മലയാളികളുടെ എക്കാലത്തേയും പ്രിയനായികമാരെക്കുറിച്ച് പറയുമ്പോള്‍ ആദ്യം വരുന്ന പേരുകളിലൊന്നാണ് മഞ്ജു വാര്യരുടേത്. വ്യത്യസ്തവും ശബ്തവുമായ സ്ത്രീ കഥാപാത്രങ്ങളിലൂടെ മലയാള സിനിമയിൽ നിറഞ്ഞു നിൽക്കുന്ന താരമാണ് മഞ്ജു. നടൻ ദിലീപുമായുള്ള വിവാഹത്തിന് ശേഷം മഞ്ജു വാര്യർ ഏറെക്കാലം സിനിമയിൽ നിന്നും മാറിനിന്നു. നല്ലൊരു നർത്തകിയായ മഞ്ജുവിനെ നൃത്ത വേദികളിൽ പോലും ആ കാലത്ത് ആരും കണ്ടിട്ടില്ല. പിന്നീട് ദിലീപുമായുള്ള വിവാഹമോചനത്തിനുശേഷമാണ് മഞ്ജു വാര്യർ വീണ്ടും മലയാള സിനിമയിലേക്ക് ശക്തമായ തിരിച്ചുവരവ് നടത്തി. പിന്നാലെ ആരാധകർ ഇരു കയ്യും നീട്ടി ഏറ്റെടുക്കുകയായിരുന്നു. ഇപ്പോഴിതാ മഞ്ജു പരിപാടിയിൽ പറഞ്ഞ മറ്റു ചില വാക്കുകളാണ് ആരാധകരുടെ ശ്രദ്ധനേടുന്നത്. മറവി തനിക്ക് ചില സമയങ്ങളിൽ അനുഗ്രഹമായി മാറിയിട്ടുണ്ട് എന്നാണ് മഞ്ജു പറഞ്ഞത്. ചില കാര്യങ്ങൾ നല്ല ഓർമയുണ്ടാകും ചില കാര്യങ്ങൾ മറന്നു പോകും. കാര്യങ്ങൾ ഓർത്ത് അവ ഓർമയിൽ സൂക്ഷിച്ച് അതിൽ കടിച്ചു തൂങ്ങി നിൽക്കുന്ന സ്വഭാവമില്ല. അത് പലപ്പോഴും നല്ലതുമാണ് ചീത്തയുമാണ്. മഞ്ജു പറഞ്ഞു. മറവി ഒരു അനുഗ്രഹമായിട്ട് മഞ്ജുവിന് തോന്നിയിട്ടുണ്ടോ എന്ന് അവതാരകൻ ചോദിക്കുമ്പോൾ അതെ എന്നാണ് നടി മറുപടി നൽകുന്നത്. ചിലപ്പോൾ അത് പോസിറ്റീവായിട്ടാണ് തോന്നാറുള്ളതെന്നും മഞ്ജു പറഞ്ഞു.

'ചിലപ്പോൾ ചില ആവശ്യമുള്ള കാര്യങ്ങൾ പോലും എനിക്ക് ഓർത്തുവയ്ക്കാൻ കഴിയാറില്ല. സിനിമയിൽ തന്നെ സത്യേട്ടനും ഇന്നസെന്റ് ചേട്ടനുമൊക്കെ പഴയ കാര്യങ്ങൾ ഓർത്തെടുത്ത് പറയുന്നത് പോലെ എനിക്ക് പറയാൻ കഴിയില്ല. ചില അവസരങ്ങളിൽ അവരെ പോലെ ഓരോന്നും ഓർത്തെടുത്ത് എ അവതരിപ്പിക്കാനുള്ള കഴിവ് എനിക്ക് ഉണ്ടായിരുന്നെങ്കിലോ എന്നൊക്കെ ഞാൻ ആഗ്രഹിച്ചിട്ടുണ്ട്,' മഞ്ജു കൂട്ടിച്ചേർത്തു.