സൗഭാ​ഗ്യയും താര കല്യാണും സോഷ്യൽമീഡിയകളിലും യുട്യൂബിലും സജീവമാണ്. ഇരുവരും തങ്ങളുടെ വിശേഷങ്ങൾ ആരാധകരെ അറിയിക്കുന്നത് യുട്യൂബ് ചാനൽ വഴിയാണ്. ഇപ്പോഴിത താര കല്യാൺ പങ്കുവെച്ച പുതിയ വീഡിയോയാണ് വൈറലാകുന്നത്. മകൾ സൗഭാ​ഗ്യയെ ഒരു ആ​ഗ്രഹത്തിന്റെ പുറത്ത് തന്റെ വിവാഹ ഫോട്ടോയിലേത് പോലെ അണിയിച്ചൊരുക്കിയിരിക്കുകയാണ് താര കല്യാൺ.  'എന്റെ വിവാഹ ഫോട്ടോയിലെ എന്നെപ്പോലെ സൗഭാ​ഗ്യയെ ഒന്ന് ഒരുക്കിയെടുത്ത് ചിത്രങ്ങൾ റിക്രിയേറ്റ് ചെയ്യണമെന്ന് ആ​ഗ്രഹം തോന്നിയിരുന്നു. അതിന്റെ പേരിലാണ് ഇപ്പോൾ വീഡിയോ ചെയ്യുന്നത്.' 'അന്ന് ഞാൻ ധരിച്ച ആഭരണങ്ങളോടും സാരിയോടും സാദൃശ്യമുള്ള കാര്യങ്ങൾ ഞാൻ സംഘടിപ്പിച്ച് വെച്ചിട്ടുണ്ട്. അന്ന് ഞാൻ സെറ്റ് സാരിയായിരുന്നു ധരിച്ചിരുന്നത്.' 'ഏകദേശം സാദൃശ്യം പുലർത്തുന്ന തരത്തിൽ സാധനങ്ങൾ സംഘടിപ്പിച്ചിട്ടുണ്ട്. എന്റെ മകളിൽ എന്റെ വിവാഹ ലുക്ക് റിക്രിയേറ്റ് ചെയ്താൽ അവൾ എന്നെക്കാൾ സുന്ദരിയായിരിക്കും.' 'ഞാൻ പറഞ്ഞത് പോലെ തന്നെ ഒരുങ്ങിയപ്പോഴേക്കും സൗഭാ​ഗ്യ എന്നേക്കാൾ സുന്ദരിയാണ്. എന്റെ പഴയ ഫോട്ടോയും ഒരുങ്ങിയ സൗഭാ​ഗ്യയേയും നോക്കുമ്പോൾ ഒരുപോലെയുണ്ട്. എന്റെ വിവാഹ ലുക്ക് സൗഭാ​ഗ്യയിൽ റിക്രിയേറ്റ് ചെയ്തത് എനിക്ക് ഒരുപാട് ഇഷ്ടമായി.' 'വിവാഹ ചിത്രം എനിക്കെപ്പോഴും ഒരു നല്ല ഓർമയാണ് താര കല്യാൺ പറഞ്ഞു. വീഡിയോ നിമിഷ നേരം കൊണ്ട് വൈറലായി. സൗഭാ​ഗ്യയെ കാണാൻ താര കല്യാണിന്റെ നല്ല ഛായയുണ്ടെന്നാണ് വീഡിയോ കണ്ടവരെല്ലാം അഭിപ്രായപ്പെട്ടത്. 'ശരിക്കും അമ്മയെ പോലെ തന്നെയുണ്ട് സൗഭാ​ഗ്യ. ഓർമ്മകൾ ഒരിക്കലും മായുന്നില്ല.' 'അമ്മയുടെ ആഗ്രഹമൊക്കെ മകളിലൂടെ സാധിക്കുന്നു. അമ്മയുടെ മുഖത്തെ സന്തോഷം കാണാൻ നല്ല രസം, അന്നും ഇന്നും താര ചേച്ചി അതേപോലെ തന്നെ, അമ്മയുടെ സന്തോഷത്തിനും മോളും മോളുടെ സന്തോഷത്തിനും അമ്മയും, പൂര്‍ണ ആരോഗ്യവതിയായി അടുത്ത വീഡിയോയില്‍ തിരിച്ച് വരണേ, എപ്പോഴും സന്തോഷത്തോടെ ഇങ്ങനെ കഴിയാനാവട്ടെ, കണ്ണും മനസും നിറച്ച വീഡിയോ' എന്നൊക്കെയുള്ള കമന്റുകളാണ് വരുന്നത്. സൗഭാഗ്യയുടെ ഒരു സൈഡ് ഡാഡിയെപ്പോലെയും മറ്റേത് അമ്മയെപ്പോലെയാണെന്നും താര കല്യാൺ പറയുന്നുണ്ട്. അതേസമയം താര കല്യാണിപ്പോൾ തൊണ്ടയ്ക്ക് സർജറി കഴിഞ്ഞ് വിശ്രമത്തിലാണ്.