കഴിഞ്ഞ ദിവസമാണ് നയൻതാരയും വിക്കിയും കേരളത്തിൽ എത്തിയത്. നയൻതാരയുടെ കുടുംബത്തോടൊപ്പം ചിലവഴിക്കാനായിരുന്നു താരങ്ങൾ എത്തിയത്. ഇപ്പോഴിതാ ഇരുവരുടെയും ചിത്രങ്ങൾ വൈറലാകുകയാണ്. കൊച്ചിയിലെ തങ്ങളുടെ പ്രിയ രുചി തേടിയുള്ള ഇരുവരുടെയും യാത്രയാണ് സോഷ്യൽ മീഡിയയിൽ ചർച്ചയായിരിക്കുന്നത്. കഴിഞ്ഞ ദിവസം രാത്രിയാണ് ഇരുവരും പനമ്പിള്ളി നഗറിലെ മന്ന റെസ്റ്റോന്റിലെത്തിയത്. ഇഷ്ടതാരങ്ങളുടെ വരവിന്റെ സന്തോഷം റെസ്റ്റോറന്റ് ഉടമകൾ തന്നെയാണ് സമൂഹ മാധ്യമങ്ങളിലൂടെ പങ്കുവെച്ചത്.

നേരത്തെ നയന്‍താരയുടെ കൊച്ചിയിലെ ഫ്ലാറ്റിലേക്ക് ഇവിടെ നിന്ന് ഭക്ഷണം ഓര്‍ഡ‍ര്‍ ചെയ്തിരുന്നു. ഇടയ്ക്കിടയ്ക്ക് ഓർഡറുകളും വന്നിരുന്നു. ഇതിന് ശേഷമാണ് കഴിഞ്ഞ ദിവസം ഇവർ മന്നയിലെത്തിയത്. മന്നയിലെ സ്പെഷ്യൽ ചിക്കൻ കൊണ്ടാട്ടം, പൊറോട്ടയും ചിക്കൻ റോസ്റ്റും, നെയ്പ്പത്തിരി, മടക്ക് ചപ്പാത്തി, കല്ലുമ്മക്കായ് നിറച്ചത്,ബീഫ് നാടൻ ഫ്രൈ, നെയ്മീൻ മുളകിട്ടത്, പ്രൊൺസ് & നെയ്മീൻ തവ ഫ്രൈ, മന്ന സ്പെഷ്യൽ മുഹബത്ത് ടീ തുടങ്ങിയ ഭക്ഷണ വിഭവങ്ങളാണ് നയൻതാരയും വിഘ്‌നേഷും ഓർഡർ ചെയ്തത്. താരത്തിന്റെ അമ്മയും ഒപ്പമുണ്ടായിരുന്നു.