തന്റെ അഞ്ച് വര്ഷത്തെ പ്രയത്നമാണ് മരക്കാര്.... മരക്കാര് പൂര്ണമായ ഒരു ചരിത്ര സിനിമയല്ല, സാധാരണക്കാര്ക്ക് വേണ്ടിയുളള എന്റര്ടെയ്നറാണെന്ന് പ്രിയദര്ശന്
ആരെയും അപമാനിക്കുന്നതോ വേദനിപ്പിക്കുന്നതോ ആയ ഒന്നും മരക്കാറിലില്ലെന്ന് ധൈര്യമായി തനിക്ക് പറയാനാകുമെന്ന് സംവിധായകന് പ്രിയദര്ശന് പറഞ്ഞു. 'മരക്കാര് പൂര്ണമായ ഒരു ചരിത്ര സിനിമയല്ല. സാധാരണക്കാര്ക്ക് വേണ്ടിയുളള എന്റര്ടെയ്നറാണ്.
ആ മനസോടെ ചിത്രം കാണണം. ചിത്രം കഴിഞ്ഞ് ഓഡിയന്സ് എങ്ങനെ സ്വീകരിക്കും എന്ന ഭയമില്ലാതെ എടുത്ത പടമാണ്. മറ്റ് സിനിമകള്ക്കെല്ലാം റിലീസിന് മുന്പ് ജനങ്ങള് സ്വീകരിക്കുമോ എന്ന ടെന്ഷനുണ്ടായിരുന്നു. മരക്കാര് അത്തരമൊരു ഭയമില്ലാതെയെടുത്തതാണ്.' പ്രിയദര്ശന് അഭിപ്രായപ്പെട്ടു. 2018ലാണ് ചിത്രം തുടങ്ങിയത്.
അതിന് ഒരുവര്ഷം മുന്പ് ഇതിന്റെ വര്ക്കുകള് തുടങ്ങിയിരുന്നതായും തന്റെ അഞ്ച് വര്ഷത്തെ പ്രയത്നം ചിത്രത്തിന് പിന്നിലുളളതായും പ്രിയദര്ശന് അറിയിച്ചു.ഒടിടിയില് സിനിമ റിലീസ് ചെയ്യണം എന്ന് ചിന്തിക്കുക പോലും ചെയ്യാത്ത സമയത്താണ് മരക്കാര് ഒടിടിയില് റിലീസ് ചെയ്യുമെന്ന വാര്ത്തകള് പുറത്തുവന്നതെന്ന് മോഹന്ലാല്.
ഒരുപാടുപേര് ഇത്തരത്തില് തെറ്റിദ്ധരിച്ചിരുന്നതായും വിവാദം അനാവശ്യമാണെന്നും അദ്ദേഹം പറഞ്ഞു. ആമസോണുമായി ചിത്രം ഒടിടി റിലീസിന് കരാറായെന്ന് പ്രചരിച്ചിരുന്നു. ആമസോണുമായി സൈന് ചെയ്താല് അവര് പിന്നെ സിനിമ തിരികെ തരില്ല. ഇതുപോലെ വലിയൊരു സിനിമ തീയേറ്ററില് തന്നെ കാണണം എന്ന് കരുതിയാണ് രണ്ട് വര്ഷം കാത്തുവച്ചത്.' അദ്ദേഹം പറഞ്ഞു.
ബ്രോ ഡാഡി,12ത് മാന് അതിന് പുറമേ മറ്റ് രണ്ട് സിനിമകളും ഒടിടിയ്ക്ക് വേണ്ടിയെടുത്തതാണ്. മരക്കാര് തീയേറ്റര് റിലീസിന് തീരുമാനിച്ച ശേഷമാണ് ഒടിടിയിലേക്ക് കരാറൊപ്പിട്ടത്. തീയേറ്റര് റിലീസിന് ശേഷം തീര്ച്ചയായും ഒടിടിയില് സിനിമയെത്തും. അന്പത് ശതമാനം പ്രേക്ഷകര് എത്തിയാലും ബ്രേക്ക് ഇവന് ആവാന് സാദ്ധ്യതയുണ്ടെന്ന് കരുതുന്നതായും വിവിധ ഭാഷകളില് ചിത്രം മികച്ച രീതിയില് എത്തിക്കാനാകുമെന്ന് പ്രതീക്ഷിക്കുന്നതായും ലാല് പറഞ്ഞു.
https://www.facebook.com/Malayalivartha
