സംഗീത സംവിധായകന് ആര്. സോമശേഖരന് അന്തരിച്ചു.... ഇന്ന് പുലര്ച്ചെയായിരുന്നു അന്ത്യം, സംസ്കാരം വൈകുന്നേരം തിരുവനന്തപുരം തൈക്കാട് ശാന്തികവാടത്തില്
സംഗീത സംവിധായകന് ആര്. സോമശേഖരന് (77) അന്തരിച്ചു. ഇന്ന് പുലര്ച്ചെ 5:15ന് തിരുവനന്തപുരം ശ്രീരാമകൃഷ്ണ മിഷന് ഹോസ്പിറ്റലില് ആയിരുന്നു അന്ത്യം..
പല കാലഘട്ടങ്ങളിലായി എട്ടുചിത്രങ്ങള്ക്ക് അദ്ദേഹം ഈണം പകര്ന്നിട്ടുണ്ട്. 1989 ല് പുറത്തിറങ്ങിയ ജാതകം എന്ന ചിത്രത്തിലെ 'പുളിയലക്കരയോളം പുടവചുറ്റി' എന്ന ഗാനം ഏറെ ജനപ്രിയമായി.
1992 ല് ആര്ദ്രം എന്ന ചിത്രത്തിലെ ഗാനങ്ങള്ക്ക് ഈണമിട്ട അദ്ദേഹം പിന്നീട് പതിനൊന്നുവര്ഷത്തിന് ശേഷമാണ് 2003 ല് വേനല്ക്കാലം എന്ന ചിത്രത്തിലൂടെ മടങ്ങിയെത്തിയത്. 2019 ല് മിസ്റ്റര് പവനായി എന്ന ചിത്രത്തിലാണ് അവസാനമായി സംഗീതം പകര്ന്നത്
ഇതും ഒരു ജീവിതം എന്ന ചിത്രത്തിലൂടെയാണ് സോമശേഖരന് സിനിമയിലെത്തുന്നത്. ആര്ദ്രം, വേനല്ക്കാലം, ബ്രഹ്മാസ്ത്രം, മിസ്റ്റര് പവനായി 99.99, അയാള്, ഈ അഭയതീരം തുടങ്ങിയവയാണ് മറ്റു ചിത്രങ്ങള്.
തിരുവനന്തപുരം കാഞ്ഞിരംപാറ കൈരളി നഗര് 'സൗപര്ണിക'യില് ആയിരുന്നു താമസിച്ചു വന്നത്. പരേതരായ ഭാരതി അമ്മയുടേയും പരമേശ്വരന് ഉണ്ണിത്താന്റേയും മകനാണ്.
ഭാര്യ: ജയമണി. മക്കള്: ജയശേഖര്, ജയശ്രീ, ജയദേവ്. മരുമക്കള്: അഡ്വ. സുധീന്ദ്രന്, മീര. സംവിധായകന് സുരേഷ് ഉണ്ണിത്താന് ഇളയ സഹോദരനാണ്. സംസ്കാരം വൈകുന്നേരം തിരുവനന്തപുരം തൈക്കാട് ശാന്തികവാടത്തില് നടക്കും.
"
https://www.facebook.com/Malayalivartha
