ഡോ. റോബിൻ രാധാകൃഷ്ണൻ പുതിയ തലങ്ങൾ തേടിയുള്ള യാത്രയിലാണ് ഇപ്പോൾ. സിനിമയിലെ നായകനായി അരങ്ങേറിയിരിക്കുകയാണ് താരം. അതുമായി ബന്ധപ്പെട്ടുള്ള ഒരു യാത്രയിലാണ് റോബിൻ ഇപ്പോൾ ഉള്ളതെന്നാണ് നിഗമനം. കഴിഞ്ഞ ദിവസം അതിന്റെ ചിത്രങ്ങൾ സോഷ്യൽ മീഡിയയിൽ പങ്കു വച്ചിരുന്നു. ആദ്യ സിനിമ ചെയ്യും മുമ്പ് താനൊരു ആക്ടിങ് വർക്ക് ഷോപ്പിൽ പങ്കെടുക്കുമെന്ന് നേരത്തെ തന്നെ റോബിൻ പറഞ്ഞിരുന്നു. ആ യാത്രയിലാണോ താരമെന്നും സംശയം വർധിക്കുകയാണ്.

റോബിന്റെ പുതിയ ചുവടുവെപ്പിന് ആശംസകൾ നേർ‌ന്ന് നടിയും മോഡലും റോബിന്റെ സുഹൃത്തുമായ ആരതി പൊടി പങ്കുവെച്ച കുറിപ്പും വൈറലായിരുന്നു. 'നീ നിന്റെ ജീവിതത്തിലെ പുതിയൊരു യാത്രയിലേക്ക് കാലെടുത്ത് വെച്ചിരിക്കുകയാണ്. ഫോക്കസ് ചെയ്ത് കഠിനാധ്വാനം ചെയ്യുക.'

'ശേഷം നിന്റെ കഴിവ് ലോകത്തിന് കാണിച്ചുകൊടുക്കുക. നിന്റെ അഭിനയ ജീവിത്തതിന് എല്ലാവിധ ആശംസകളുമെന്നാണ്' ആരതി റോബിന് ആശംസകൾ നേർന്ന് കുറിച്ചത്. ഒപ്പം എവിടയോ യാത്ര പോകാനായി ലെഗേജുമായി നിൽക്കുന്ന റോബിന്റെ ചിത്രവും ആരതി പങ്കുവെച്ചിരുന്നു. ഈ ചിത്രം റോബിനും റീപോസ്റ്റ് ചെയ്തിരുന്നു.

അതേസമയം 'സിനിമ വേറൊരു തട്ടകമാണ്. കഴിവും നിരന്തര പരിശ്രമവും ഉള്ളവർ ഉയർന്ന് വരിക തന്നെ ചെയ്യും. ന്യൂജെൻ എന്നത് എല്ലാ ഘട്ടത്തിലും ഉണ്ടായി കൊണ്ടിരിക്കും. തീർച്ചയായും പുതുതലമുറയെ പ്രോത്സാഹിപ്പിച്ചും കണ്ടെത്തിയും മാത്രമെ വിനോദ വ്യവസായത്തിന് മുമ്പോട്ട് പോകാനാവൂ' എന്നാണ് റോബിന്റെ സിനിമയെ കുറിച്ച് നിർമാതാവ് സന്തോഷ്.ടി. കുരുവിള പറഞ്ഞത്. മഹേഷിന്റെ പ്രതികാരം, നാരദൻ, ആൻഡ്രോയ്ഡ് കുഞ്ഞപ്പൻ, ആർക്കറിയാം, ന്നാ താൻ കേസ് കൊട് എന്നീ സിനിമകളുടെ നിർമാതാവാണ് സന്തോഷ്.ടി. കുരുവിള.