പ്രവാസിയുടെ പണം തട്ടാന് ശ്രമിച്ച നടി ഒളിവില്
സിനിമ സംവിധായകനാകാന് ആകാന് ആഗ്രഹിച്ച് എത്തിയ പ്രവാസിയുടെ പണം തട്ടാന് ശ്രമിച്ച മലയാളിയായ തമിഴ് നടി ഒളിവില്. കേസില് ഇവരുടെ പങ്കു വ്യക്തമായ സാഹചര്യത്തിലാണ് നടിയെ കസ്റ്റഡിയിലെടുക്കാന് പോലീസ് നീക്കം ആരംഭിച്ചത്. കൊച്ചി മുളന്തുരുത്തി സ്വദേശിയായ നടി ഏറെ കാലമായി തമിഴ്നാട്ടിലാണ് താമസം. തമിഴ്നാട്ടിലെവിടെയോ നടി ഉണ്ടെന്ന് കരുതുന്നു. മൊബൈല് ഫോണ് പിന്തുടര്ന്ന് ഇവരെ കണ്ടെത്താനാണ് ശ്രമം. അതിനായി സൈബര് സെല്ലിന്റെ സഹായം തേടുമെന്ന് കേസ് അന്വേഷിയ്ക്കുന്ന മരട് പൊലീസ് പറഞ്ഞു.
കരുനാഗപ്പള്ളി സ്വദേശിയായ യാവാവിനെ പറ്റിച്ച് ഏഴു ലക്ഷത്തോളം രൂപ കൈക്കലാക്കിയെന്നാണ് നടിക്കെതിരായ കേസ്. പ്രമുഖരായ നിര്മാതാക്കളേയും നടീ നടന്മാരേയും പരിചയപ്പെടുത്തി നല്കാമെന്നും സംവിധാനം ചെയ്യാനുള്ള അവസരം ഒരുക്കാമെന്നും പറഞ്ഞ് വിശ്വസിപ്പിച്ചായിരുന്നു നടി യുവാവുമായി ബന്ധം സ്ഥാപിച്ചത്. ഏറെ നാള് ഈ ബന്ധം തുടര്ന്നു. ഇതിനിടെയാണ് യുവാവില് നിന്നും നടി പണം തട്ടിയെടുത്തത്. തട്ടിപ്പ് മനസിലായ യുവാവ് രക്ഷപ്പെട്ട് കേരളത്തിലെത്തി.
അടുത്തിടെ നടിയെ വീണ്ടും കണ്ടുമുട്ടി. പരിചയം പുതുക്കിയ നടി യുവാവില് നിന്നും വീണ്ടും പണം തട്ടാനുള്ള ശ്രമം തുടങ്ങി. ഇതു മനസിലാക്കിയ യുവാവ് നടിയെ ഒഴിവാക്കാന് ശ്രമിച്ചു. തുടര്ന്ന് സുഹൃത്തായ ഗുണ്ടാ നേതാവ് ആലുവ എരുമത്തലക്കടവില് അംജിത്തിനെ നടി കൂട്ടുപിടിച്ചത്. അംജിത്ത് ഏര്പ്പെടുത്തിയ മറ്റൊരു യുവതി അഭി എന്ന പേരില് യുവാവിനെ ഫേസ്ബുക്കില് ബന്ധപ്പെടുകയും അടുപ്പം സ്ഥാപിക്കുകയുമായിരുന്നു. നേരിട്ട് കാണണമെന്ന് യുവതി ആവശ്യപ്പെട്ടതിനുസരിച്ച് മരടിലെ ഫ്ളാറ്റില് എത്തിയപ്പോള് ഫേസ്ബുക്കില് കണ്ട രൂപമായിരുന്നില്ല യുവതിക്ക്. തുടര്ന്ന് അവിടെ നിന്നും പോകാനൊരുങ്ങിയ യുവാവിനെ അംജിത്ത് തടഞ്ഞു നിര്ത്തി മര്ദ്ദിക്കുകയായിരുന്നു. ബഹളം കേട്ട് എത്തിയവരോട് സഹോദരിയെ അപമാനിക്കാന് ശ്രമിച്ചതിനാണ് മര്ദിക്കുന്നതെന്നാണ് അംജിത്ത് പറഞ്ഞത്.
മരട് പോലീസ് എത്തിയതോടെ അംജിത്തും യുവതിയും മുങ്ങി. യുവാവിനെ പോലീസ് കസ്റ്റഡിയിലെടുക്കുകയും ചെയ്തു. ഈ സമയം നടി ഐജി പത്മകുമാറിന്റെ ഓഫീസിലെത്തി തന്നെ പീഡിപ്പിക്കാന് ശ്രമിച്ചയാള് മരട് പോലീസിന്റെ പിടിയിലായിട്ടുണ്ടെന്ന് പറഞ്ഞു. യുവാവിനെ വിശദമായി ചോദ്യം ചെയ്തതില് നിന്നാണ് സംഭവത്തിന്റെ യഥാര്ത്ഥ കഥ പോലീസിനു പിടികിട്ടിയത്. തുടര്ന്ന് കഴിഞ്ഞ ദിവസം അംജിത്തിനെ അറസ്റ്റു ചെയ്തു. അംജിത്ത് ഏര്പ്പെടുത്തിയ യുവതിയെക്കുറിച്ച് വ്യക്തമായ സൂചന ലഭിച്ചിട്ടില്ലെന്നാണ് പോലീസ് പറയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha