മലയാളികളുടെ പ്രിയപ്പെട്ട താരമായ മഞ്ജു പിള്ള തനിക്കു ലഭിക്കാത്ത അവസരങ്ങളെ കുറിച്ച് തുറന്നു പറയുകയാണ്. എനിക്ക് വേഷങ്ങള്‍ കിട്ടാത്തിന് സിനിമയെ കുറ്റം പറയാന്‍ പറ്റില്ല. എന്നെത്തന്നെ കുറ്റം പറയണം. മോളുടെ ഒരു പ്രായം അതായിരുന്നു. സുജിത്തും തിരക്കായിരുന്നു. രണ്ടുപേരും ബിസിയായാല്‍ മോളെ ഒരു ആയയെ ഏല്‍പ്പിച്ച് പോകാനുള്ള താല്‍പര്യം എനിക്കില്ലായിരുന്നു. ഡേവിഡ് ആന്‍ഡ് ഗോലിയാത്തും, വെള്ളിമൂങ്ങയും ഉള്‍പ്പടെ വേണ്ടെന്ന് വെച്ചു.

ശ്രീബാല ചെയ്ത ലൗ 24*7ല്‍ ഒരു വേഷം ചെയ്തു. മൂന്ന് ദിവസത്തെ ഷൂട്ടേയുണ്ടായിരുന്നുള്ളു. അടൂര്‍ സാറിന്റെ നാല് പെണ്ണുങ്ങള്‍, എം.പി. സുകുമാരന്‍ നായര്‍ സാറിന്റെ രാമാനം, ഫറൂഖ് അബ്ദുള്‍ റഹ്മാന്റെ കളിയച്ഛന്‍ അങ്ങനെ നാലഞ്ച് സിനിമകളെ കഴിഞ്ഞ പത്തുവര്‍ഷത്തിനിടക്ക് ഞാന്‍ ചെയ്തിട്ടുള്ളൂ എന്നും മഞ്ജു പിള്ള പറഞ്ഞു.

വ്യത്യസ്തങ്ങളായ നിരവധി കഥാപാത്രങ്ങള്‍ അവതരിപ്പിച്ചിട്ടുള്ള മഞ്ജു സോഷ്യല്‍ മീഡിയകളിലും ഏറെ സജീവമാണ്. അടുത്തിടെ ഹിറ്റായ 'ഹോം' എന്ന സിനിമയില്‍ കുട്ടിയമ്മ എന്ന കഥാപാത്രത്തിലൂടെ പ്രേക്ഷകരുടെ പ്രീതി നേടാനും മഞ്ജു പിള്ളയ്ക്ക് സാധിച്ചു. ലഭിച്ച വേഷങ്ങളില്‍ മികച്ച പ്രകടനം കാഴ്ചവെച്ചിട്ടും തനിക്ക് സിനിമയില്‍ അവസരങ്ങള്‍ കുറഞ്ഞതിനുള്ള കാരണം വ്യക്തമാക്കുകയാണ് മഞ്ജു ഇപ്പോള്‍.