നമ്മള്‍ എന്ന ചിത്രത്തിലൂടെ ശ്രദ്ധ നേടിയ അഭിനേത്രിയാണ് രേണുക മേനോന്‍. കമലൊരുക്കിയ ക്യാംപസ് ചിത്രത്തിലൂടെ നിരവധി പുതുമുഖങ്ങളായിരുന്നു അഭിനയ രംഗത്ത് അരങ്ങേറിയത്. എന്‍ കരളില്‍ താമസിച്ചാല്‍ എന്ന ഗാനത്തെക്കുറിച്ച് പറഞ്ഞും താരത്തെ വിശേഷിപ്പിക്കാറുണ്ട്. വിവാഹ ശേഷം അമേരിക്കയിലേക്ക് ചേക്കേറിയ താരം അഭിനയത്തോട് ബൈ പറയുകയായിരുന്നു. സിനിമയില്‍ സജീവമല്ലെങ്കിലും സോഷ്യല്‍ മീഡിയയില്‍ ഇപ്പോഴും സജീവമാണ് രേണുക. തന്റെയും കുടുംബത്തിന്റേയും വിശേഷങ്ങള്‍ രേണുക സോഷ്യല്‍ മീഡിയ വഴി ആരാധകരുമായി പങ്കുവെക്കാറുണ്ട്. രേണുക പങ്കുവച്ച കുടുംബസമേതമുള്ള ചിത്രങ്ങള്‍ സോഷ്യല്‍ മീഡിയയുടെ ശ്രദ്ധ നേടുകയാണ് ഇപ്പോള്‍.

അതേസമയം നല്ലൊരു നര്‍ത്തകി കൂടിയായ രേണുക നൃത്തവിദ്യാലയവുമായി സജീവമാണ് ഇപ്പോള്‍. കാലിഫോര്‍ണിയയിലാണ് താമസമെങ്കിലും മക്കളെ മലയാളം പഠിപ്പിക്കുന്ന കാര്യത്തില്‍ ശ്രദ്ധിച്ചിരുന്ന താരവും ഭര്‍ത്താവും. അതിനായി വീട്ടില്‍ മലയാളം സംസാരിക്കണമെന്നത് നിര്‍ബന്ധമാക്കുകയായിരുന്നു രേണുകയും സൂരജും ചെയ്തത്. സ്വാതിയും അനികയുമാണ് രേണുകയുടെ മക്കള്‍. എന്നാല്‍ തങ്ങളുടെ അമ്മ അഭിനേത്രിയായിരുന്ന കാര്യമൊന്നും മക്കള്‍ക്ക് അറിയില്ലായിരുന്നുവെന്ന് മുന്‍പ് ഒരിക്കല്‍ രേണുക പറഞ്ഞിരുന്നു. താമസം വിദേശത്ത് ആണെങ്കിലും മനസുകൊണ്ട് ഞങ്ങളിപ്പോഴും നാട്ടിന്‍പുറത്തുകാരാണെന്നും രേണുകയും ഭര്‍ത്താവും നേരത്തെ പറഞ്ഞിരുന്നു. മായാ മോഹിതചന്ദ്രന്‍ എന്ന ചിത്രത്തിലാണ് രേണുക മേനോന്‍ ആദ്യമായി ക്യാമറയ്ക്ക് മുന്നിലെത്തുന്നത്. പക്ഷെ നിര്‍ഭാഗ്യവശാല്‍ ആ സിനിമ റിലീസായില്ല. പിന്നാലെയായിരുന്നു നമ്മള്‍ എന്ന സിനിമ രേണുകയെ തേടിയെത്തുന്നത്. നിര്‍മ്മാതാവും സംവിധായകനുമൊക്കെ സിനിമയെക്കുറിച്ച് പറഞ്ഞ് തന്നതിന് ശേഷമായാണ് രേണുക അഭിനയിച്ചത്. അതിന് ശേഷമായി നിരവധി അവസരങ്ങള്‍ ലഭിച്ചുവെങ്കിലും രേണുക അധികകാലം സജീവമായി തുടര്‍ന്നില്ല. വിദേശത്ത് പോയി പഠിക്കണമെന്നത് നേരത്തെ തന്നെയുണ്ടായിരുന്ന ആഗ്രഹമായിരുന്നു. ഇതിനിടെ വീട്ടുകാര്‍ വിവാഹാലോചന നടത്തി. സൂരജ് വര്‍ഷങ്ങളായി കാലിഫോര്‍ണിയയിലായിരുന്നു. ഇതോടെ രേണുകയും വിദേശത്ത് പോവുകയായിരുന്നു.