ബഡായി ആര്യ എന്ന പേരിലാണ് നടിയും അവതാരകയുമായ ആര്യ അറിയപ്പെടുന്നത്. ബിഗ് ബോസ് മലയാളത്തിന്റെ രണ്ടാം സീസണില്‍ മത്സരാര്‍ഥിയായി എത്തിയതിന് പിന്നാലെ ആര്യയ്ക്ക് ചില വിമര്‍ശനങ്ങള്‍ നേരിടേണ്ടതായി വന്നിരുന്നു. അതിന് മുന്‍പ് വിവാഹമോചിതയായ ആര്യ ആദ്യ ഭര്‍ത്താവിനെ കുറിച്ച് പലപ്പോഴും തുറന്ന് സംസാരിച്ചിട്ടുണ്ട്. ഇപ്പോഴും മുന്‍ഭര്‍ത്താവുമായി അടുപ്പം കാത്തുസൂക്ഷിക്കുന്നുണ്ടെന്നാണ് ആര്യ പറയുന്നത്. എന്നാൽ വിവാഹ മോചിതയായ തന്റെ ജീവിതത്തിലേക്ക് എത്തിയ പ്രണയത്തെ കുറിച്ച് ആര്യ ബിഗ് ബോസ് ഷോയ്ക്ക് ഇടയിൽ തുറന്ന് പറഞ്ഞിരുന്നു. ജാൻ എന്ന പേരിലാണ് ആര്യ തന്റെ പ്രണയിതാവിനെ പരിചയപ്പെടുത്തിയത്. പിന്നീട് ബി​ഗ് ബോസിൽ നിന്നും വന്നശേഷം ആ ബന്ധം പിരിഞ്ഞുവെന്നും ഏറെനാൾ താൻ ഡിപ്രഷനിലായിരുന്നുവെന്നും താരം തന്നെ തുറന്ന് പറഞ്ഞിരുന്നു. ഇപ്പോഴിതാ തകർന്നുപോയ തന്റെ പ്രണയത്തെ കുറിച്ച് എവിടേയും വെളിപ്പെടുത്താത്ത ചില കാര്യങ്ങൾ തുറന്ന് പറഞ്ഞിരിക്കുകയാണ് ഇപ്പോൾ ആര്യ.  'ഞാൻ അയാളെ വിശ്വസിച്ചതാണ് എനിക്ക് പറ്റിയ തെറ്റ്. അതുകൊണ്ടാണ് ഞാൻ അയാളെ കുറിച്ച് ബി​ഗ് ബോസ് പോലെ വലിയൊരു ഷോയിൽ വന്ന് സംസാരിച്ചത്. ഞങ്ങൾ ഒരുമിച്ച് ജീവിക്കുമെന്ന തോന്നലുണ്ടായിരുന്നു എനിക്ക്.' അയാളും ഒരു ഹോപ്പ് തന്നിരുന്നു. അയാളാണ് എന്നെ എയർപോർട്ട് വരെ കൊണ്ടുവിട്ടത്. അന്ന് അവിടെ വെച്ച് അയാൾ എന്നോട് പറഞ്ഞ ഒരു കാര്യത്തിന്റെ അർഥം പിന്നീടാണ് എനിക്ക് മനസിലായത്. നീ അവിടെ പോയി ഈ റിലേഷനെ കുറിച്ച് പറയുന്നുണ്ടോയെന്ന് അയാൾ എന്നോട് ചോദിച്ചിരുന്നു.' 'അത്തരമൊരു സാഹചര്യമുണ്ടായാൽ ചിലപ്പോൾ പറയുമായിരിക്കും എന്നാണ് അന്ന് അയാൾക്ക് ഞാൻ മറുപടി നൽകിയത്. അപ്പോൾ അയാൾ എന്നോട് പറഞ്ഞു... പറയുന്നതിന് മുമ്പ് ചിന്തിക്കണമെന്ന്.... അന്ന് അയാൾ പറഞ്ഞ ആ വാക്കുകൾ ചെറുതായി വിഷമിപ്പിച്ചെങ്കിലും കാര്യമാക്കിയില്ല.' 'അയാൾ അപ്പോൾ തന്നെ എന്നെ ഒഴിവാക്കാനുള്ള ശ്രമങ്ങൾ തുടങ്ങിയിരുന്നുവെന്ന് പിന്നീട് ഞാൻ തിരിച്ചറിഞ്ഞു. മാത്രമല്ല എന്റെ പേര് പരസ്യപ്പെടുത്തരുതെന്നും അയാൾ എന്നോട് പറഞ്ഞിരുന്നു. എന്നെ ബി​ഗ് ബോസിലേക്ക് തള്ളിവിട്ടതും അയാളാണ്.' ​ 'ഹൗസിലായിരുന്നുപ്പോഴും ഞാൻ എപ്പോഴും സംസാരിച്ചിരുന്നത് അയാൾക്കൊപ്പം ഞാൻ ചെയ്യാൻ പോകുന്ന കാര്യങ്ങളെ കുറിച്ചാണ്. അതിൽ ചിലതൊക്കെ അവർ ടെലികാസ്റ്റ് ചെയ്തിട്ടുമുണ്ട്.' 'അയാൾ അത്രമാത്രം സ്മാർട്ടായി എന്നെ പറ്റിച്ചു. അയാൾക്ക് ഇതൊരു പുതിയ കാര്യമല്ല. അയാൾ വർഷങ്ങളായി ഇത് ചെയ്ത് വരുന്നുണ്ട്. അയാളെ വിശ്വസിക്കരുതെന്ന് പലരും എന്നോട് പറഞ്ഞിട്ടും ഞാൻ വിശ്വസിച്ചില്ല.' 'അയാൾ ചെയ്തത് ഇമോഷൺ അബ്യൂസാണ്. ഞാൻ ഡിപ്രഷനിലായിരുന്നു. പാനിക്ക് അറ്റാക്ക് വരെ വന്നിരുന്നു. അന്ന് ഞാൻ കരുതിയത് ഹാർട്ട് അറ്റാക്കാണെന്നാണ്. അയാൾ ഇടയ്ക്കിടെ ഹോപ്പ് തന്നിരുന്നു. കമ്മിറ്റഡാകാൻ പറ്റില്ലെന്ന് അയാൾ എന്നോട് പറഞ്ഞു. അയാൾക്ക് വേറൊരു ഐഡിയയും ചിന്തയുമാണ്.' 'ഞാൻ അത്തരത്തിലുള്ള ആളല്ല. കാഞ്ചിവരം തുടങ്ങാൻ പ്രേരിപ്പിച്ചതും അയാളാണ്. ഇപ്പോൾ അയാൾ എന്റെ സുഹൃത്തുമായി പ്രണയത്തിലാണ്. ഇപ്പോഴാണ് എന്നിലെ ബെസ്റ്റ് വേർഷൻ പുറത്തുവന്നത്. പിന്നെ അയാൾ കാരണം എനിക്ക് സംഭവിച്ചിട്ടുള്ളതെല്ലാം നല്ലതാണ്. അതുകൊണ്ടാണ് പേര് വെളിപ്പെടുത്താതെ ഒരു ഫേവർ അയാൾക്ക് ചെയ്തുകൊടുക്കുന്നതെന്നും കണ്ണ് നിറഞ്ഞ് കൊണ്ട് ആര്യ പറഞ്ഞത്.