ഒരു വടക്കന്‍ വീരഗാഥയിലെ ചന്തുവായി അഭിനയിക്കാന്‍ ആദ്യം തീരുമാനിച്ചിരുന്നത് പുതുമുഖത്തെ ആയിരുന്നെന്ന് സംവിധായകന്‍ ഹരിഹരന്‍. വടക്കന്‍പാട്ട് പുതുമുഖങ്ങളെ വച്ച് ചെയ്യുന്ന കാര്യമാണ് അന്ന് ആലോചിച്ചത്. കളരി അഭ്യാസികളില്‍ നിന്നുമൊക്കെ കഴിവുള്ളവരെ തെരഞ്ഞെടുത്ത് പുതുമുഖങ്ങളെ മാത്രം വെച്ച് സിനിമയെടുക്കാനായിരുന്നു ആദ്യത്തെ തീരുമാനം. കോഴിക്കോട് വെസ്റ്റ് ഹില്ലില്‍ ടി.ബിയില്‍  ആ സമയത്ത് പുതിയ നടീനടന്മാരെ കണ്ടെത്തുന്നതിനായി ഒരു ഇന്റര്‍വ്യൂ വരെ നടത്തിയിരുന്നു. 

സ്‌ക്രിപ്റ്റ് എഴുതിക്കഴിഞ്ഞപ്പോള്‍ എം.ടിയാണ് പറഞ്ഞത്, ഇത് മമ്മൂട്ടി ചെയ്തില്ലെങ്കില്‍ ശരിയാവില്ലെന്ന്. ആ അഭിപ്രായം ശരിയാണെന്ന് ഹരിഹരനും തോന്നി. അങ്ങനെയാണ് പുതുമുഖങ്ങളെ ഉപേക്ഷിച്ച് മമ്മൂട്ടിയിലെത്തിയത്. ദേശീയതലത്തിലും അന്തര്‍ദേശീയ തലത്തിലും ശ്രദ്ധിക്കപ്പെട്ട ഒരു സിനിമയായിരുന്നു \'ഒരു വടക്കന്‍ വീരഗാഥ.\' മമ്മൂട്ടി എന്ന നടനെയും ഈ സിനിമ ഒരുപാട് പിന്തുണച്ചു. മമ്മൂട്ടി അവതരിപ്പിച്ച ചന്തുവിന്റെ വേഷം പലപ്പോഴും പലയിടങ്ങളിലും ചര്‍ച്ച ചെയ്യപ്പെട്ടിട്ടുണ്ട്.

മമ്മൂട്ടി ചന്തുവിലെത്തിയപ്പോള്‍ ബാലന്‍സ് ചെയ്യാനായി മറ്റു കഥാപാത്രങ്ങള്‍ക്കുവേണ്ടിയും അഭിനേതാക്കളെ കണ്ടെത്തുകയായിരുന്നു.

ആര്‍ട്ടിസ്റ്റുകളെ കാസ്റ്റ് ചെയ്യുന്നതില്‍ ഹരിഹരന്‍ സാറിനുള്ള കഴിവ് അപാരമാണെന്ന് മമ്മൂട്ടി എപ്പോഴും പറയാറുണ്ട്. ഒരു വടക്കന്‍ വീരഗാഥയില്‍ ഉണ്ണിയാര്‍ച്ചയായി മാധവിയെ അഭിനയിപ്പിക്കുന്നതില്‍ ആശങ്ക പ്രകടിപ്പിച്ചവരുണ്ട്. എന്നാല്‍, സിനിമ വന്നപ്പോള്‍ മമ്മൂട്ടി ഉള്‍പ്പെടെ പലരും സമ്മതിച്ച ഒരു കാര്യമായിരുന്നു. ആ ഉണ്ണിയാര്‍ച്ച വേഷം മാധവി അല്ലാതെ വേറെയാര് ചെയ്താലും ശരിയാകില്ലായിരുന്നുവെന്ന്.

അതുപോലെതന്നെ പഴശിരാജയിലെ ശരത്കുമാര്‍, മനോജ് കെ. ജയന്‍ തുടങ്ങിയവരുടെ കഥാപാത്രങ്ങളെക്കുറിച്ചും കറക്ട് കാസ്റ്റിംഗായിരുന്നുവെന്ന് മമ്മൂട്ടി സമ്മതിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha