുവനം കുട്ടന്‍ മാരാര്‍, കവയിത്രി സുഗതകുമാരി, ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പോലീത്ത എന്നിവര്‍ക്കു സംസ്ഥാനസര്‍ക്കാര്‍ പത്മഭൂഷണ്‍ ശിപാര്‍ശ ചെയ്തിരുന്നു. ഇവരില്‍ ഫിലിപ്പോസ് മാര്‍ ക്രിസോസ്റ്റത്തിനു മാത്രമാണു ബഹുമതി ലഭിച്ചത്. 2017-ല്‍ ഗാനഗന്ധര്‍വന്‍ കെ.ജെ. യേശുദാസിനും പത്മവിഭൂഷണ്‍ ലഭിച്ചിരുന്നു.

ന്യൂഡല്‍ഹി: പത്മ പുരസ്‌കാരങ്ങള്‍ വിതരണം ചെയ്തു. രാഷ്ട്രപതി രാംനാഥ് കോവിന്ദില്‍ നിന്ന് നടന്‍ മോഹന്‍ ലാല്‍ പത്മഭൂഷണ്‍ ഏറ്റുവാങ്ങി. ഇതോടെ പ്രേംനസീറിന് ശേഷം പത്മഭൂഷണ്‍ പുരസ്‌ക്കാരം ലഭിക്കുന്ന മലയാള നടന്‍ എന്ന നേട്ടവും മോഹന്‍ലാല്‍ സ്വന്തമാക്കി. പത്മ പുരസ്‌കാരത്തിന് അര്‍ഹരായ 112 ല്‍ 56 പേര്‍ക്കാണ് ഇന്ന് അവാര്‍ഡുകള്‍ സമ്മാനിച്ചത്.

അന്തരിച്ച മാധ്യമ പ്രവര്‍ത്തകന്‍ കുല്‍ദീപ് നയ്യാറിനു വേണ്ടി ഭാര്യ ഭാരതി നയ്യാര്‍ പുരസ്‌കാരം സ്വീകരിച്ചു. ശാസ്ത്രഞ്ജന്‍ നമ്പി നാരായണന്‍ ഉള്‍പ്പെടെ 14 പേര്‍ക്കാണ് ഇത്തവണ പത്മഭൂഷണ്‍ പുരസ്‌കാരം പ്രഖ്യാപിച്ചിട്ടുള്ളത്.

മോഹന്‍ലാല്‍ പത്മഭൂഷണ്‍ അവാര്‍ഡ് ഏറ്റുവാങ്ങി

മോഹന്‍ലാലിനും നമ്പി നാരായണനും പുറമെ ഗായകന്‍ കെ.ജി. ജയന്‍, പുരാവസ്തു ഗവേഷകന്‍ കെ.കെ. മുഹമ്മദ്, ശ്രീനാരായണധര്‍മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ എന്നിവരാണ് ഇന്ന് പുരസ്‌ക്കാരം ഏറ്റുവാങ്ങിയ മലയാളികള്‍.
സംഗീതജ്ഞന്‍ ശങ്കര്‍ മഹാദേവന്‍, നടന്‍ പ്രഭുദേവ എന്നിവര്‍ പത്മശ്രീ പുരസ്‌കാരം ഏറ്റുവാങ്ങി. ഇന്ത്യന്‍ ഹോക്കി ക്യാപ്റ്റന്‍ അജയ് താക്കൂര്‍, ഗുസ്തി താരം ബജ്‌റംഗ് പുനിയ, ടേബിള്‍ ടെന്നിസ് പ്ലയര്‍ ശരത് കമല്‍, ഗ്രാന്റ് മാസ്റ്റര്‍ ഹരിക ദ്രോണാവലി, മുന്‍ വിദേശകാര്യ സെകട്ടറി സുബ്രഹ്മണ്യം ജയശങ്കര്‍, കൊല്‍ക്കത്ത ടാറ്റ മെഡിക്കല്‍ സെന്റര്‍ ഡയറക്ടര്‍ ഡോ. മാമ്മന്‍ ചാണ്ടി എന്നിവര്‍ക്ക് പത്മശ്രീ പുരസ്‌കാരവും ലഭിച്ചു. 56 പേര്‍ക്ക് പിന്നീട് പുരസ്‌കാരം സമ്മാനിക്കും.
പത്മ പുരസ്‌ക്കാര ജേതാക്കള്‍ക്ക് ഡല്‍ഹി മലയാളി കൂട്ടായ്മയുടെ നേതൃത്വത്തില്‍ ഇന്ന് വൈകിട്ട് ആറ് മണിക്ക് കേരള ഹൌസില്‍ സ്വീകരണം നല്‍കും. മോഹന്‍ലാലിന് പുറമെ ശാസ്ത്രജ്ഞന്‍ നമ്പി നാരായണന്‍, സംഗീതജ്ഞന്‍ ജയന്‍, പുരാവസ്തു വിദഗ്ധന്‍ കെ.കെ മുഹമ്മദ് എന്നിവര്‍ക്കാണ് സ്വീകരണം നല്‍കുന്നത്.