പ്രേഷകരുടെ സ്വന്തം ഫഹദ് ഫാസിലിന് ഇന്ന് പിറന്നാളാണ്. ആശംസകളുമായി പ്രിയപ്പെട്ടവരും ആരാധകരും ഒത്ത് കൂടുകയാണ് സോഷ്യൽ മീഡിയ പ്ലാറ്റ്ഫോമുകളിൽ. ഇപ്പോൾ ഇതാ ഇൻസ്റ്റഗ്രാമിൽ ഫഹദുമായി കേക്ക് മുറിക്കുന്ന ചിത്രങ്ങൾ പങ്കു വച്ചിരിക്കുകയാണ് നസ്രിയ നസീം. മാത്രമല്ല പിറന്നാൾ ദിനത്തിൽ തന്റെ പ്രിയപ്പെട്ടവനെ കുറിച്ച് താരം പങ്കു വച്ചിരിക്കുന്ന വാക്കുകൾ വളരെ ശ്രദ്ധേയമാണ്.

ആ വാക്കുകൾ ഇങ്ങനെ '' എന്റെ ഭർത്താവിന് ജന്മദിനാശംസകൾ.... പ്രായം വർധിക്കുന്നുവെങ്കിലും നല്ല വീഞ്ഞ് പോലെ മികച്ചതായി മാറുകയാണ്.... മികച്ചത് ഇനിയും വരാനിരിക്കുന്നതേയുള്ളൂ....'' എന്നാണ് നസ്രിയ പറഞ്ഞിരിക്കുന്നത്. ആരാധകരും ആശംസകൾ അറിയിച്ച് രംഗത്ത് വന്നിരിക്കുകയാണ്.

അതേസമയം ഫഹദ് ഫാസിലിന് ജന്മദിനാശംസകളുമായി ദുൽഖർ സൽമാൻ രംഗത്ത്. ഫേസ്ബുക് പോസ്റ്റിലൂടെയാണ് താരം പിറന്നാൾ ആശമാസകളുമായി എത്തിയത്. മലയാള ചലച്ചിത്ര മേഖലയിൽ തന്നെ ഏവരുടെയും ശ്രദ്ധ നേടിയ കൂട്ടുകെട്ടാണ് ഫഹദ്- നസ്രിയയും ദുൽഖർ- അമാനും. ഇവരുടെ ചിത്രങ്ങളും ആരാധകർ ഏറ്റെടുത്തിരുന്നു. ഫഹദിനും നസ്രിയക്കും കൂടുതൽ യാത്രകളും സ്വപ്നങ്ങളും ആഗ്രഹിക്കുന്നത് പോലെ സംഭവിക്കട്ടെ എന്നാണ് ദുൽഖറിന്റെ പിറന്നാൾ കുറിപ്പ്.

'ഷാനുവിന് ജന്മദിനാശംസകൾ, നിങ്ങൾക്ക് കൂടുതൽ ഉയരങ്ങൾ താണ്ടാൻ സാധിക്കട്ടെ, നിങ്ങൾക്കും നാച്ചുവിനും കൂടുതൽ യാത്രകളും സ്വപ്നങ്ങളും നിറവേറ്റാൻ സാധിക്കട്ടെ എന്ന് ആശംസിക്കുന്നു' ദുൽഖർ കുറിച്ചു. ദുൽഖറിന്റെ പോസ്റ്റിനു പിന്നാലെ ഫഹദിന് ആശംസകളുമായി നിരവധി പ്രതികരണങ്ങളും എത്തുന്നുണ്ട്.