ജൂൺ ഒമ്പതിനായിരുന്നു ഏറെക്കാലത്തെ പ്രണയത്തിനൊടുവില്‍ വിഘ്‍നേശ് ശിവനും നയൻതാരയും വിവാഹിതരായത് . മഹാബലിപുരം ഷെറാട്ടണ്‍ ഗ്രാന്‍ഡ് ഹോട്ടലില്‍ വച്ചായിരുന്നു വിവാഹം. താരങ്ങള്‍ ഉള്‍പ്പടെയുള്ള സുഹൃത്തുക്കളുടെയും അടുത്ത ബന്ധുക്കളുടെയും സാന്നിദ്ധ്യത്തിലായിരുന്നു വിവാഹം. വിവാഹശേഷമുള്ള ഇരുവരുടെയും ചിത്രങ്ങൾ ഇപ്പോൾ വൈറലായി മാറുകയാണ്. എന്നാൽ വിവാഹത്തോടെ തന്റെ കരിയറിലും വലിയൊരു മാറ്റംവരുത്താനൊരുങ്ങുകയാണ് ലേഡി സൂപ്പർസ്റ്റാറെന്നാണ് ഇപ്പോൾ പുറത്തുവരുന്ന റിപ്പോർട്ടുകൾ.

അതായത് സഹനടന്മാരുമായുള്ള ഇന്റിമേറ്റ് രംഗങ്ങൾ അവതരിപ്പിക്കുന്നതിൽ നിന്ന് താരം വിട്ടുനിൽക്കാൻ തീരുമാനിച്ചു കഴിഞ്ഞു. നയൻതാര തന്റെ അഭിനയ ജീവിതത്തിൽ നിന്ന് ഇടവേള എടുത്ത് ഭർത്താവിനൊപ്പം കൂടുതൽ മികച്ച സമയം ചെലവഴിക്കുമെന്നും സ്ഥിരീകരിക്കാത്ത റിപ്പോർട്ടുകളുണ്ട്. പുറത്തുവരുന്ന റിപ്പോർട്ടുകളിൽ സത്യമുണ്ടോയെന്നറിയാനായി നയൻതാരയുടെ പ്രതികരണത്തിനായി കാത്തിരിക്കുകയാണ് ആരാധകർ. എന്തായാലും ഉടൻ തന്നെ താരത്തിന്റെ പ്രതികരണം ഉണ്ടാകും. അതേസമയം ഇപ്പോൾ താര ദമ്പതികൾ കേരളത്തിലാണ്.