മമ്മൂട്ടിയില്‍ നിന്ന് താന്‍ അവഗണന നേരിട്ടിട്ടുണ്ടെന്ന് നടനും സംവിധായകനുമായ ബാലചന്ദ്രമേനോന്‍. പക്ഷേ അത് അവഗണനയല്ലായിരുന്നു. താന്‍ അങ്ങനെ ചിന്തിച്ചതിന് കാരണക്കാരന്‍ മമ്മൂട്ടി തന്നെയാണെന്നും ബാലന്ദ്രമേനോന്‍ പറഞ്ഞു.
ഞാന്‍ സംവിധാനം ചെയ്യും എന്ന തന്റെ പുതിയ സിനിമയുടെ പാട്ടുകള്‍ റിലീസ് ചെയ്യുന്ന ചടങ്ങിലാണ് മമ്മൂട്ടിയെ വേദിയിലുത്തി ബാലചന്ദ്രമേനോന്‍ ഇക്കാര്യം പറഞ്ഞത്. മമ്മൂട്ടിയായിരുന്നു സിഡി റീലിസ് ചടങ്ങിലെ മുഖ്യഅതിഥി.
പണ്ട് നിര്‍മ്മാണ സംരംഭമൊക്കെ തുടങ്ങി പൊളിഞ്ഞുനില്‍ക്കുന്ന കാലം. ഇതിനെ മറികടക്കാന്‍ എന്താണ് മാര്‍ഗ്ഗമെന്ന് ആലോചിച്ചിരിക്കുമ്പോഴാണ് മമ്മൂട്ടിയുടെ ഒരു ഡെയറ്റുണ്ടെങ്കില്‍ ഞാന്‍ പടം ചെയ്യാമെന്ന് പറഞ്ഞ് ഒരു നിര്‍മ്മാതാവ് വന്നത്. ജീവിതത്തിലിന്നേവരെ ഒരാളോടും അങ്ങോട്ട് പോയി ഡെയ്റ്റ് വാങ്ങി ശീലമില്ലാത്തതിനാല്‍ ചെറിയൊരു വിഷമത്തോടെ ഞാന്‍ മമ്മൂട്ടിയോട് കാര്യം പറഞ്ഞു. അങ്ങനെ ഒരുദിവസം മമ്മൂട്ടി ഹോട്ടല്‍ പങ്കജിലുണ്ടന്ന് പറഞ്ഞ് ഞാന്‍ അങ്ങോട്ട് പോയി. മേനോന് ഞാന്‍ ഡെയ്റ്റ് തരാം എന്ന് മമ്മൂട്ടി അപ്പോള്‍ തന്നെ പറഞ്ഞു. ഹോട്ടല്‍ പങ്കജില്‍ വച്ചായിരുന്നു ആ വാഗ്ദാനം. എന്നാല്‍ നാളുകളേറെ കഴിഞ്ഞിട്ടും ഒരു പ്രതികരണവും മമ്മൂട്ടിയുടെ ഭാഗത്ത് നിന്നുണ്ടായില്ല. അദ്ദേഹം പലതവണ പിന്നീടും പങ്കജ് ഹോട്ടലില്‍ വന്നും പോയുമിരുന്നതായി ഞാന്‍ അറിഞ്ഞു. അവസാനമായി ഒരുദിവസം ഞാന്‍ അദ്ദേഹത്തെ വിളിച്ചു. ഇത് വല്ല കളിപ്പിക്കലുമാണോ. അങ്ങനെയാണെങ്കില്‍ ഞാന്‍ കാത്തിരിക്കുന്നില്ല. ഒഴിവാക്കിക്കോളാം എന്ന് പറഞ്ഞപ്പോള്‍ അദ്ദേഹം വീണ്ടും ആവര്‍ത്തിച്ചു. ഇല്ലമേനോന്‍ ഞാന്‍ അഭിനയിക്കും എന്ന്. കുറച്ചുനാളുകള്‍ കൂടി കഴിഞ്ഞപ്പോള്‍ മമ്മൂട്ടി ഒരുദിവസം വിളിക്കുന്നു. അഭിനയിക്കാന്‍ തയാറായി. അങ്ങനെയാണ് നയം മനോഹര ചിത്രം ഉണ്ടാകുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha